ئەفەسۆس 2:6 - ئنجیلا پیرۆز

⁶ ژ بەر ئێكبوونا مە ل گەل مەسیح عیسای، خودێ ئەم ل گەل وی ژ مرنێ راكرین و ل گەل وی ل جهێن ئەسمانی روینشتاندین.

ئەفەسۆس 2:6 ပူးပေါင်းရင်းမြစ်များ

مزگینیا مەتتای 26:29

ئەز دبێژمە هەوە: ئێدی ئەز ژ ڤی بەرهەمێ مێوێ ڤەناخۆم، تا وێ رۆژا ئەز ل گەل هەوە ل پاشایەتیا بابێ خۆ ژ یا نوی ڤەدخۆم.»

مزگینیا لوقای 12:37

خوزیكێن وان بەنیان یێن كو دەمێ خودانێ وان ڤەدگەڕیێت، وان هشیار دبینیت. راستیێ دبێژمە هەوە: ئەو دێ ناڤتەنگا خۆ گرێ دەت و دێ داخوازێ ژ وان كەت ل سەر سفرێ روینن و دێ خزمەتا وان كەت.

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

مزگینیا یوحەننای 14:3

پشتی ئەز دچم و بۆ هەوە جهی ئامادە دكەم، دێ جارەكا دی هێمەڤە و هەوە بەمە نك خۆ، دا ئەو جهێ ئەز لێ، هوین ژی لێ بن.

ئەفەسۆس 1:1

ژ من، پاولۆس، هنارتیێ مەسیح عیسای، ب حەزا خودێ، بۆ پیرۆزكریێن ل ئەفەسۆسێ، ئەوێن ب مەسیح عیسای د دلسۆزن:

ئەفەسۆس 1:3

مەزناهی بۆ خودێ، بابێ خودانێ مە عیسایێ مەسیح، كو وی ب ئێكبوونا ل گەل مەسیحی، ب هەر بەرەكەتەكا روحانی د جهێن ئەسمانی دا، ئەم بەرەكەتدار كرین.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 2:13

لێ نوكە د ئێكبوونا ل گەل مەسیح عیسای دا، هوین یێن كو ل دەمەكی د دویر بوون، ب رێكا خوینا مەسیحی هاتنە نێزیك كرن.

كۆلۆسی 1:18

ئەو سەرێ لەشیە، ئانكو سەرێ جڤاكا باوەردارانە، ئەو دەستپێكە، نەخریێ ژ ناڤ مریانە، دا ئەوی د هەر تشتی دا جهێ ئێكێ هەبیت.