2 تیمۆتاوس 4:8 - ئنجیلا پیرۆز

⁸ ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

2 تیمۆتاوس 4:8 ပူးပေါင်းရင်းမြစ်များ

مزگینیا مەتتای 24:36

لێ سەبارەت وێ رۆژێ و وێ دەمژمێرێ كەس نزانیت، نە فریشتەیێن ئەسمانان و نە ژی كوڕ، لێ ب تنێ باب دزانیت.

مزگینیا مەتتای 7:22

د وێ رۆژێ دا گەلەك دێ بێژنە من: ‹خودان، خودان! ما مە ب ناڤێ تە پەیاما خودێ نە راگەهاند؟ و ب ناڤێ تە مە ئەجنە نە دەرئێخستن؟ و مە گەلەك حنێر ب ناڤێ تە نەكرن؟›

مزگینیا لوقای 10:12

ئەز دبێژمە هەوە: ل وێ رۆژێ دێ رەوشا سەدۆمێ ژ یا وی باژێڕی باشتر بیت.

رۆما 2:5

لێ تۆ سەخمەراتی سەرڕەقیا خۆ و دلێ خۆ یێ نەتۆبەدار، بۆ رۆژا تۆڕەییێ و ئاشكرابوونا دادكرنا خودێ یا دادپەروەرانە، تۆڕەییێ بۆ خۆ كۆم دكەی.

رۆما 8:23

نە ب تنێ ئافرندە، لێ ئەم ب خۆ ژی، یێن كو مە گیانێ پیرۆز وەكو خێڤە وەرگرتی، د ناخێ خۆ دا دنالین و د چاڤەڕێی وێ رۆژێینە كو مافێن خۆ یێن كوڕێن خودێ وەرگرین و لەشێ مە رزگار ببیت.

1 كورنتۆس 2:9

لێ هەروەكو هاتیە نڤیسین: «ئەو تشتێن چ چاڤان نەدیتین و چ گوهان نەبهیستین و نەهاتینە سەر هزرا چ مرۆڤان، ئەوێن خودێ ژ بۆ حەزژێكەرێن خۆ ئامادە كرین…»

1 كورنتۆس 3:13

كارێ هەر كەسەكی دێ بەرچاڤ بیت. ئەو رۆژ دێ وی ئاشكرا كەت، چنكو ئەو دێ ل گەل ئاگری دیار بیت، ئاگر ژی دێ كارێ هەر كەسەكی تاقی كەت، كا یێ چەوایە.

1 كورنتۆس 9:25

هەر وەرزشڤانەك، د هەمی بیاڤان دا خۆ دئێخیتە بن راهێنانەكا دژوار. ئەو ڤێ چەندێ دكەن داكو تانجەكا ژ ناڤ دچیت ب دەست ڤە بینن، لێ ئەم وێ چەندێ دكەین داكو تانجەكا ژ ناڤ نەچیت ب دەست ڤە بینین.

2 كورنتۆس 5:2

تا وی دەمی، ئەم د ڤێ خیڤەتێ ڤە دنالینین و بیریا وێ چەندێ دكەین كو مالا خۆ یا ئەسمانی وەكو جلك بكەینە بەر خۆ.

فیلیپی 3:11

داكو ب هەر رێكەكا هەبیت ئەز بگەهمە رابوونا ژ ناڤ مریان.

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

1 سالونیكی 1:10

و چاڤەڕێی كوڕێ وی بن كو دێ ژ ئەسمانان هێت، ئەوێ وی ژ ناڤ مریان راكری، عیسا، ئەوێ مە ژ تۆڕەبوونا دێ هێت قورتال دكەت.

1 سالونیكی 5:4

لێ هوین گەلی خویشك و برایان، نە د تاریاتیێ دانە، كو ئەو رۆژ وەكو دزەكی ب سەر هەوە دا بهێت.

2 سالونیكی 2:8

هنگی دێ یێ یاسانەنیاس دیار بیت، ئەوێ دێ خودان عیسا ب پفا دەڤێ خۆ وی كوژیت و دێ ب شەوقا هاتنا خۆ وی ب دویماهی ئینیت.

1 تیمۆتاوس 6:19

هۆسا دێ بۆ خۆ گەنجینەیەكێ عومبار كەن كو بۆ پاشەڕۆژێ بنیاتەكێ باش بیت، دا ژیانا راستەقینە ب دەست خۆ ڤە بینن.

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

2 تیمۆتاوس 1:18

(بلا خودان وێ كەرەمێ ل گەل وی بكەت كو ئەو د وێ رۆژێ دا دلۆڤانیێ ژ خودانی ببینیت!) تۆ باش دزانی ئەو خزمەتا وی ل ئەفەسۆسێ كری چەندە.

2 تیمۆتاوس 2:5

وەرزشڤان ژی تانجا سەركەفتنێ نابەت، ئەگەر ل دویڤ یاسایێ بەریكانێ نەكەت.

2 تیمۆتاوس 4:1

ئەڤجا ئەز ل بەرامبەر خودێ و مەسیح عیسای، ئەوێ دێ دادكرنا مری و زیندیان كەت و ژ بەر دیاربوونا وی و پاشایەتیا وی، فەرمانێ ل تە دكەم:

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 12:11

هەر تەمبیكرنەك دەمێ دهێتە كرن یا خۆش نینە، لێ یا ب ژانە. سەرەڕای وێ چەندێ ل دویماهیێ بەرهەمێ ئاشتیانە كو راستداریە، ددەتە وان كەسان یێن پێ هاتینە مەشقدان.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

1 پەترۆس 1:4

و میراتەكێ پویچ نابیت و ناهەڕمیت و ناچرمسیت هەیە. ئەو بۆ هەوە ل ئەسمانان هاتیە هەلگرتن.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 19:11

پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 22:20

ئەوێ شاهدەییێ بۆ ڤان تشتان ددەت، دبێژیت: «بەلێ، ئەز دێ زوی هێم.» ئامین. وەرە، هەی خودان عیسا!

ئاشكراكرن 4:10

وی دەمی هەر بیست و چوار ریهسپی ل پێشیا ئەوێ روینشتی ل سەر تەختی خۆ دهاڤێتە ئەردی و سوجدە بۆ وی دبر، یێ هەروهەر دژیت. تانجێن خۆ ژی دهاڤێتنە پێشیا تەختی و دگۆت:

ئاشكراكرن 4:4

ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.