ئەفەسۆس 1:10 - ئنجیلا پیرۆز

¹⁰ نەخشەیێ وی ژی ئەوە كو د تەمامكرنا دەمان دا، ئەو دێ هەمی تشتان، یێن ل سەر ئەردی و یێن ل ئەسمانی ژی، پێكڤە كۆم كەت و ئێخیتە د بن سەروەریا مەسیحی دا.

ئەفەسۆس 1:10 ပူးပေါင်းရင်းမြစ်များ

مزگینیا مەتتای 25:32

ل بەرامبەر وی هەمی مللەت دێ هێنە كۆمكرن و دێ وان ژ ئێك جودا كەت هەروەكو شڤان پەزێ سپی ژ پەزێ رەش جودا دكەت.

مزگینیا مەرقۆسی 1:15

و دگۆت: «دەم یێ ب دویماهی هاتی، پاشایەتیا خودێ یا نێزیك بووی. ل خۆ بزڤڕن و باوەریێ ب مزگینیێ بینن.»

1 كورنتۆس 10:11

ئەڤ هەمی تشتە وەكو نموونە ب سەرێ وان هاتن و ئەو هاتینە نڤیسین داكو بۆ مە، ئەوێن دویماهیا سەردەمان ب سەرێ وان هاتی، ببنە ئاگەهداری.

1 كورنتۆس 11:3

لێ من دڤێت هوین بزانن كو سەرێ هەر زەڵامەكی مەسیحە، سەرێ ژنێ مێرە و سەرێ مەسیحی ژی خودێیە.

گالاتیا 4:4

لێ گاڤا دەمێ دەستنیشانكری هاتی، خودێ كوڕێ خۆ هنارت، ئەو ژ ژنەكێ ژ دایك بوو و ل بن دەستهەلاتا دەستووری ژ دایك بوو،

ئەفەسۆس 1:22

خودێ هەمی تشت ئێخستنە بن پێیێن وی و ئەو د سەر هەر تشتەكی دا كرە سەر بۆ جڤاكا باوەرداران.

ئەفەسۆس 2:15

وی دەستوور ب فەرمان و رێسایێن وی ڤە ژ كار ئێخست، دا ب ئێكبوونا ل گەل خۆ، ژ هەردوویان مرۆڤەكێ نوی بئافرینیت و ب ڤی شێوەی ئاشتیێ چێكەت

ئەفەسۆس 3:15

ئەوێ هەر بابكەكی ل سەر ئەردی و ل ئەسمانان ناڤ ژێ وەرگرتی،

ئەفەسۆس 3:2

بێگۆمان هەوە بهیستیە، كو ئەڤ ئەركێ بڕێڤەبرنا كەرەما خودێ، ژ پێخەمەت هەوە بۆ من هاتیە دان،

كۆلۆسی 1:16

چنكو ب وی هەمی تشت هاتنە ئافراندن: یێن ل ئەردی و یێن ل ئەسمانان، یێن دهێنە دیتن و یێن ناهێنە دیتن، چ تەخت بن یان خودانەتی، چ سەروەر بن یان دەستهەلاتدار، هەمی ب وی و بۆ وی هاتنە ئافراندن.

كۆلۆسی 1:20

و ب رێكا خوینا وی یا ل سەر خاچێ هاتیە رشتن، ئاشتیێ چێكەت، هۆسا ب رێكا وی هەمی تشتان ل گەل خۆ ئاشت بكەت، چ ل سەر ئەردی بیت، یان ژی ل ئەسمانان بیت.

كۆلۆسی 3:11

د وێ نویكرنێ دا چ جوداهی د ناڤبەرا نەجوهی و جوهی، سونەتكری و سونەتنەكری، بەربەر و سكێت، بەنی و ئازاد دا نینە، لێ مەسیح هەمی تشتە و د ناڤ مە هەمیان دایە.

عیبرانی 1:2

لێ د ڤان رۆژێن دویماهیێ دا، ب رێكا كوڕێ خۆ ل گەل مە ئاخفت، ئەوێ وی كریە میراتگرێ هەمی تشتان و ئەوێ ب وی گەردوون ئافراندی.

عیبرانی 11:40

چنكو خودێ پێشوەخت تشتەكێ باشتر بۆ مە ئامادە كریە، داكو ئەو بێی مە نەهێنە كاملكرن.

عیبرانی 9:10

ئەڤە ب تنێ گرێدای خوارن و ڤەخوارن و شویشتنێن جودا جودانە، رێورەسمێن لەشكانینە، هاتینە دانان تاكو دەمێ چاكسازیێ بهێت.

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

ئاشكراكرن 5:9

ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.