ئەفەسۆس 1:22 - ئنجیلا پیرۆز

²² خودێ هەمی تشت ئێخستنە بن پێیێن وی و ئەو د سەر هەر تشتەكی دا كرە سەر بۆ جڤاكا باوەرداران.

ئەفەسۆس 1:22 ပူးပေါင်းရင်းမြစ်များ

مزگینیا مەتتای 16:18

ئەز دبێژمە تە: تۆ پەترۆسی و ل سەر ڤی كەڤری دێ جڤاكا باوەردارێن خۆ ئاڤا كەم و دەرگەهێن وارێ مریان نەشێن ل دژی وێ سەركەفتنێ بینن.

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

1 كورنتۆس 11:3

لێ من دڤێت هوین بزانن كو سەرێ هەر زەڵامەكی مەسیحە، سەرێ ژنێ مێرە و سەرێ مەسیحی ژی خودێیە.

ئەفەسۆس 3:21

مەزناهی بۆ وی بیت، د جڤاكا باوەرداران و مەسیح عیسای دا، ب درێژاهیا هەمی بەرەبابان بۆ هەتا هەتایێ. ئامین.

ئەفەسۆس 5:23

چنكو مێر سەرێ ژنێیە، كا چەوا مەسیح سەرێ جڤاكا باوەردارانە و ئەو ب خۆ قورتالكەرێ لەشیە.

كۆلۆسی 1:18

ئەو سەرێ لەشیە، ئانكو سەرێ جڤاكا باوەردارانە، ئەو دەستپێكە، نەخریێ ژ ناڤ مریانە، دا ئەوی د هەر تشتی دا جهێ ئێكێ هەبیت.

كۆلۆسی 1:8

ئەوی ئەو حەزژێكرن بۆ مە دیار كر، یا هەوە ب رێكا گیانێ پیرۆز هەی.

كۆلۆسی 2:10

هوین ژی د ئێكبوونا ل گەل وی دا د كاملن، ئەوێ كو سەرێ هەمی سەروەر و دەستهەلاتدارانە.

كۆلۆسی 2:19

و خۆ ب سەری ڤە نەگرتیە. ژ وی سەری، هەمی لەش ب رێكا گە‍‌ھ و رەهان، دهێتە پشتەڤانیكرن و پێكڤە دهێتە گرێدان، وەسا لەش وەرارێ دكەت، وەراركرنەكا ژ لایێ خودێ ڤە.

1 تیمۆتاوس 3:15

دا ئەگەر ئەز گیرۆ ببم، تۆ بزانی كا پێدڤیە ئێك چەوا د مالا خودێ دا رەفتارێ بكەت. ئەو مال جڤاكا گازیكریێن خودایێ زیندیە، ستوین و شەنگستەیێ راستیێیە.

عیبرانی 2:8

هەمی تشت ئێخستنە د بن پێیێن وی ڤە.» ئەڤجا مادەم خودێ هەمی تشت ملكەچی وی كرینە، ئەوی تشتەك نەهێلایە كو ملكەچی وی نەبیت. لێ نوكە ئەم هێشتا نابینین كو هەمی تشت د ملكەچی وی بن.