ئەفەسۆس 1:13 - ئنجیلا پیرۆز

¹³ دەمێ هەوە پەیڤا راستیێ، ئانكو مزگینیا قورتالبوونا خۆ، بهیستی و باوەری ب مەسیحی ئینای، هوین ژی ب گیانێ پیرۆزێ سۆزپێدای، ژ بەر ئێكبوونا هەوە ل گەل مەسیحی هاتنە موهركرن.

ئەفەسۆس 1:13 ပူးပေါင်းရင်းမြစ်များ

مزگینیا لوقای 11:13

ئەڤجا ئەگەر هوین، سەرەڕای كو د خرابن ژی، دزانن تشتێن باش بدەنە زاڕۆكێن خۆ، پا چەند مسۆگەرتر بابێ ل ئەسمانی دێ گیانێ پیرۆز دەتە وان كەسێن ژێ دخوازن.»

مزگینیا لوقای 24:49

ئەڤە ئەز دێ سۆزا بابێ خۆ بۆ هەوە هنێرم. ل باژێڕی بمینن تاكو هوین ژ بلنداهیێ ب هێزێ دهێنە راپێچان.»

مزگینیا یوحەننای 1:17

دەستوور ب رێكا مووسای هاتبوو دان، كەرەم و راستی ب رێكا عیسایێ مەسیح هاتن.

مزگینیا یوحەننای 14:26

لێ هاریكار، گیانێ پیرۆز، ئەوێ كو باب دێ ب ناڤێ من هنێریت، ئەو دێ هەوە فێری هەمی تشتان كەت و هەمی تشتێن من گۆتینە هەوە، ئەو دێ ئینیتە بیرا هەوە.

مزگینیا یوحەننای 15:26

دەمێ ئەو هاریكار دهێت، یێ ئەز دێ ژ نك بابی بۆ هەوە هنێرم، گیانێ راستیێ، ئەوێ ژ نك بابی دەردكەڤیت، دێ بۆ من شاهدەییێ دەت.

مزگینیا یوحەننای 3:33

ئەوێ شاهدەییا وی قەبیل دكەت، ئەو پەسەند دكەت كو خودێ یێ راستە.

مزگینیا یوحەننای 6:27

ژ بۆ وێ خوارنا درزیت كار نەكەن، لێ ژ بۆ وێ خوارنێ كار بكەن، ئەوا بۆ ژیانا هەروهەر دمینیت، ئەو خوارنا كوڕێ مرۆڤ دێ دەتە هەوە، چنكو خودایێ باب ئەو یێ موهر كری.»

كارێن هنارتیان 1:4

جارەكێ دەمێ ئەو ل گەل وان بوو، فەرمان ل وان كر و گۆتێ: «ئورشەلیمێ ب ج‍‌ھ نەهێلن، لێ چاڤەڕێی سۆزا بابی بن، ئەوا هەوە ژ من بهیستی.

كارێن هنارتیان 13:26

گەلی برایان، كوڕێن دویندەها ئیبراهیمی و ئەوێن دی یێن د ناڤ هەوە دا ژ خودێ دترسن، پەیڤا ڤێ قورتالبوونێ بۆ مە یا هاتیە هنارتن.

كارێن هنارتیان 2:33

ئەڤجا عیسا بۆ دەستێ راستێ یێ خودێ هاتە بلندكرن و سۆز كو گیانێ پیرۆزە ژ بابی وەرگرت و ئەو سۆزا دایێ ئەڤا نوكە هوین دبینن و دبهیسن، ئەوا ب سەر مە دا رشتی.

رۆما 1:16

ئەز مزگینیێ ب شەرم نابینم، ژ بەر كو ئەو هێزا خودێیە بۆ قورتالبوونێ ژ بۆ هەر كەسێ باوەریێ پێ دئینیت، ل بەراهیێ ژ بۆ یێ جوهی و پاشی ژ بۆ یێ نەجوهی.

رۆما 4:11

پاشی ئەو هاتە سونەتكرن وەكو نیشان و بەلگە كو ئەو ژ بەر باوەریا خۆ، بەری سونەتكرنێ، راستدار هاتە هژمارتن. هۆسا ئیبراهیم بوو بابێ وان هەمیێن سونەتنەكری و باوەریێ دئینن، داكو ئەو ژی راستدار بهێنە هژمارتن،

رۆما 6:17

لێ سوپاس بۆ خودێ كو هەر چەندە هوین بەنیێن گونەهێ بوون، لێ هەوە ژ هەمی دلێ خۆ گوهداریا وێ فێركرنێ كر، ئەوا هەوە وەرگرتی.

