كۆلۆسی 2:2 - ئنجیلا پیرۆز

² ئارمانجا من ئەوە كو ئەو بهێنە هاندان و د حەزژێكرنێ دا د ئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،

كۆلۆسی 2:2 ပူးပေါင်းရင်းမြစ်များ

مزگینیا مەتتای 11:25

ل وی دەمی عیسای گۆت: «باب، خودانێ ئەرد و ئەسمانی، ئەز سوپاسیا تە دكەم، چنكو تە ئەڤ تشتێن هەنێ ژ تێگەهشتی و ئاقلمەندان ڤەشارتن و تە بۆ زاڕۆكان ئاشكرا كرن.

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 13:11

وی بەرسڤا وان دا و گۆت: «تێگەهشتنا نهێنیێن پاشایەتیا ئەسمانان بۆ هەوە یا هاتیە دان، لێ بۆ وان نەهاتیە دان،

مزگینیا لوقای 1:1

تیوفیلۆسێ هێژا، ژ بەر كو گەلەكان دەست هاڤێتیە نڤیسینا وان رویدانێن د ناڤ مە دا پەیدا بووین،

مزگینیا یوحەننای 10:30

ئەز و باب ئێكین.»

مزگینیا یوحەننای 10:38

لێ ئەگەر ئەز كارێن وی دكەم، خۆ ئەگەر هوین باوەر ژ من ژی نەكەن، باوەر ژ وان كاران بكەن، دا هوین بزانن و تێبگەهن كو باب یێ د ناڤ من دا و ئەز یێ د ناڤ وی دا.»

مزگینیا یوحەننای 16:15

هەمیێن كو بابی هەین، یێن منن، لەو من گۆتە هەوە: ئەو دێ ژ من وەرگریت و بۆ هەوە راگەهینیت.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 5:17

عیسای بەرسڤا وان دا: «بابێ من تا نوكە یێ كار دكەت، و ئەز ژی یێ كار دكەم.»

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

مزگینیا یوحەننای 6:69

مە ژی باوەری ئینا و زانی كو تۆی پیرۆزێ خودێ!»

كارێن هنارتیان 4:32

كۆمەڵا باوەرداران ئێك دەروون بوون و كەسەكێ ژ وان نەدگۆت، كو ئەو تشتێن وی هەین بۆ وی ب تنێنە، لێ د هەمی تشتان دا د هەڤپشك بوون.

رۆما 15:13

ئەڤجا بلا خودایێ هیڤیێ، ب رێكا باوەریێ هەوە تژی هەمی شادی و ئاشتی بكەت، دا هیڤیا هەوە ب هێزا گیانێ پیرۆز د سەردا بڕژیێت.

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

رۆما 2:4

یان تۆ سڤكاتیێ ب دەولەمەندیا قەنجی و بێهنفرەهی و هەداریا وی دكەی؟ ما تۆ نزانی كو قەنجیا خودێ تە بەرەڤ لخۆزڤڕینێ دبەت؟

1 كورنتۆس 14:31

چنكو هوین هەمی ژی دشێن پەیامێ رابگەهینن، ئێك ل دویڤ ئێكی، دا هەمی فێر ببن و بهێنە هاندان.

1 كورنتۆس 2:12

ئەڤجا مە نە گیانێ جیهانێ، لێ گیانێ كو ژ خودێ دهێت، یێ وەرگرتی، دا وان تشتان بزانین یێن خودێ ژ كەرەما خۆ داینە مە.

گالاتیا 3:28

ئێدی چ جوداهی د ناڤبەرا جوهیەكی و یونانیەكی، یان بەنیەكی و ئازادەكی، یان نێرەكی و مێیەكێ دا نینە، چنكو هوین هەمی د ئێكبوونا ل گەل مەسیح عیسای دا ئێكن،

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 3:16

ئەز هیڤی ژێ دكەم كو ئەو ل دویڤ دەولەمەندیا مەزناهیا خۆ هێزێ بدەتە هەوە، كو هوین ب گیانێ وی د ناخێ خۆ دا خورت ببن،

ئەفەسۆس 3:3

كو ئەو نهێنی ب رێكا سرۆشێ بۆ من ئاشكرا كریە، هەروەكو پێشتر من ب كورتی نڤیسی.

ئەفەسۆس 6:22

من ژ بۆ ڤێ چەندێ ئەو هنارتە نك هەوە، دا هوین رەوشا مە بزانن و ئەو هەوە هانبدەت.

فیلیپی 2:1

ئەگەر مەسیح هەوە هانددەت، ئەگەر ڤیانا وی دلێ هەوە ئارام دكەت، ئەگەر ب گیانێ پیرۆز هەوە هەڤپشكی ل گەل ئێكودوو هەیە، ئەگەر هەوە دلسۆزی و دلۆڤانی هەیە،

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

كۆلۆسی 1:26

ئانكو وێ نهێنیێ رابگەهینم یا ب درێژاهیا هەمی سەردەمێن بەرێ و ژ هەمی بەرەبابان هاتیە ڤەشارتن، لێ نوكە بۆ پیرۆزكریێن وی هاتیە ئاشكراكرن.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 1:9

ژ بەر ڤێ چەندێ ژی، هەر ژ رۆژا مە ئەڤە بهیستی، مە دەست ژ نڤێژكرنێ و داخوازكرنێ بۆ هەوە بەرنەدایە، كو هوین ژ زانینا حەزا خودێ، ب هەمی ئاقلمەندی و تێگەهشتنا روحانی، پڕ ببن،

كۆلۆسی 2:19

و خۆ ب سەری ڤە نەگرتیە. ژ وی سەری، هەمی لەش ب رێكا گە‍‌ھ و رەهان، دهێتە پشتەڤانیكرن و پێكڤە دهێتە گرێدان، وەسا لەش وەرارێ دكەت، وەراركرنەكا ژ لایێ خودێ ڤە.

كۆلۆسی 3:14

د سەر ڤان هەمیان را، حەزژێكرنێ بكەنە بەر خۆ، كو د كاملیێ دا هەمی تشتان پێكڤە گرێ ددەت.

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

كۆلۆسی 4:8

من ئەو بۆ ڤێ مەبەستێ یێ هنارتیە نك هەوە، دا هوین رەوشا مە بزانن و ئەو دلێ هەوە هانبدەت.

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

1 سالونیكی 3:2

و مە تیمۆتاوس هنارت، كو برا و هەڤكارێ مەیە بۆ خودێ د مزگینیا مەسیحی دا، داكو هەوە د باوەریا هەوە دا قاییم بكەت و هانبدەت،

1 سالونیكی 5:14

ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

عیبرانی 10:22

بلا ئەم ل گەل دلەكێ راست ب باوەریەكا كامل، دلێن مە ب رەشاندنێ د پاقژكری ژ وژدانەكا خراب و لەشێن مە د شویشتی ب ئاڤەكا پاقژ، نێزیكی خودێ ببین.

عیبرانی 6:11

لێ ئەم گەلەك حەز دكەین كو هەر ئێك ژ هەوە، هەتا دویماهیێ، هەمان دلگەرمیێ بۆ بجهئینانا هیڤیێ دیار بكەن.

2 پەترۆس 1:10

ژ بەر ڤێ چەندێ گەلی خویشك و برایان، زێدەتر بزاڤێ بكەن دا دووپات بكەن كو خودێ هوین یێن گازی كرین و هەلبژارتین، چنكو ئەگەر هوین ڤان تشتان بكەن، هوین چ جاران ناهەلنگڤن.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

1 یوحەننا 3:19

ب ڤێ چەندێ ئەم دێ زانین كو ئەم ژ راستیێینە و دێ دلێ خۆ ل بەرامبەری خودێ ئارام كەین

1 یوحەننا 5:7

یێن شاهدەییێ ددەن سێنە: