ئەفەسۆس 1:4 - ئنجیلا پیرۆز

⁴ وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 1:4 ပူးပေါင်းရင်းမြစ်များ

مزگینیا مەتتای 24:22

ئەگەر ئەو رۆژ نەهاتبانە كورتكرن، كەس قورتال نەدبوو، لێ ژ بەر هەلبژارتیان ئەو رۆژ دێ هێنە كورتكرن.

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 24:31

ئەڤجا دێ فریشتەیێن خۆ ب لێدانا بۆڕیزانەكا دەنگ مەزن هنێریت، دێ هەلبژارتیێن وی ژ هەر چوار كوژیێن جیهانێ، ژ ڤی لایێ ئەسمانان هەتا لایێ دی، خڕڤە كەن.

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا یوحەننای 10:16

من پەزێن دی ژی یێن هەین، كو نە ژ ڤێ كۆتانێنە، دڤێت ئەز وان ژی بینم و ئەو دێ گوهێ خۆ دەنە دەنگێ من و دێ بنە ئێك كەرێ پەزی ل گەل ئێك شڤان.

مزگینیا یوحەننای 15:16

هەوە ئەز هەلنەبژارتم، لێ من هوین هەلبژارتن و دەستنیشان كرن كو هوین بچن بەرهەمی بدەن و بەرهەمێ هەوە بمینیت، داكو هەر تشتێ هوین ب ناڤێ من ژ بابی بخوازن، ئەو بدەتە هەوە.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

كارێن هنارتیان 13:48

دەمێ یێن نەجوهی ئەڤ چەندە بهیستی، دلخۆش بوون و پەسنا پەیڤا خودانی كرن و هەمیێن ژ بۆ ژیانا هەروهەر هاتینە دەستنیشانكرن، باوەری ئینا.

كارێن هنارتیان 15:18

یێن كو هەر ژ كەڤن دا هاتینە زانین. ›

كارێن هنارتیان 18:10

چنكو ئەز یێ ل گەل تە و كەس دەستێ خۆ درێژ ناكەتە تە، كو تە بئێشینیت، ژ بەر كو من گەلەك مرۆڤ ل ڤی باژێڕی یێن هەین.»

رۆما 8:33

كی دێ هەلبژارتیێن خودێ تاوانبار كەت؟ خودێیە یێ وان بێگونە‍‌ھ دكەت،

1 كورنتۆس 1:8

ئەو ژی دێ هەوە هەتا دویماهیێ موكم كەت، دا د رۆژا خودانێ مە عیسایێ مەسیح دا چ گازندە ل سەر هەوە نەبن.

گالاتیا 5:13

هوین گەلی خویشك و برایان، ژ بۆ ئازادیێ یێن هاتینە گازی كرن، لێ وێ ئازادیێ نەكەنە بەهانە بۆ حەزێن لەشی، بەلكو ب حەزژێكرنێ خزمەتا ئێكودوو بكەن.

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 3:17

ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

ئەفەسۆس 4:2

ب هەمی دەروونبچویكی و نەرمی و بێهنفرەهی ئێكودوو د حەزژێكرنێ دا رابگرن.

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

ئەفەسۆس 5:27

دا وێ وەكو جڤاكەكا شۆخ و شەنگ پێشكێشی خۆ بكەت، یا بێ پنی و بێ قورمچین و هەر تشتەكێ هۆسا بیت، لێ یا پیرۆز و بێكێماسی بیت.

فیلیپی 2:15

دا گازندە ل سەر هەوە نەبن و هوین د بێگونە‍‌ھ بن، د ناڤ ڤی نفشێ خوار و خڕیای دا زاڕۆكێن خودێ یێن بێكێماسی بن، د ناڤ وان دا وەكو ستێران د جیهانێ دا ببرسقن.

كۆلۆسی 1:22

لێ نوكە خودێ ب لەشێ مەسیحی یێ مرۆڤكانی، ب رێكا مرنا وی هوین ل گەل خۆ ئاشت كرن، دا هەوە پیرۆز و بێكێماسی و بێگازندە ل نك خۆ ئامادە بكەت،

كۆلۆسی 2:2

ئارمانجا من ئەوە كو ئەو بهێنە هاندان و د حەزژێكرنێ دا د ئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،

كۆلۆسی 3:12

ئەڤجا هوین ئەوێن خودێ ئەو هەلبژارتین و پیرۆز كرین و حەز ژێ دكەت: دلۆڤانی، قەنجی، دەروونبچویكی، دلنەرمی و بێهنفرەهیێ بكەنە بەر خۆ.

1 سالونیكی 3:12

بلا خودان وە بكەت كو حەزژێكرنا هەوە بۆ ئێكودوو و بۆ هەمیان وەرارێ بكەت و زێدە ببیت، هەروەكو حەزژێكرنا مە بۆ هەوە زێدە دبیت،

1 سالونیكی 4:7

چنكو خودێ ئەم بۆ پویچاتیێ گازی نەكرینە، لێ بۆ پیرۆزیێ.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

2 تیمۆتاوس 2:10

لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

2 تیمۆتاوس 2:19

لێ بنیاتێ قاییم یێ خودێ دانای یێ خۆجهە، ئەڤ موهرە ل سەرە: «خودان، یێن خۆ دنیاسیت» و «هەر ئێكێ دانپێدانێ ب ناڤێ خودانی بكەت، فەرە خۆ ژ خرابیێ دویر بئێخیت.»

یەعقوب 2:5

خویشك و برایێن من یێن خۆشتڤی، گوهێ خۆ بدەنێ: ما خودێ هەژارێن ڤێ جیهانێ هەلنەبژارتینە كو ب باوەریێ د دەولەمەند بن و میراتگرێن وێ پاشایەتیێ بن، ئەوا وی سۆزا وێ دایە وان یێن حەز ژ وی دكەن؟

1 پەترۆس 1:2

ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

1 یوحەننا 4:16

ئەڤجا ئەم وێ حەزژێكرنا خودێ بۆ مە هەی دزانین و باوەر ژێ دكەین. خودێ حەزژێكرنە. ئەوێ د ناڤ حەزژێكرنێ دا بنەج‍‌ھ دبیت، د ناڤ خودێ دا یێ بنەجهە و خودێ د ناڤ وی دا.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.