2 كورنتۆس 1:22

و موهر كرین و گیانێ پیرۆز وەكو دەستبەع كرە د دلێ مە دا.

2 كورنتۆس 6:7

د گۆتنا راستیێ دا، د هێزا خودێ دا، ب چەكێن راستداریێ یێن دەستێ راستێ و یێن دەستێ چەپێ،

گالاتیا 3:14

ئەڤ چەندە چێبوو، دا ب رێكا مەسیح عیسای بەرەكەتا ئیبراهیمی بگەهیتە مللەتێن نەجوهی، كو ب رێكا باوەریێ ئەم گیانێ پیرۆز یێ سۆزپێدای وەرگرین.

ئەفەسۆس 4:21

بێگۆمان هەوە ل دۆر وی بهیستیە و ل گۆر وێ راستیا د عیسای دا، هوین دەربارەی وی هاتینە فێركرن.

ئەفەسۆس 4:30

گیانێ خودێ یێ پیرۆز خەمبار نەكەن، ئەوێ هوین ب وی بۆ رۆژا رزگاربوونێ هاتینە موهركرن.

1 سالونیكی 2:13

هەروەسا ئەم بێی دابڕین سوپاسیا خودێ دكەین، چنكو دەمێ هەوە پەیڤا خودێ ژ مە بهیستی، هەوە قەبیل كر نە هەروەكو ئەو پەیڤا مرۆڤان بیت، لێ هەروەكو ئەو پەیڤا خودێ بیت، ب راستی ژی ئەو پەیڤا خودێیە كو د هەوەیێن باوەردار دا كار دكەت.

2 تیمۆتاوس 2:15

هەمی بزاڤان بكە كو تۆ وەكو پالەیەكێ جهێ رازیبوونێ، خۆ بۆ خودێ پێشكێش بكەی، پالەیەكێ جهێ شەرمێ د كارێ وی دا نینە، ئەو پەیڤا راستیێ دروست شڕۆڤە دكەت.

2 تیمۆتاوس 2:19

لێ بنیاتێ قاییم یێ خودێ دانای یێ خۆجهە، ئەڤ موهرە ل سەرە: «خودان، یێن خۆ دنیاسیت» و «هەر ئێكێ دانپێدانێ ب ناڤێ خودانی بكەت، فەرە خۆ ژ خرابیێ دویر بئێخیت.»

2 تیمۆتاوس 3:15

هەروەسا تۆ ژ ساڤایەتیێ وەرە ژ نڤیسارێن پیرۆز دزانی، ئەوێن دشێن تە ئاقلدار بكەن، كو تۆ ب رێكا باوەریا ب مەسیح عیسای قورتال ببی.

تیتۆس 2:11

چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

عیبرانی 2:3

ئەگەر ئەم قورتالبوونەكا هندە مەزن پشت گو‍‌ھ ڤە بهاڤێژین، دێ مە چ رێكا رەڤێ هەبیت؟ ئەڤ قورتالبوونە ل دەستپێكێ ب رێكا خودانی هاتیە راگەهاندن، پاشی ژ لایێ وان ڤە یێن بهیستی بۆ مە هاتیە سەلماندن،

یەعقوب 1:18

ل دویڤ حەزا خۆ ب رێكا پەیڤا راستیێ وی ئەم بووین، داكو ببینە خێڤەیێ ئافراندیێن وی.

یەعقوب 1:21

لەوما هەر پیساتی و خرابیەكا د ناخێ هەوە دا گەشە كری بهاڤێژن و ئەو پەیڤا د ناخێ هەوە دا دهێتە چاندن، ئەوا دشێت گیانێ هەوە قورتال بكەت، ب دەروونبچویكی قەبیل بكەن.

1 پەترۆس 2:10

دەمەكی هوین نە گەل بوون، لێ نوكە هوین گەلێ خودێنە. دەمەكی دلۆڤانی ب هەوە نەدهاتە برن، لێ نوكە دلۆڤانی ب هەوە هاتیە برن.

ئاشكراكرن 7:2

من فریشتەیەكێ دی ژی دیت، ژ رۆژهەلاتێ دەردكەفت، موهرا خودایێ زیندی ڤێ بوو. ب دەنگەكێ بلند گازی وان هەر چوار فریشتەیان كر، ئەوێن دەستهەلاتی بۆ هاتیە دان كو زیانێ ل ئەردی و دەریایێ بكەن.