ئەفەسۆس 2:8 - ئنجیلا پیرۆز

⁸ چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.

ئەفەسۆس 2:8 ပူးပေါင်းရင်းမြစ်များ

مزگینیا مەتتای 16:17

عیسای بەرسڤ دا و گۆتە وی: «خوزیكێن تە، شەمعونێ كوڕێ یۆنای! چنكو چ خوین و گۆشتان ئەڤە بۆ تە دیار نەكریە، لێ بابێ منێ ل ئەسمانان.

مزگینیا مەتتای 20:9

ئەوێن دەمژمێر پێنجێ ئێڤاری دەست ب كاری كری، هاتن و هەر ئێكی دینارەك وەرگرت.

مزگینیا مەرقۆسی 16:16

یێ باوەریێ بینیت و بهێتە تافیركرن، دێ قورتال بیت و یێ باوەریێ نەئینیت دێ هێتە گونەهباركرن.

مزگینیا لوقای 7:50

وی گۆتە ژنكێ «باوەریا تە تۆ قورتال كری، ب ئاشتی هەڕە».

مزگینیا یوحەننای 3:36

ئەوێ باوەریێ ب كوڕی بینیت، ژیانا هەروهەر یا هەی. ئەوێ ب گۆتنا كوڕی نەكەت، ئەو ژیانێ نابینیت، لێ تۆڕەبوونا خودێ ل سەر وی دمینیت.

مزگینیا یوحەننای 4:10

عیسای بەرسڤا وێ دا و گۆتێ: «ئەگەر تە دانا خودێ زانیبا و ئەگەر تە زانیبا كا كیە دبێژیتە تە: ‹ئاڤێ بدە من،› تۆ دا ژێ داخواز كەی و ئەو دا ئاڤا ژیانێ دەتە تە.»

مزگینیا یوحەننای 5:24

ب راستی ب راستی دبێژمە هەوە: هەر كەسێ گو‍‌ھ بدەتە پەیڤا من و باوەریێ ب وی بینیت یێ ئەز هنارتیم، وی ژیانا هەروهەر یا هەی. ئەو ناهێتە گونەهباركرن، لێ ئەو ژ مرنێ دەربازی ژیانێ بوویە.

مزگینیا یوحەننای 6:35

عیسای بەرسڤا وان دا: «ئەزم نانێ ژیانێ، ئەوێ بهێتە نك من چ جاران برسی نابیت و ئەوێ باوەریێ ب من بینیت، چ جاران تێهنی نابیت.

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

مزگینیا یوحەننای 6:40

چنكو حەزا بابێ من ئەوە، كو هەر كەسێ كوڕی ببینیت و باوەریێ پێ بینیت، دێ ژیانا هەروهەر بۆ وی بیت و ل رۆژا دویماهیێ ئەز دێ وی ژ مرنێ راكەم.»

مزگینیا یوحەننای 6:44

كەس نەشێت بهێتە نك من، ئەگەر باب، ئەوێ ئەز هنارتیم، وی رانەكێشیت، ئەز ژی دێ ل رۆژا دویماهیێ وی ژ مرنێ راكەم.

مزگینیا یوحەننای 6:65

پاشی گۆت: «ژ بەر وێ چەندێ من گۆتە هەوە: كەسەك نەشێت بهێتە نك من، ئەگەر باب دەستویریێ نەدەتێ.»

كارێن هنارتیان 14:27

دەمێ گەهشتین، وان جڤاكا باوەرداران كۆم كر و بەحسێ وان هەمی تشتان كر، ئەوێن خودێ ل سەر دەستێ وان كرین و كا چەوا وی دەرگەهێ باوەریێ بۆ نەجوهیان ژی ڤەكر

كارێن هنارتیان 15:11

لێ مە باوەری هەیە، كو ئەم و ئەو ژی، دێ ب كەرەما خودان عیسای قورتال بین.»

كارێن هنارتیان 16:14

ژنكەكا خودێپەرێس گوهداریا مە دكر، ناڤێ وێ لیدیا بوو، خەلكا باژێڕێ تیاتیرا بوو، وێ بازرگانی ب پەڕوكێ بنەفشی دكر، خودانی دلێ وێ ڤەكربوو داكو گوهداریا ئاخفتنێن پاولۆسی بكەت.

كارێن هنارتیان 16:31

وان بەرسڤ دا: «باوەریێ ب خودان عیسای بینە، تۆ و خێزانا خۆ دێ قورتال بن!»

رۆما 10:14

لێ ئەو دێ چەوا هەوارا خۆ گەهیننە وی یێ وان باوەری پێ نەئینای؟ و چەوا دێ باوەریێ ب وی ئینن، یێ دەربارەی وی چ نەبهیستی؟ و چەوا دێ بهیسن بێی كو كەس بۆ وان رابگەهینیت؟

رۆما 10:17

ئەڤجا باوەری ژ بهیستنێ دهێت و بهیستن ژی ب رێكا پەیاما مەسیحی دهێت.

رۆما 4:16

ژ بەر ڤێ چەندێ سۆز گرێدای باوەریێیە، دا ل دویڤ كەرەمێ بیت و ژ بۆ هەمی دویندەها ئیبراهیمی یا مسۆگەر بیت. نە ب تنێ ژ بۆ وان یێن ل دویڤ دەستووری دچن، لێ ژ بۆ وان ژی یێن باوەریا وان وەكو باوەریا ئیبراهیمی، ئەوێ كو بابێ مە هەمیانە.

رۆما 4:5

لێ ئەوێ كار نەكەت و باوەری ب وی هەبیت، یێ كەسێ بەدكار بێگونە‍‌ھ دەردئێخیت، باوەریا وی وەكو راستداری دهێتە هژمارتن.

رۆما 9:16

ئەڤجا ئەڤ چەندە نە ب حەز و نە ژی ب بزاڤا مرۆڤیە، لێ ژ خودێیە ئەوێ دلۆڤانیێ دبەت.

گالاتیا 3:14

ئەڤ چەندە چێبوو، دا ب رێكا مەسیح عیسای بەرەكەتا ئیبراهیمی بگەهیتە مللەتێن نەجوهی، كو ب رێكا باوەریێ ئەم گیانێ پیرۆز یێ سۆزپێدای وەرگرین.

گالاتیا 3:22

لێ نڤیسارا پیرۆز هەمی تشت ل بن دەستهەلاتا گونەهێ كرینە دیل، داكو باوەردار ژ بەر باوەریا خۆ ب عیسایێ مەسیح، سۆزێ وەرگرن.

ئەفەسۆس 1:19

و كا مەزناهیا هێزا وی یا بێ سنوور چیە، یا ژ بۆ مە یێن باوەردار ل دویڤ هێز و شیانا وی كار دكەت.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 2:5

دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.

فیلیپی 1:29

چنكو وی كەرەم ل گەل هەوە كریە كو هوین نە ب تنێ باوەریێ ب مەسیحی بینن، لێ دا ئازارێ ژی ژ پێخەمەت وی بكێشن.

كۆلۆسی 2:12

ب تافیركرنێ هوین ل گەل وی هاتینە ڤەشارتن و هەر ب وێ هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.

2 سالونیكی 1:9

سزایێ وان دێ وێرانبوونا هەتا هەتایی بیت، دویر ژ رویێ خودانی و ژ مەزناهیا هێزا وی.

عیبرانی 6:4

چنكو ئەوێن جارەكێ رۆناهیا راستیا خودێ دیتی و تام كریە دیاریا ئەسمانی و بووینە هەڤپشك د گیانێ پیرۆز دا

1 پەترۆس 1:5

هوین ئەون یێن ب رێكا باوەریێ ژ لایێ هێزا خودێ ڤە دهێنە پاراستن، بۆ وێ قورتالبوونێ كو یا ئامادەیە د دەمێ دویماهیێ دا بهێتە ئاشكراكرن.