2 تیمۆتاوس 4:5 - ئنجیلا پیرۆز

⁵ لێ تۆ د هەمی تشتان دا یێ هشیار بە، خۆ ل بەر ئازاران بگرە، ب كارێ مزگینیدەری راببە، خزمەتا خۆ تەمام بكە.

2 تیمۆتاوس 4:5 ပူးပေါင်းရင်းမြစ်များ

مزگینیا مەتتای 25:16

یێ پێنج تالانت وەرگرتین ئێكسەر چوو و بازرگانی پێ كر، ئینا پێنج تالانتێن دی قازانج كرن.

مزگینیا مەرقۆسی 13:34

هەروەكو مرۆڤەكێ رێڤنگ، دەمێ ژ مالا خۆ دچیت و كارێ هەر بەنیەكێ خۆ بۆ دەست نیشان دكەت و شیرەتان ل دەرگەهڤانی دكەت كو هشیار بیت.

مزگینیا مەرقۆسی 13:37

ئەوا ئەز دبێژمە هەوە، ئەز بۆ هەمیان دبێژم: هشیار بن!»

مزگینیا لوقای 12:37

خوزیكێن وان بەنیان یێن كو دەمێ خودانێ وان ڤەدگەڕیێت، وان هشیار دبینیت. راستیێ دبێژمە هەوە: ئەو دێ ناڤتەنگا خۆ گرێ دەت و دێ داخوازێ ژ وان كەت ل سەر سفرێ روینن و دێ خزمەتا وان كەت.

كارێن هنارتیان 21:8

رۆژا پاشتر ئەم ژ وێرێ ب رێ كەفتین و هاتینە قەیسەریێ و چووینە مالا فیلیپۆسێ مزگینیدەر، كو ئێك ژ حەفتان بوو و ئەم ل نك وی ماین.

رۆما 15:19

ب هێزا نیشان و مەندەهۆشیان، ب هێزا گیانێ خودێ. هۆسا ژ ئورشەلیمێ تا ئەلیریكومێ ئەز گەڕیام و من مزگینیا مەسیحی ب تەمامی راگەهاند.

ئەفەسۆس 4:11

هەر ئەوە یێ دیاری دای كو هندەك ببنە هنارتی، هندەك ببنە پێغەمبەر، هندەك ببنە مزگینیدەر، هندەك ژی ببنە شڤان و مامۆستا،

ئەفەسۆس 4:12

بۆ ئامادەكرنا پیرۆزكریان بۆ كارێ خزمەتێ ژ پێخەمەت ئاڤاكرنا لەشێ مەسیحی،

كۆلۆسی 1:25

ل دویڤ وی ئەركی یێ خودێ ژ پێخەمەت هەوە ئێخستیە ستۆیێ من، ئەز بۆ جڤاكێ بوومە خزمەتكار، دا ب تەمامی پەیڤا خودێ رابگەهینم،

كۆلۆسی 4:17

بێژنە ئارخیپۆسی: «خەمخۆرێ وێ خزمەتێ بە یا تە ژ خودانی وەرگرتی، دا وێ ب ج‍‌ھ بینی.»

1 سالونیكی 5:6

ئەڤجا ئەم نەنڤین وەكو یێن دی، لێ بلا ئەم د هشیار و ل سەر هشێن خۆ بین.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 4:15

خەمێ ژ وان تشتان بخۆ و ل سەر بمینە، دا پێشكەفتنا تە بۆ هەمی كەسان یا دیار بیت.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

2 تیمۆتاوس 2:10

لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

2 تیمۆتاوس 2:3

وەكو سەربازەكێ باش یێ مەسیح عیسای، پشكداریێ د ئازاركێشانێ دا بكە.

2 تیمۆتاوس 4:17

لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.

عیبرانی 13:17

گوهداریا رێبەرێن خۆ بكەن و ملكەچی وان بن، چنكو ئەو وەكو ئێكێ دێ حساب ل گەل هێتە كرن چاڤدێریێ ل گیانێ هەوە دكەن. هوین وێ چەندێ بكەن، دا ئەو ب كەیفخۆشی ب كارێ خۆ راببن، نە ب بێزاری، چنكو ئەگەر هوین وان بێزار بكەن، بۆ هەوە یا بێ مفایە.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

ئاشكراكرن 3:2

هشیار بە و تشتێن ماین كو ل بەر مرنێنە قاییم بكە، چنكو من كریارێن تە ل بەرامبەر خودایێ خۆ كاملبووی نەدیتن.