ئەفەسۆس 1:9 - ئنجیلا پیرۆز

⁹ وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

ئەفەسۆس 1:9 ပူးပေါင်းရင်းမြစ်များ

مزگینیا مەتتای 13:11

وی بەرسڤا وان دا و گۆت: «تێگەهشتنا نهێنیێن پاشایەتیا ئەسمانان بۆ هەوە یا هاتیە دان، لێ بۆ وان نەهاتیە دان،

مزگینیا لوقای 12:32

نەترسە، كەرێ پەزی یێ بچویك، چنكو بابێ هەوە پێخۆش بوو كو پاشایەتیێ بدەتە هەوە.

مزگینیا لوقای 2:14

«مەزناهی بۆ خودێ ل بلنداهیان و ل سەر ئەردی ژی ئاشتی بۆ مرۆڤان، یێن كو خودێ ژێ رازی.»

كارێن هنارتیان 13:48

دەمێ یێن نەجوهی ئەڤ چەندە بهیستی، دلخۆش بوون و پەسنا پەیڤا خودانی كرن و هەمیێن ژ بۆ ژیانا هەروهەر هاتینە دەستنیشانكرن، باوەری ئینا.

كارێن هنارتیان 2:23

ئەو، ل دویڤ نەخشەیێ ڤەبڕ و زانینا پێشوەخت یا خودێ، رادەستی هەوە هاتە كرن و هەوە ب دەستێن خودێنەنیاسان خاچ دا و كوشت،

كارێن هنارتیان 4:28

داكو وان هەمی تشتان بكەن یێن ژ بەری نوكە دەستێ تە و حەزا تە نەخشێ وان دانای كو روی بدەن.

رۆما 11:25

ئەز حەز ناكەم، گەلی خویشك و برایان، هوین ئاگەهداری ڤێ نهێنیێ نەبن، داكو هوین خۆ ئاقلدار نەهژمێرن. نهێنی ئەوە كو سەرڕەقیێ پشكەكا گەلێ ئیسرائیل یا گرتی، تاكو ژمارەیا نەجوهیێن دێ قورتال بن، تەمام ببیت.

رۆما 8:28

ئەم دزانین كو خودێ وە دكەت هەمی تشت پێكڤە كار بكەن ژ بۆ باشیا وان یێن حەز ژ خودێ دكەن و ل دویڤ مەبەستا وی هاتینە گازیكرن.

1 كورنتۆس 1:21

بەلێ، چنكو مادەم خودێ ب ئاقلمەندیا خۆ نەهێلا كو جیهان ب ئاقلمەندیا خۆ وی بنیاسیت، جهێ دلخۆشیا خودێ بوو كو وان یێن باوەریێ دئینن قورتال بكەت، ب وێ مزگینیێ یا خەلكەكی ددیت كو بێئاقلیە.

گالاتیا 1:12

من ئەو ژ چ مرۆڤان وەرنەگرتیە و كەسێ ژی ئەز فێر نەكریمێ، لێ ب پەیاما عیسایێ مەسیح من وەرگرتییە.

گالاتیا 1:15

لێ دەمێ خودێ، ئەوێ ئەز هەلبژارتیم كو هێشتا ئەز د زكێ دایكا خۆ دا بووم و ب كەرەما خۆ گازی من كری، پێ دلخۆش بووی

گالاتیا 1:16

كو كوڕێ خۆ بۆ من ئاشكرا بكەت، دا وی د ناڤ مللەتێن نەجوهی دا بدەمە نیاسین، هنگی من شیرەتا خۆ ب چ مرۆڤان نەكر،

ئەفەسۆس 1:11

ل دویڤ مەبەستا وی، ئەوێ هەر تشتی ل دویڤ بڕیار و حەزا خۆ ساز دكەت، ئەم پێشوەخت هاتینە دەستنیشانكرن و ب مەسیحی هاتینە هەلبژارتن،

ئەفەسۆس 1:8

ئەوا وی ب هەمی ئاقلمەندی و تێگەهشتن، ب مەردینی ب سەر مە دا باراندی.

ئەفەسۆس 3:11

ئەڤ چەندە ل دویڤ مەرەما خودێ یا هەردەمی بوو، ئەوا وی ب دەستێ خودانێ مە مەسیح عیسای ب ج‍‌ھ ئینای.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان