ئەفەسۆس 1:19 - ئنجیلا پیرۆز

¹⁹ و كا مەزناهیا هێزا وی یا بێ سنوور چیە، یا ژ بۆ مە یێن باوەردار ل دویڤ هێز و شیانا وی كار دكەت.

ئەفەسۆس 1:19 ပူးပေါင်းရင်းမြစ်များ

مزگینیا یوحەننای 3:6

ئەوێ ژ لەشی دبیت لەشە و یێ ژ گیانی دبیت گیانە.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 1:16

ئەز مزگینیێ ب شەرم نابینم، ژ بەر كو ئەو هێزا خودێیە بۆ قورتالبوونێ ژ بۆ هەر كەسێ باوەریێ پێ دئینیت، ل بەراهیێ ژ بۆ یێ جوهی و پاشی ژ بۆ یێ نەجوهی.

2 كورنتۆس 4:7

لێ ئەو گەنجینەیا مە هەی، یا د ئامانێن گلی دا، دا دیار ببیت كو هێزا هەری زێدە ژ خودێیە، نە ژ مەیە.

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 3:20

مەزناهی بۆ وی بیت، یێ ب هێزا خۆ یا د مە دا كار دكەت، دشێت گەلەك پتر ژ وێ هەمیێ بكەت یا ئەم دخوازین یان هزر دكەین.

ئەفەسۆس 3:7

ئەز ل دویڤ دیاریا كەرەما خودێ یا ب كاركرنا هێزا وی بۆ من هاتیە دان، بوومە خزمەتكارێ ڤێ مزگینیێ.

ئەفەسۆس 6:10

ل دویماهیێ، ب خودانی و ب هێزا وی یا مەزن، خۆ ب هێز بئێخن.

فیلیپی 2:13

چنكو خودێیە ئەوێ د دلێ هەوە دا كار دكەت، حەز و هێزێ ددەتە هەوە كو وێ بكەن یا ئەو پێ رازی دبیت.

فیلیپی 3:21

ب هێزا خۆ یا دشێت هەر تشتەكی بندەستی خۆ بكەت، ئەو دێ لەشێ مە یێ لاواز و مربار گوهۆڕیت و وەكو لەشێ خۆ یێ ب روومەت لێ كەت.

كۆلۆسی 1:29

ژ بۆ ڤێ چەندێ، ئەز رەنجێ دكێشم، ل دویڤ هێزا وی یا د من دا بهێز كار دكەت، بزاڤێ دكەم.

كۆلۆسی 2:12

ب تافیركرنێ هوین ل گەل وی هاتینە ڤەشارتن و هەر ب وێ هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

2 سالونیكی 1:11

بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

یەعقوب 1:18

ل دویڤ حەزا خۆ ب رێكا پەیڤا راستیێ وی ئەم بووین، داكو ببینە خێڤەیێ ئافراندیێن وی.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.