ئەفەسۆس 2:3 - ئنجیلا پیرۆز

³ دەمەكی مە هەمیان ژی د ناڤ وان دا ب ئارەزوویێن لەشێ خۆ دكر و حەزێن لەش و هزرێن خۆ ب ج‍‌ھ دئینان. ئەم ژی وەكو یێن دی، ب سرۆشتێ خۆ د هەژی تۆڕەبوونا خودێ بووین.

ئەفەسۆس 2:3 ပူးပေါင်းရင်းမြစ်များ

مزگینیا مەرقۆسی 4:19

لێ خەمێن ڤێ جیهانێ و خاپاندنا دەولەمەندیێ و حەزژێكرنا تشتێن دی دكەڤیتە د ناڤ وان دا و پەیڤێ دفەتسینن و پەیڤ بێ بەرهەم دبیت.

مزگینیا یوحەننای 1:13

ئەوێن نە ژ خوینێ و نە ژ حەزا لەشی و نە ب بڕیارا زەڵامەكی بووین، لێ ئەوێن ژ خودێ بووین.

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

كارێن هنارتیان 14:16

ئەوێ ل سەردەمێن بوری هێلای كو هەر مللەتەك ل سەر رێیا خۆ بچیت،

رۆما 1:24

ژ بەر ڤێ چەندێ، خودێ ل دویڤ حەزێن دلێ وان، ئەو رادەستی پویچاتیێ كرن، دا ل گەل ئێك لەشێ خۆ فهێت بكەن.

رۆما 11:30

كا چەوا دەمەكی هەوە گوهداریا خودێ نەكر، لێ نوكە ژ ئەنجامێ نەگوهداریا وان دلۆڤانی ب هەوە هاتە برن،

رۆما 13:14

لێ خۆ ب خودان عیسایێ مەسیح راپێچن و چ هزرێ بۆ تێركرنا داخوازێن سرۆشتێ خۆ یێ لەشكانی نەكەن.

رۆما 2:14

چنكو نەجوهی، كو د بێ دەستوورن، گاڤا ب سرۆشتێ خۆ وێ ب ج‍‌ھ بینن یا دەستووری فەرمان پێ دای، ئەو ژ بۆ خۆ دەستوورن، هەر چەندە وان دەستوور ژی نینە.

رۆما 5:10

ئەگەر دەمێ ئەم دوژمنێن وی بووین، خودێ ب مرنا كوڕێ خۆ ل گەل مە ئاشت بوو، نوكە پشتی ئەم ل گەل وی د ئاشت، چەند مسۆگەرتر ب ژیانا كوڕێ وی دێ قورتال بین.

رۆما 5:9

ئەڤجا نوكە، پشتی ئەم ب خوینا وی بێگونە‍‌ھ هاتینە دەرئێخستن، چەند مسۆگەرتر ب رێیا وی دێ ژ تۆڕەبوونا خودێ قورتال بین.

رۆما 6:12

ئەڤجا نەهێلن گونە‍‌ھ د لەشێ هەوە یێ مربار دا دەستهەلاتێ بكەت، دا هوین ملكەچی حەزێن وی نەبن.

رۆما 7:18

ئەز دزانم تشتەكێ باش د من دا، ئانكو د سرۆشتێ من یێ لەشكانی دا، یێ ئاكنجی نینە. چنكو حەزا كرنا باشیێ د من دا هەیە، لێ شیانا باشیێ د من دا نینە.

رۆما 9:22

ئەڤجا ما چیە ئەگەر خودێ، ژ بەر كو وی دڤێت تۆڕەبوونا خۆ ئاشكرا بكەت و هێزا خۆ دیار بكەت، ب بێهنفرەهیەكا درێژ هەدارا خۆ ل گەل وان ئامانێن هەژی تۆڕەبوونێ كێشا، یێن بۆ ژناڤچوونێ هاتینە ئامادەكرن؟

1 كورنتۆس 4:7

كی تە ژ ئێكێ دی جودا دكەت؟ ما تە چ هەیە كو تە ژ خودێ وەرنەگرتی؟ مادەم تە وەرگرتیە، پا بۆچی شانازیێ دبەی هەروەكو تە وەرنەگرتبیت؟

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

گالاتیا 3:22

لێ نڤیسارا پیرۆز هەمی تشت ل بن دەستهەلاتا گونەهێ كرینە دیل، داكو باوەردار ژ بەر باوەریا خۆ ب عیسایێ مەسیح، سۆزێ وەرگرن.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

ئەفەسۆس 4:22

هوین هاتینە فێركرن كو ژ لایێ رەفتارا هەوە یا بەرێ ڤە، مرۆڤێ كەڤن ژ بەر خۆ بكەن، ئەوێ ب حەزێن خاپینۆك گەنی دبیت

كۆلۆسی 1:21

هوین ژی دەمەكی ب كریارێن خۆ یێن خراب، ژ خودێ دویركەفتبوون و ب هزرێن خۆ دوژمنێن خودێ بوون،

1 سالونیكی 4:13

مە نەڤێت هوین دەربارەی نڤستیان د بێ ئاگە‍‌ھ بن، گەلی خویشك و برایان، دا خۆ خەمگین نەكەن وەكو یێن دی یێن كو چ هیڤی نینن.

1 سالونیكی 5:6

ئەڤجا ئەم نەنڤین وەكو یێن دی، لێ بلا ئەم د هشیار و ل سەر هشێن خۆ بین.

1 تیمۆتاوس 6:9

لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

1 پەترۆس 1:14

وەكو زاڕۆكێن گوهدار، خۆ ل گەل ئارەزوویێن بەرێ یێن دەمێ نەزانینا خۆ نەگونجینن،

2 پەترۆس 2:14

چاڤێن وان د تژی دەهمەنپیسینە، ژ گونەهكرنێ تێر نابن، دەروونێن لاواز دخاپینن. دلێ وان ل سەر چاڤبرساتیێ یێ مەشقدایە. نفرین ل سەر وانە!

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

1 یوحەننا 2:16

چنكو هەمی تشتێن د جیهانێ دا، ئارەزوویا لەشی و ئارەزوویا چاڤان و شانازیبرن ب ملك و مالێ ژیانێ، نە ژ بابینە، لێ ژ جیهانێنە.

1 یوحەننا 2:8

سەرەڕای هندێ ژی، ئەز فەرمانەكا نوی بۆ هەوە دنڤیسم، كو راستیا وێ د وی دا و د هەوە ژی دا هەیە، چنكو تاریاتی بەرەڤ نەمانێ دچیت و رۆناهیا راستەقینە نوكە شەوقێ ددەت.