كارێن هنارتیان 1:3 - ئنجیلا پیرۆز

³ پشتی وی ئازار كێشاین، ئەوی ب گەلەك بەلگەیان خۆ نیشا وان دا كو یێ ساخە. بۆ ماوێ چل رۆژان بۆ وان دیار بوو و دەربارەی پاشایەتیا خودێ ئاخفت.

كارێن هنارتیان 1:3 ပူးပေါင်းရင်းမြစ်များ

مزگینیا مەتتای 21:43

ژ بەر هندێ ئەز دبێژمە هەوە: پاشایەتیا خودێ دێ ژ هەوە هێتە ستاندن و دێ بۆ مللەتەكی هێتە دان كو بەرهەمێ وێ بدەت.

مزگینیا مەتتای 28:9

وەسا چێبوو عیسا ب خۆ هاتە بەراهیا وان و گۆتێ: «سڵاڤ ل هەوە بن!» ئینا ئەو بەرەڤ عیسای ڤە چوون و پێیێن وی گرتن و سوجدە بۆ بر.

مزگینیا مەتتای 3:2

و دگۆت: «ل خۆ بزڤڕن، چنكو پاشایەتیا ئەسمانان یا نێزیك بووی.»

مزگینیا مەتتای 4:2

پشتی چل رۆژ و چل شەڤان ب رۆژی بووی، برسی بوو.

مزگینیا مەرقۆسی 16:19

ئەڤجا پشتی كو خودان عیسا ل گەل وان ئاخفتی، بلند بوو ئەسمانی و ل ملێ راستێ یێ خودێ روینشت.

مزگینیا یوحەننای 20:26

پشتی هەشت رۆژان، شاگردێن وی جارەكا دی ل مالەكێ بوون و توماس ژی ل گەل وان بوو. هەر چەندە دەرگە‍‌ھ د دائێخستی بوون، لێ عیسا هات و د ناڤەڕاستا وان دا راوەستیا و گۆت: «ئاشتی بۆ هەوە بیت!»

مزگینیا یوحەننای 21:1

پشتی ڤێ چەندێ، عیسای جارەكا دی خۆ بۆ شاگردێن خۆ ل بەر لێڤا دەریاكا تەبەریە دیار كر. وی هۆسا خۆ دیار كر:

مزگینیا یوحەننای 21:14

ئەڤە جارا سێیێ بوو عیسا بۆ شاگردێن خۆ دیار دبیت، پشتی ژ ناڤ مریان رابووی.

كارێن هنارتیان 13:31

و گەلەك رۆژان بۆ وان دیار بوو، یێن ژ دەڤەرا جەلیل ل گەل وی هاتبوونە ئورشەلیمێ و نوكە ئەو ل بەرامبەری خەلكی شاهدێن وینە.

كارێن هنارتیان 19:8

پاشی پاولۆس چوو د كنیشتەیێ ڤە. بۆ ماوێ سێ هەیڤان دچوو وێرێ و ب وێرەكی دئاخفت و گەنگەشە دكر و دەربارەی پاشایەتیا خودێ خەلك قاییل دكر.

كارێن هنارتیان 28:23

رۆژەك بۆ وی دەستنیشان كر، ئینا گەلەك كەس هاتنە جهێ ئاكنجیبوونا وی. ئەوی ژی هەر ژ سپێدێ تا ئێڤاری وەكو شاهدەك پاشایەتیا خودێ بۆ وان شڕۆڤە دكر. ئەوی بزاڤ دكر ب رێكا دەستوورێ مووسای و نڤیسارێن پێغەمبەران، وان قاییل بكەت كو عیسا ب خۆ مەسیحە.

كارێن هنارتیان 28:31

ئەوی ب وێرەكی و بێی كو كەس ئاستەنگان بۆ وی چێكەت مزگینیا پاشایەتیا خودێ رادگەهاند و دەربارەی خودان عیسایێ مەسیح فێركرن دكر.

كارێن هنارتیان 8:12

لێ دەمێ ئەوان باوەری ب ئاخفتنا فیلیپۆسی ئینای، ئەوێ مزگینیا پاشایەتیا خودێ و ناڤێ عیسایێ مەسیح دایێ، ژنك و زەڵام دهاتنە تافیركرن.

رۆما 14:17

چنكو بابەتێ پاشایەتیا خودێ نە خوارن و ڤەخوارنن، لێ راستداری، ئاشتی و دلخۆشینە ب گیانێ پیرۆز.

كۆلۆسی 1:13

ئەوی ئەم ژ دەستهەلاتا تاریاتیێ قورتال كرین و بۆ پاشایەتیا كوڕێ خۆ یێ خۆشتڤی ڤەگوهاستین،

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

1 یوحەننا 1:1

ئەوێ كو ل دەستپێكێ هەبوو، ئەوێ مە بهیستی، ئەوێ مە ب چاڤێن خۆ دیتی، ئەوێ مە لێ نێڕی و مە دەستێ خۆ كریێ، ئەوە یا ئەم بۆ هەوە رادگەهینین كو پەیڤا ژیانێیە.