ئەفەسۆس 1:18 - ئنجیلا پیرۆز

¹⁸ بلا چاڤێن زێهنێ هەوە ڤەكەت، دا بزانن كا ئەو هیڤیا هوین بۆ وێ هاتینە گازیكرن چ تشتە و كا میراتێ وی چەند یێ مەزن و دەولەمەندە بۆ پیرۆزكریان

ئەفەسۆس 1:18 ပူးပေါင်းရင်းမြစ်များ

مزگینیا مەتتای 13:15

چنكو ئەڤ مللەتە یێ سەرهشك بووی و گوهێن وان یێن گران بووین و چاڤێن خۆ یێن نقاندین، نەكو ب چاڤێن خۆ ببینن و ب گوهێن خۆ ببهیسن و ب مەژیێ خۆ تێبگەهن و بزڤڕن، دا ساخ بكەم.›

مزگینیا مەرقۆسی 10:17

پشتی ب رێ كەفتی، زەڵامەك ب لەز گەهشتێ و كەفتە سەر چۆكان و پرسیار ژێ كر: «مامۆستایێ چاك، ئەز چ بكەم دا ببمە میراتگرێ ژیانا هەروهەر؟»

مزگینیا لوقای 24:45

وی دەمی زێهنێ وان ڤەكر، دا د نڤیساران بگەهن

كارێن هنارتیان 16:14

ژنكەكا خودێپەرێس گوهداریا مە دكر، ناڤێ وێ لیدیا بوو، خەلكا باژێڕێ تیاتیرا بوو، وێ بازرگانی ب پەڕوكێ بنەفشی دكر، خودانی دلێ وێ ڤەكربوو داكو گوهداریا ئاخفتنێن پاولۆسی بكەت.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 11:29

چنكو خودێ ژ بەرەكەتداركرن و هەلبژارتنا كەسەكی پەشیمان نابیت.

رۆما 2:4

یان تۆ سڤكاتیێ ب دەولەمەندیا قەنجی و بێهنفرەهی و هەداریا وی دكەی؟ ما تۆ نزانی كو قەنجیا خودێ تە بەرەڤ لخۆزڤڕینێ دبەت؟

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

گالاتیا 5:5

لێ ئەم ژ دەولەتسەرێ گیانێ پیرۆز ب رێكا باوەریێ د چاڤەڕێینە خودێ مە راستدار دەربئێخیت، كو هیڤیا مە ئەوە.

ئەفەسۆس 1:11

ل دویڤ مەبەستا وی، ئەوێ هەر تشتی ل دویڤ بڕیار و حەزا خۆ ساز دكەت، ئەم پێشوەخت هاتینە دەستنیشانكرن و ب مەسیحی هاتینە هەلبژارتن،

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 3:16

ئەز هیڤی ژێ دكەم كو ئەو ل دویڤ دەولەمەندیا مەزناهیا خۆ هێزێ بدەتە هەوە، كو هوین ب گیانێ وی د ناخێ خۆ دا خورت ببن،

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 4:4

ئێكە لەش و ئێكە گیان، هەروەكو خودێ بۆ ئێك هیڤی هوین گازی كرین.

ئەفەسۆس 5:8

چنكو دەمەكی هوین تاری بوون، لێ نوكە هوین ب ئێكبوونا ل گەل خودانی رۆناهینە. ئەڤجا وەكو زاڕۆكێن رۆناهیێ بژین

فیلیپی 3:14

ئەز بزاڤێ بۆ ئارمانجێ دكەم، دا خەلاتی قازانج بكەم، ئەوێ ب رێكا مەسیح عیسای، خودێ ئەز بۆ وی گازی كریمە سڵال.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

كۆلۆسی 2:2

ئارمانجا من ئەوە كو ئەو بهێنە هاندان و د حەزژێكرنێ دا د ئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،

كۆلۆسی 3:15

بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

1 سالونیكی 5:8

لێ ژ بەر كو ئەم یێن رۆژێینە، دڤێت ل سەر هشێن خۆ بین و زریێ باوەریێ و حەزژێكرنێ بكەینە بەر خۆ و كومزریێ هیڤیا قورتالبوونێ بكەینە سەرێ خۆ.

2 سالونیكی 1:11

بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

1 تیمۆتاوس 6:12

د خەباتا باش یا باوەریێ دا خۆ بوەستینە و خۆ ب ژیانا هەروهەر ڤە بگرە، ئەوا تۆ بۆ وێ هاتیە گازیكرن و تە ل بەرامبەر گەلەك شاهدان شاهدەییا باش بۆ وێ دای.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

تیتۆس 3:7

دا ب كەرەما وی، راستدار بهێینە هژمارتن و ببینە میراتگر ل هیڤیا ژیانا هەروهەر.

عیبرانی 10:32

رۆژێن بەرێ بیننە بیرا خۆ، پشتی هوین هاتینە رۆناهیكرن، دەمێ هەوە خۆ ل بەر هەڤڕكیەكا دژوار یا پڕی ئازار گرتی.

عیبرانی 6:4

چنكو ئەوێن جارەكێ رۆناهیا راستیا خودێ دیتی و تام كریە دیاریا ئەسمانی و بووینە هەڤپشك د گیانێ پیرۆز دا

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

1 پەترۆس 3:9

خرابیێ ب خرابیێ و ئاخفتنێن كرێت ب ئاخفتنێن كرێت ڤەنەگێڕن، لێ بەروڤاژی هندێ بەرەكەتێ بۆ وان بخوازن، ژ بەر كو هوین بۆ وێ چەندێ یێن هاتینە گازیكرن، كو ببنە میراتگرێن بەرەكەتێ.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.