ئەفەسۆس 1:17 - ئنجیلا پیرۆز

¹⁷ و داخواز دكەم كو خودایێ خودانێ مە عیسایێ مەسیح، بابێ مەزناهیێ، گیانێ ئاقلمەندیێ و تێگەهشتنا ئاشكراكرنا خودێ بدەتە هەوە، دا هوین وی هێشتا باشتر بنیاسن.

ئەفەسۆس 1:17 ပူးပေါင်းရင်းမြစ်များ

مزگینیا مەتتای 11:25

ل وی دەمی عیسای گۆت: «باب، خودانێ ئەرد و ئەسمانی، ئەز سوپاسیا تە دكەم، چنكو تە ئەڤ تشتێن هەنێ ژ تێگەهشتی و ئاقلمەندان ڤەشارتن و تە بۆ زاڕۆكان ئاشكرا كرن.

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 16:17

عیسای بەرسڤ دا و گۆتە وی: «خوزیكێن تە، شەمعونێ كوڕێ یۆنای! چنكو چ خوین و گۆشتان ئەڤە بۆ تە دیار نەكریە، لێ بابێ منێ ل ئەسمانان.

مزگینیا مەتتای 20:33

وان گۆتێ: «خودان، بیناهیێ بدە چاڤێن مە.»

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

مزگینیا لوقای 12:12

چنكو گیانێ پیرۆز هنگی دێ هەوە فێر كەت كا چ پێدڤیە هوین بێژن.»

مزگینیا لوقای 2:14

«مەزناهی بۆ خودێ ل بلنداهیان و ل سەر ئەردی ژی ئاشتی بۆ مرۆڤان، یێن كو خودێ ژێ رازی.»

مزگینیا لوقای 21:15

چنكو ئەز دێ دەڤ و ئاقلمەندیەكێ دەمە هەوە، هەمی بەرهنگارێن هەوە نەشێن بەرگریێ بكەن یان بەرسڤا ئاخفتنێن هەوە بدەن.

مزگینیا یوحەننای 14:17

ئەو ژی گیانێ راستیێیە، یێ كو جیهان نەشێت وی قەبیل بكەت، چنكو جیهان نە وی دبینیت، نە ژی دنیاسیت. لێ هوین وی دنیاسن، چنكو ل گەل هەوە یێ بنەجهە و دێ د ناڤ هەوە دا بیت.

مزگینیا یوحەننای 14:26

لێ هاریكار، گیانێ پیرۆز، ئەوێ كو باب دێ ب ناڤێ من هنێریت، ئەو دێ هەوە فێری هەمی تشتان كەت و هەمی تشتێن من گۆتینە هەوە، ئەو دێ ئینیتە بیرا هەوە.

مزگینیا یوحەننای 16:3

دێ ڤان تشتان كەن، چنكو ئەو نە بابی دنیاسن و نە ژی من دنیاسن.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 20:17

عیسای گۆتێ: «من نەگرە، چنكو هێشتا ئەز بلند نەبوویمە نك بابی. لێ هەڕە نك برایێن من و بێژە وان كو ئەز دێ بلند بمە نك بابێ خۆ و بابێ هەوە، نك خودایێ خۆ و خودایێ هەوە.»

كارێن هنارتیان 6:10

لێ ئەو نەشیان ل بەر ئاقلمەندیا وی و ئەو گیانێ پێ دئاخفت راوەستن.

كارێن هنارتیان 7:2

بەرسڤا وی دا: «گەلی باب و برایان، گوهێ خۆ بدەنە من: دەمێ بابێ مە ئیبراهیم ل مێزۆپۆتامیا، بەری بچیتە حەڕانێ و لێ بژیت، خودایێ مەزن بۆ وی دیار بوو

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

رۆما 15:6

دا هوین ب ئێك دل و ئێك دەنگ پەسنا خودێ، بابێ خودانێ مە عیسایێ مەسیح، بكەن.

1 كورنتۆس 12:8

ئەڤجا بۆ ئێكی ب رێكا گیانی پەیاما ئاقلمەندیێ دهێتە دان و بۆ ئێكێ دی ب رێكا هەمان گیانی پەیاما زانینێ،

1 كورنتۆس 14:6

ئەڤجا گەلی خویشك و برایان، ئەگەر ئەز بهێمە نك هەوە و ب زمانێن دی بئاخڤم، دێ چ مفای ل هەوە كەم، ئەگەر ئەز ب سرۆش، یان ب زانین، یان ب پەیام راگەهاندن، یان ژی ب فێركرنەكێ بۆ هەوە نەئاخفتم؟

1 كورنتۆس 2:10

بۆ مە خودێ ب گیانێ خۆ ئەو دیار كرن. چنكو گیان لێگەڕیانێ و ڤەكۆلینێ بۆ هەمی تشتان دكەت، خۆ كویراتیا ناخێ خودێ ژی.

1 كورنتۆس 2:8

ئەوا چ سەرۆكێن ڤێ جیهانێ تێنەگەهشتین، چنكو ئەگەر ئەو تێگەهشتبان، ئەوان خودانێ مەزناهیێ خاچ نەددا.

2 كورنتۆس 12:1

یا فەرە شانازیێ ب خۆ ببەم. هەر چەندە یا بێ مفایە، لێ ئەز دێ هێمە سەر بینین و پەیامێن خودانی بۆ من ئاشكرا كرین.

ئەفەسۆس 1:3

مەزناهی بۆ خودێ، بابێ خودانێ مە عیسایێ مەسیح، كو وی ب ئێكبوونا ل گەل مەسیحی، ب هەر بەرەكەتەكا روحانی د جهێن ئەسمانی دا، ئەم بەرەكەتدار كرین.

ئەفەسۆس 3:5

ئەو نهێنی د دەمێ بەرەبابێن دی دا بۆ مرۆڤان ئاشكرا نەكربوو، لێ نوكە ب گیانێ پیرۆز بۆ هنارتی و پێغەمبەرێن وی یێن پیرۆز هاتە ئاشكرا كرن.

ئەفەسۆس 4:13

تاكو ئەم هەمی بگەهینە ئێكەتیا باوەریێ و نیاسینا كوڕێ خودێ، هەروەسا ئەم ببینە مرۆڤەكێ پێگەهشتی، بگەهینە ئاستێ تەمامێ بەژنا مەسیحی.

فیلیپی 3:15

ئەڤجا پێدڤیە ئەم هەمیێن پێگەهشتی هۆسا هزر بكەین و ئەگەر هەوە هزرەكا دی هەبیت، خودێ دێ وێ ژی بۆ هەوە ئاشكرا كەت.

2 تیمۆتاوس 2:25

و ب جوامێری بەرهنگارێن خۆ راستڤە بكەت، بەلكو خودێ لخۆزڤڕینێ بدەتێ، دا راستیێ بزانن

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

یەعقوب 2:1

خویشك و برایێن من، مادەم هوین باوەریێ ب خودانێ مە عیسایێ مەسیح، خودانێ مەزناهیێ، دئینن، جوداهیێ نەئێخنە د ناڤبەرا مرۆڤان دا.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

ئاشكراكرن 7:12

و دگۆت: «ئامین! پەسن و مەزناهی و ئاقلمەندی و سوپاسی و رێز و شیان و هێز، هەروهەر بۆ خودایێ مە بن! ئامین.»