ئەفەسۆس 2:15 - ئنجیلا پیرۆز

¹⁵ وی دەستوور ب فەرمان و رێسایێن وی ڤە ژ كار ئێخست، دا ب ئێكبوونا ل گەل خۆ، ژ هەردوویان مرۆڤەكێ نوی بئافرینیت و ب ڤی شێوەی ئاشتیێ چێكەت

ئەفەسۆس 2:15 ပူးပေါင်းရင်းမြစ်များ

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

گالاتیا 3:10

هەمی ئەوێن پشتا خۆ ب كارێن دەستووری گەرم دكەن، د نفرین لێكرینە، چنكو یا هاتیە نڤیسین: «نفرین لێ كریە یێ بێكێماسی هەمی تشتێن د پەرتووكا دەستووری دا هاتینە نڤیسین ب ج‍‌ھ نەئینیت و كار پێ نەكەت.»

گالاتیا 3:28

ئێدی چ جوداهی د ناڤبەرا جوهیەكی و یونانیەكی، یان بەنیەكی و ئازادەكی، یان نێرەكی و مێیەكێ دا نینە، چنكو هوین هەمی د ئێكبوونا ل گەل مەسیح عیسای دا ئێكن،

گالاتیا 6:15

چنكو سونەتبوونێ و سونەتنەبوونێ ژی مفا بۆ مرۆڤی نینە، ب تنێ یا مفای دگەهینیتە وی ئەوە كو ببیتە ئافرندەیەكێ نوی.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 2:14

چنكو مەسیح ب خۆ ئەو ئاشتیە یا د ناڤبەرا مە دا. وی جوهی و نەجوهی كرنە ئێك و ب لەشێ خۆ دیوارێ ناڤبڕێ، ئانكو دوژمناتی، هەلوەشاند.

ئەفەسۆس 2:16

و ب خاچا خۆ هەردوویان د ئێك لەش دا ل گەل خودێ ئاشت بكەت، هۆسا وی دوژمناتی كوشت.

ئەفەسۆس 4:16

ژ ویە هەمی لەش خۆ پێكڤە دگریت و ب هاریكاریا هەر گەهەكێ دهێتە گرێدان و دەمێ هەر ئەندامەك كارێ خۆ دكەت، لەش وەرارێ دكەت و د حەزژێكرنێ دا خۆ ئاڤا دكەت.

كۆلۆسی 2:14

وی تۆمارا قەرێن مە ژێ بر، ئەوا ل گۆر رێسایێن دەستووری ل دژی مە هاتیە نڤیسین. وی ئەو تۆمار ب خاچێ ڤە بزماردا و هۆسا راكر.

كۆلۆسی 2:20

مادەم هوین ل گەل مەسیحی مرینە و ژ هێزێن سرۆشتی یێن ڤێ جیهانێ ئازاد بووینە، ئێدی بۆچی هوین وەسا دژین، هەروەكو هوین یێن ڤێ جیهانێ بن؟ بۆچی هوین ملكەچی ڤان رێسایان دبن:

كۆلۆسی 3:10

و مرۆڤێ نوی كریە بەر خۆ، ئەوێ دهێتە نویكرن ل گۆر وێنەیێ ئافرێندەرێ خۆ، دا ب دروستی ئافرێندەری بنیاسیت.

كۆلۆسی 3:11

د وێ نویكرنێ دا چ جوداهی د ناڤبەرا نەجوهی و جوهی، سونەتكری و سونەتنەكری، بەربەر و سكێت، بەنی و ئازاد دا نینە، لێ مەسیح هەمی تشتە و د ناڤ مە هەمیان دایە.

كۆلۆسی 3:15

بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.

عیبرانی 7:16

ئەو نە ل دویڤ دەستوورێ فەرمانا لەشكانی، لێ ل دویڤ هێزا ژیانەكا ژ ناڤ ناچیت بوویە كاهن.

عیبرانی 8:13

دەمێ خودێ دبێژیت: «پەیمانا نوی»، ئەڤە وی یا پێشیێ كەڤن كر. ئەو تشتێ كەڤن و پیر دبیت، ئەو نێزیكی ژناڤچوونێیە.

عیبرانی 9:23

لەوما دڤیا لبەرچێكریێن تشتێن ئەسمانی ب ڤان رێورەسمان بهێتە پاقژكرن، لێ تشتێن ئەسمانی ب خۆ ب قوربانیێن باشتر ژ ڤان رێورەسمان بهێنە پاقژكرن.