ئەفەسۆس 1:20 - ئنجیلا پیرۆز

²⁰ ئەڤ هێزە ئەوە یا خودێ د مەسیحی دا ئێخستیە كاری، دەمێ ژ ناڤ مریان راكری و ل دەستێ خۆ یێ راستێ ل جهێن ئەسمانی روینشتاندی،

ئەفەسۆس 1:20 ပူးပေါင်းရင်းမြစ်များ

مزگینیا مەتتای 26:64

عیسای بەرسڤا وی دا: «تە گۆت! و ئەز دبێژمە هەوە: ژ نوكە پێڤە هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل سەر عەورێن ئەسمانی یێ دهێت.»

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا مەرقۆسی 14:62

عیسای گۆت: «ئەز ئەوم و هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل گەل عەورێن ئەسمانی یێ دهێت.»

مزگینیا مەرقۆسی 16:19

ئەڤجا پشتی كو خودان عیسا ل گەل وان ئاخفتی، بلند بوو ئەسمانی و ل ملێ راستێ یێ خودێ روینشت.

مزگینیا یوحەننای 10:18

كەس ژیانا من ژ من ناستینیت، لێ ئەز ژ نك خۆ دكەمە گۆری. من دەستهەلاتا هەی بكەمە گۆری و من دەستهەلاتا هەی جارەكا دی ب دەست خۆ ڤە بینم. ئەڤ فەرمانە من ژ بابێ خۆ یا وەرگرتی.»

مزگینیا یوحەننای 10:30

ئەز و باب ئێكین.»

كارێن هنارتیان 10:40

لێ خودێ ئەو ل رۆژا سێیێ راكرەڤە و رێ دا كو دیار ببیت،

كارێن هنارتیان 26:8

بۆچی باوەریا هەوە پێ ناهێت، كو خودێ مریان رادكەتەڤە؟

كارێن هنارتیان 4:10

بلا هوین هەمی و گشت مللەتێ ئیسرائیلێ ژی بزانن، كو ب ناڤێ عیسایێ مەسیح یێ ناسیرەیی، ئەوێ هەوە خاچ دای و ئەوێ خودێ ژ ناڤ مریان راكری، ئەڤ زەڵامە ل بەرامبەری هەوە ساخلەم راوەستیاییە.

كارێن هنارتیان 5:31

لێ خودێ ل دەستێ خۆ یێ راستێ دانا و كرە سەرۆك و قورتالكەر، دا ئیسرائیلیان ژ گونەهێن وان ڤەگەڕینیت و لێ ببوریت

رۆما 1:4

و ل گۆر گیانێ پیرۆزیێ، ب رابوونا وی ژ ناڤ مریان، ب هێزێ وەكو كوڕێ خودێ هاتیە دیاركرن. ئەو خودانێ مە عیسایێ مەسیحە.

رۆما 8:34

كی دشێت وان گونەهبار بكەت؟ مەسیح عیسایە یێ كو مری، لێ ئەوە یێ ژ ناڤ مریان رابووی ژی و هەر ئەوە یێ ل دەستێ راستێ یێ خودێ بۆ مە مەهدەریێ دكەت.

ئەفەسۆس 1:3

مەزناهی بۆ خودێ، بابێ خودانێ مە عیسایێ مەسیح، كو وی ب ئێكبوونا ل گەل مەسیحی، ب هەر بەرەكەتەكا روحانی د جهێن ئەسمانی دا، ئەم بەرەكەتدار كرین.

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

كۆلۆسی 1:16

چنكو ب وی هەمی تشت هاتنە ئافراندن: یێن ل ئەردی و یێن ل ئەسمانان، یێن دهێنە دیتن و یێن ناهێنە دیتن، چ تەخت بن یان خودانەتی، چ سەروەر بن یان دەستهەلاتدار، هەمی ب وی و بۆ وی هاتنە ئافراندن.

كۆلۆسی 3:1

ئەڤجا ئەگەر هوین ل گەل مەسیحی ژ مرنێ هاتینە راكرن، بزاڤێ بۆ تشتێن ل سڵال بكەن، ل وی جهی یێ مەسیح لێ، كو ل دەستێ راستێ یێ خودێ یێ روینشتیە.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 10:12

لێ دەمێ ڤی كاهنی ب تنێ ئێك قوربانی ژ بەر گونەهان بۆ هەتا هەتایێ پێشكێش كری، ل دەستێ راستێ یێ خودێ روینشت.

عیبرانی 13:20

بلا خودایێ ئاشتیێ، یێ خودانێ مە عیسا كو ب خوینا پەیمانا هەتا هەتایی شڤانێ مەزن یێ پەزیە، ژ ناڤ مریان راكریەڤە،

عیبرانی 2:9

لێ ئەم عیسای دبینین كو بۆ دەمەكێ كورت ژ فریشتەیان نزمتر هاتبوو دانان، نوكە تانجا مەزناهی و سەربلندیێ یا د سەرێ وی، ژ بەر كو وی ئازارا مرنێ كێشا، دا ژ كەرەما خودێ ژ پێخەمەت هەر مرۆڤەكی تام كەتە مرنێ.

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

ئاشكراكرن 1:17

دەمێ من ئەو دیتی، ئەز وەكو ئێكێ مری كەفتمە بەر پێیێن وی. ئینا وی دەستێ خۆ یێ راستێ دانا سەر من و گۆت: «نەترسە، ئەزم یێ ئێكێ و یێ دویماهیێ