ئەفەسۆس 2:5 - ئنجیلا پیرۆز

⁵ دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.

ئەفەسۆس 2:5 ပူးပေါင်းရင်းမြစ်များ

مزگینیا لوقای 15:24

چنكو ئەڤ كوڕێ من یێ مری بوو و ساخ بووڤە، یێ بەرزە بوو و هاتە دیتن.› ئینا وان دەست ب كەیفێ كر.

مزگینیا یوحەننای 5:21

كا چەوا باب مریان رادكەتەڤە و زیندی دكەت، هەروەسا كوڕ ژی یێ وی بڤێت، زیندی دكەت.

مزگینیا یوحەننای 6:63

ئەوێ ژیانێ ددەت گیانێ پیرۆزە، لێ لەش چ مفای نادەت. ئەو ئاخفتنێن من بۆ هەوە گۆتین، ئەو ژ گیانێ خودێنە و ژیانێ ددەن.

كارێن هنارتیان 15:11

لێ مە باوەری هەیە، كو ئەم و ئەو ژی، دێ ب كەرەما خودان عیسای قورتال بین.»

رۆما 16:20

خودایێ ئاشتیێ د دەمەكێ نێزیك دا دێ ئبلیسی د بن پێیێن هەوە ڤە هەڕشینیت. كەرەما خودانێ مە عیسای ل سەر هەوە بیت.

رۆما 3:24

لێ ئەوێن باوەریێ دئینن، ب كەرەما خودێ بێ بەرامبەر بێگونە‍‌ھ دهێنە هژمارتن، ب رێیا رزگاركرنا ب مەسیح عیسای هاتی.

رۆما 4:16

ژ بەر ڤێ چەندێ سۆز گرێدای باوەریێیە، دا ل دویڤ كەرەمێ بیت و ژ بۆ هەمی دویندەها ئیبراهیمی یا مسۆگەر بیت. نە ب تنێ ژ بۆ وان یێن ل دویڤ دەستووری دچن، لێ ژ بۆ وان ژی یێن باوەریا وان وەكو باوەریا ئیبراهیمی، ئەوێ كو بابێ مە هەمیانە.

رۆما 5:10

ئەگەر دەمێ ئەم دوژمنێن وی بووین، خودێ ب مرنا كوڕێ خۆ ل گەل مە ئاشت بوو، نوكە پشتی ئەم ل گەل وی د ئاشت، چەند مسۆگەرتر ب ژیانا كوڕێ وی دێ قورتال بین.

رۆما 5:6

ژ بەر كو هێشتا ئەم د بێ هێز بووین، مەسیح د دەمێ دەستنیشانكری دا ژ بۆ بەدكاران مر.

رۆما 5:8

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

رۆما 8:2

چنكو یاسایا گیانێ ب رێیا مەسیح عیسای ژیانێ ددەت، تۆ ژ یاسایا گونە‍‌ھ و مرنێ ئازاد كری.

2 كورنتۆس 13:14

كەرەما خودان عیسایێ مەسیح و حەزژێكرنا خودێ و هەڤپشكیا گیانێ پیرۆز ل گەل هەوە هەمیان بن.

ئەفەسۆس 2:1

هوین ژی ژ بەر سەرپێچی و گونەهێن خۆ د مری بوون،

ئەفەسۆس 2:8

چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.

ئەفەسۆس 5:14

چنكو هەر تشتێ ئاشكرا ببیت، دبیتە رۆناهی. لەوما دهێتە گۆتن: «هەی نڤستی، هشیار ببە! ژ ناڤ مریان رابە و مەسیح دێ رۆناهیێ دەتە تە.»

كۆلۆسی 2:13

هوین ژ بەر گونەهێ و سونەتنەكرنا لەشێ خۆ د مری بوون، لێ خودێ هوین ل گەل وی ڤەژاندن، دەمێ ل هەمی گونەهێن مە بوری.

تیتۆس 2:11

چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

تیتۆس 3:5

وی ئەم قورتال كرین. نە ژ بەر كارێن راستداریێ یێن مە كرین، لێ وی ئەڤ چەندە ل دویڤ دلۆڤانیا خۆ كر، ب شویشتنا ژدایكبوونا دوویێ و نویكرنێ ب گیانێ پیرۆز،

ئاشكراكرن 22:21

كەرەما خودان عیسای ل سەر هەمیان بیت.