ئەفەسۆس 2:10 - ئنجیلا پیرۆز

¹⁰ چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 2:10 ပူးပေါင်းရင်းမြစ်များ

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا یوحەننای 3:21

لێ ئەوێ ل سەر راستیێ دچیت، دهێتە نك رۆناهیێ، دا دیار ببیت كو كارێن وی ل دویڤ حەزا خودێ هاتینە كرن.»

كارێن هنارتیان 9:31

پشتی هنگی جڤاكا باوەرداران ل سەرانسەری یەهودیایێ و جەلیلێ و سامەریایێ د ئاشتیێ دا بوو و ئاڤا دبوو و د ترسا خودانی دا پێشڤە دچوو و ب پشتەڤانیا گیانێ پیرۆز زێدە دبوو.

كارێن هنارتیان 9:36

ل باژێڕێ یافا شاگردەك هەبوو ناڤێ وێ تابیتا بوو و ب یونانی دگۆتنێ دۆركاس، هەردەم چاكی دكرن و هاریكاریا هەژاران دكر.

رۆما 8:1

لەوما، ژ نوكە و پێڤە گونەهباركرن بۆ وان نینە یێن ل گەل مەسیح عیسای بووینە ئێك.

رۆما 8:29

چنكو ئەوێن خودێ ئەو پێشوەخت هەلبژارتین، وی ئەو پێشوەخت ژی دەستنیشان كرن، دا وەكو وێنەیێ كوڕێ وی لێ بهێن، دا كوڕ د ناڤ گەلەك خویشك و برایێن خۆ دا یێ نەخری بیت.

1 كورنتۆس 3:9

چنكو ئەم پێكڤە بۆ خودێ كار دكەین، هوین ژی زەڤیا خودێنە و ئاڤاهیێ خودێنە.

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

2 كورنتۆس 5:5

ئەوێ ب تەمامی بۆ ڤێ مەبەستێ ئەم ئامادە كرین، خودێیە، یێ گیانێ پیرۆز وەكو دەستبەع دایە مە.

2 كورنتۆس 9:8

خودێ دشێت هەر كەرەمەكێ ب سەر هەوە دا بڕێژیت، دا هەوە د هەمی تشتان دا و ل هەمی دەمان ب تەمامی تێرا خۆ هەبیت و وەسا هوین ب هەمی كارێن باش د سەر دا بڕژن.

گالاتیا 6:15

چنكو سونەتبوونێ و سونەتنەبوونێ ژی مفا بۆ مرۆڤی نینە، ب تنێ یا مفای دگەهینیتە وی ئەوە كو ببیتە ئافرندەیەكێ نوی.

ئەفەسۆس 1:1

ژ من، پاولۆس، هنارتیێ مەسیح عیسای، ب حەزا خودێ، بۆ پیرۆزكریێن ل ئەفەسۆسێ، ئەوێن ب مەسیح عیسای د دلسۆزن:

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 2:13

لێ نوكە د ئێكبوونا ل گەل مەسیح عیسای دا، هوین یێن كو ل دەمەكی د دویر بوون، ب رێكا خوینا مەسیحی هاتنە نێزیك كرن.

ئەفەسۆس 2:15

وی دەستوور ب فەرمان و رێسایێن وی ڤە ژ كار ئێخست، دا ب ئێكبوونا ل گەل خۆ، ژ هەردوویان مرۆڤەكێ نوی بئافرینیت و ب ڤی شێوەی ئاشتیێ چێكەت

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

ئەفەسۆس 2:6

ژ بەر ئێكبوونا مە ل گەل مەسیح عیسای، خودێ ئەم ل گەل وی ژ مرنێ راكرین و ل گەل وی ل جهێن ئەسمانی روینشتاندین.

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 4:24

و مرۆڤێ نوی بكەنە بەر خۆ، ئەوێ ل گۆر خودێ د راستداری و پیرۆزیا راستیێ دا هاتیە ئافراندن.

فیلیپی 1:6

ئەز یێ پشتڕاستم، كو ئەوێ كارەكێ باش د دلێ هەوە دا دەست پێ كری، دێ یێ بەردەوام بیت تا ل رۆژا مەسیح عیسای تەمام دبیت.

فیلیپی 2:13

چنكو خودێیە ئەوێ د دلێ هەوە دا كار دكەت، حەز و هێزێ ددەتە هەوە كو وێ بكەن یا ئەو پێ رازی دبیت.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

كۆلۆسی 3:10

و مرۆڤێ نوی كریە بەر خۆ، ئەوێ دهێتە نویكرن ل گۆر وێنەیێ ئافرێندەرێ خۆ، دا ب دروستی ئافرێندەری بنیاسیت.

2 سالونیكی 2:17

دلێن هەوە هان بدەت و د هەمی ئاخفتن و كارێن باش دا موكم بكەت.

1 تیمۆتاوس 2:10

لێ ب كریارێن باش، كو بكێر وان ژنكان بهێن یێن ب ئاشكرایی دبێژن ئەم خودێترسین.

1 تیمۆتاوس 5:10

و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

1 تیمۆتاوس 5:25

هەروەسا كریارێن باش د دیارن، یێن نە د دیار ژی د شیان دا نینە بهێنە ڤەشارتن.

1 تیمۆتاوس 6:18

وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.

2 تیمۆتاوس 2:21

ئەڤجا ئەگەر ئێك خۆ ژ ڤان تشتان پاقژ بكەت، دێ بیتە ئامانەكێ بڕێز، یێ پیرۆزكری، یێ بكێرهاتی بۆ خودانێ خۆ و یێ ئامادە بۆ هەمی كارێن باش.

2 تیمۆتاوس 3:17

دا مرۆڤێ خودێ یێ بێكێماسی بیت و بۆ هەر كارەكێ باش یێ ئامادە بیت.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

تیتۆس 3:1

بیرا وان بینە كو ملكەچی سەروەر و دەستهەلاتداران بن، گوهداریا وان بكەن و بۆ هەر كارەكێ باش د ئامادە بن.

تیتۆس 3:14

پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

عیبرانی 10:24

هەروەسا بلا هزرا خۆ د هندێ دا بكەین كا چەوا ئێكودوو هانبدەین بۆ حەزژێكرنێ و كارێن چاك.

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 2:6

ئەوێ دبێژیت: «ئەز د ناڤ وی دا یێ بنەجهم،» پێدڤیە وەسا بژیت، هەروەكو عیسا ژیای.