ئەفەسۆس 3:1 - ئنجیلا پیرۆز

¹ ژ بەر ڤێ چەندێ ئەز، پاولۆس، یێ ژ پێخەمەت هەوە یێن نەجوهی ژ بەر مەسیح عیسای زیندانیمە…

ئەفەسۆس 3:1 ပူးပေါင်းရင်းမြစ်များ

مزگینیا لوقای 21:12

لێ بەری ڤێ هەمیێ، ژ پێخەمەت ناڤێ من، ئەو دێ هەوە گرن و تەپەسەر كەن و دێ هەوە رادەستی كنیشتەیان كەن و هاڤێژنە د زیندانان دا و دێ هەوە راكێشنە نك پاشا و حوكمداران.

كارێن هنارتیان 21:33

وی دەمی فەرماندە نێزیكی وی بوو، ئەو گرت و فەرمان دا، كو ب دوو زنجیران بهێتە قەیدكرن، پاشی پرسیار كر كا ئەو كیە و چ كریە.

كارێن هنارتیان 23:18

ئینا وی ئەو برە نك فەرماندەی و گۆت: «پاولۆسێ زیندانی گازی من كر و داخواز كر، كو ئەز ڤی گەنجی بینمە نك تە، چنكو وی تشتەكێ هەی دا بێژیتە تە.»

كارێن هنارتیان 26:29

پاولۆسی گۆت: «چ كورت یان درێژ، ئەز هیڤی ژ خودێ دكەم، نە ب تنێ تۆ، لێ هەمیێن ئەڤرۆ من دبهیسن، وەكو من لێ بهێن، ژبلی ڤان قەیدان!»

كارێن هنارتیان 9:15

لێ خودانی گۆتێ: «تۆ هەڕە! چنكو ئەو بۆ من ئامانەكێ هەلبژارتیە، كو ناڤێ من بۆ مللەتێن نەجوهی و پاشایان و گەلێ ئیسرائیلێ هەلگریت.

2 كورنتۆس 1:6

ئەگەر ئەم تووشی تەنگاڤیان دبین، ئەو بۆ هاندان و قورتالبوونا هەوەیە. ئەگەر ئەم دهێینە هاندان، ئەو بۆ هاندانا هەوەیە، ئەوا شیانێ ددەتە هەوە كو خۆ ل بەر وان ئازاران بگرن یێن ئەم ژی دكێشین.

2 كورنتۆس 10:1

ئەز، پاولۆس، ئەوێ دهێتە گۆتن كو یێ دەروونبچویكم د روی ب روی بوونا هەوە دا و یێ وێرەكم دەمێ ژ هەوە دویر، ئەز ب نەرمی و نازكیا مەسیحی داخوازێ ژ هەوە دكەم.

2 كورنتۆس 11:23

ئەگەر ئەو خزمەتكارێن مەسیحینە، (ئەز وەكو ئێكێ دین دبێژم) ئەز ژ وان باشترم: من زێدەتر رەنجا بری، پتر یێ هاتیمە زیندانكرن، پتر لێدان ب من كەفتیە، گەلەك جاران روی ب روی مرنێ بوویمە.

گالاتیا 5:11

لێ ئەز، گەلی خویشك و برایان، ئەگەر هێشتا راگەهاندنێ بۆ سونەتكرنێ دكەم، پا بۆچی هێشتا دهێمە تەپەسەر كرن؟ ئەگەر وەسا با، هنگی دا ئاستەنگا خاچێ یا راكری بیت.

گالاتیا 5:2

گوهداریێ بكەن، ئەز پاولۆس دبێژمە هەوە: ئەگەر هوین بهێنە سونەتكرن، ئێدی مەسیح چ مفای ناگەهینیتە هەوە.

گالاتیا 5:24

ئەو كەس ژی كو یێن مەسیح عیساینە، ئەوان لەش ل گەل حەز و ڤیانێن د لەشی دا یێن ل خاچێ داین.

ئەفەسۆس 3:11

ئەڤ چەندە ل دویڤ مەرەما خودێ یا هەردەمی بوو، ئەوا وی ب دەستێ خودانێ مە مەسیح عیسای ب ج‍‌ھ ئینای.

ئەفەسۆس 3:13

لەوما ئەز هیڤی ژ هەوە دكەم كو هوین بێ ئومێد نەبن ژ بەر ئازارێن ئەز بۆ هەوە دكێشم، ئەو بۆ هەوە مەزناهینە.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 6:20

ئەو مزگینیا كو ئەز ژ پێخەمەت وێ، بالیۆزەكێ زنجیركریمە. نڤێژان بكەن كو ئەز ب وێرەكی راگەهاندنێ بۆ وێ بكەم، كا چەوا پێدڤیە ئەز بێژم.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

كۆلۆسی 4:18

ئەز پاولۆس، ڤێ سڵاڤێ ب دەستێ خۆ دنڤیسم. قەیدا من بیننە بیرا خۆ. كەرەما خودێ ل سەر هەوە بیت.

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

2 تیمۆتاوس 1:16

بلا خودان دلۆڤانیێ ب مالا ئۆنیسیفورۆسی ببەت، چنكو وی گەلەك جاران بێهنا من فرە‍‌ھ كر و شەرم ب قەیدێن من نەكر،

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

فلیمون 1:1

ژ من، پاولۆسێ زیندانكری ژ پێخەمەت مەسیح عیسای، ژ برایێ مە تیمۆتاوسی ژی، بۆ هەڤكارێ مە یێ خۆشتڤی فلیمونی،

فلیمون 1:23

ئێپافراس، ئەوێ ژ پێخەمەت مەسیح عیسای ل گەل من د زیندانێ دا، سڵاڤان ل تە دكەت.

فلیمون 1:9

لێ بۆ من خۆشترە كو ئەز ب حەزژێكرنێ هیڤیێ ژ تە بكەم. ئەز، پاولۆسێ پیرەمێر و نوكە ژی یێ زیندانكری ژ پێخەمەت مەسیح عیسای،

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.