2 تیمۆتاوس 4:1 - ئنجیلا پیرۆز

¹ ئەڤجا ئەز ل بەرامبەر خودێ و مەسیح عیسای، ئەوێ دێ دادكرنا مری و زیندیان كەت و ژ بەر دیاربوونا وی و پاشایەتیا وی، فەرمانێ ل تە دكەم:

2 تیمۆتاوس 4:1 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا لوقای 19:12

ئینا گۆت: «مرۆڤەك ژ مالەكا مەزن چوو وەڵاتەكێ دویر، داكو پاشایەتیەكێ بۆ خۆ وەرگریت و ڤەگەڕیتەڤە.

مزگینیا لوقای 19:15

دەمێ پاشایەتی وەرگرتی و ڤەگەڕیای، فەرمان دا كو گازی هەر دە‍‌ھ بەنیان بكەن، ئەوێن دە‍‌ھ زێڕ داینە وان، داكو بزانیت كا هەر ئێكێ ژ وان چ قازانج ژ بازرگانیا خۆ كریە.

مزگینیا لوقای 23:42

پاشی گۆت: «عیسا، من بینە بیرا خۆ دەمێ تۆ بهێیە د پاشایەتیا خۆ دا.»

كارێن هنارتیان 10:42

وی فەرمان ل مە كر، ئەم خەلكی ئاگەهدار بكەین و شاهدەییێ بدەین، كو ئەڤە ئەوە یێ خودێ وەكو دادوەر بۆ مریان و زیندیان دەستنیشان كری.

كارێن هنارتیان 17:31

چنكو وی رۆژەكا دانای كو هەمی جیهانێ دادپەروەرانە داد بكەت ل سەر دەستێ زەڵامەكێ وی دەستنیشانكری. خودێ بەلگە ژی دایە هەمیان، دەمێ ئەو ژ ناڤ مریان راكری.»

رۆما 2:16

ل دویڤ مزگینیا ئەز ددەم، ئەڤە هەمی دێ ل وێ رۆژێ چێبن دەمێ خودێ دادكرنا نهێنیێن مرۆڤان ب مەسیح عیسای دكەت.

كۆلۆسی 3:4

دەمێ مەسیح، ئەوێ كو ژیانا هەوەیە، دیار دبیت، هنگی هوین ژی دێ ل گەل وی د مەزناهیێ دا دیار بن.

2 سالونیكی 2:8

هنگی دێ یێ یاسانەنیاس دیار بیت، ئەوێ دێ خودان عیسا ب پفا دەڤێ خۆ وی كوژیت و دێ ب شەوقا هاتنا خۆ وی ب دویماهی ئینیت.

1 تیمۆتاوس 5:21

ئەز ل بەرامبەر خودێ و مەسیح عیسای و فریشتەیێن هەلبژارتی فەرمانێ ل تە دكەم، كو تۆ وان تشتان بێی حوكمێ پێشوەخت ب ج‍‌ھ بینی و تشتەكی ب لایەنگری نەكەی.

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

2 تیمۆتاوس 2:14

ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

2 تیمۆتاوس 4:18

خودان دێ من ژ هەمی كریارێن خراب رزگار كەت و ب سلامەتی گەهینیتە پاشایەتیا خۆ یا ئەسمانی. هەتا هەتایێ مەزناهی بۆ وی بیت. ئامین.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

1 پەترۆس 1:7

دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

1 پەترۆس 4:5

لێ ئەو دێ حسابێ دەنە وی یێ كو ئامادەیە دادكرنا مری و زیندیان بكەت.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

2 پەترۆس 1:11

ب ڤی شێوەی دەرگە‍‌ھ دێ ب فرەهی ل بەر هەوە ڤەبیت دا هوین ژۆر بكەڤنە پاشایەتیا هەروهەر یا خودان و قورتالكەرێ مە عیسایێ مەسیح.

2 پەترۆس 1:17

وی ژ خودایێ باب رێز و مەزناهی وەرگرت، دەمێ دەنگەك ژ مەزناهیا سەنگین بۆ هاتی و گۆتی: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی.»

1 یوحەننا 2:28

نوكە ژی، گەلی زاڕۆكان، د ناڤ وی دا بنەج‍‌ھ ببن، داكو دەمێ ئەو دیار ببیت، مە پشتڕاستی هەبیت و د هاتنا وی دا شەرم ژێ نەكەین.

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.