2 تیمۆتاوس 3:8 - ئنجیلا پیرۆز

⁸ كا چەوا یانیسی و یامبریسی بەرهنگاریا مووسای كر، ئەڤە ژی وەسا بەرهنگاریا راستیێ دكەن. ئەو كەسێن مێشك گەنینە و وەكو باوەردار هاتینە رەتكرن.

2 تیمۆتاوس 3:8 ပူးပေါင်းရင်းမြစ်များ

كارێن هنارتیان 15:24

مە یێ بهیستی كو هندەك كەس ژ مە، بێی كو ئەم وان بهنێرین، یێن هاتینە نك هەوە و ب گۆتنێن خۆ هوین دلتەنگ كرینە و هزرێن هەوە ئالۆز كرینە.

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

1 تیمۆتاوس 1:19

ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

1 تیمۆتاوس 4:2

ب رێكا دووڕویاتیا درەوینان، ئەوێن وژدانا وان هاتیە داخكرن.

1 تیمۆتاوس 6:5

و گەنگەشەیێن بێ دویماهی، ئەڤ هەمی تشتە ژ مرۆڤێن زێهنێ وان پویچ بووی و راستی ل نك نەمای پەیدا دبن. ئەو هزر دكەن خودێترسی رێكە بۆ قازانجكرنێ.

2 تیمۆتاوس 4:15

تۆ ژی خۆ ژێ بپارێزە، چنكو ب توندی بەرهنگاریا پەیاما مە كر.

تیتۆس 1:10

چنكو گەلەكێن یاخیبووی هەنە، یێن ئاخفتن ڤاڵا و خاپینۆك، ب تایبەت لایەنگرێن سونەتكرنێ،

تیتۆس 1:16

ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.

2 پەترۆس 2:14

چاڤێن وان د تژی دەهمەنپیسینە، ژ گونەهكرنێ تێر نابن، دەروونێن لاواز دخاپینن. دلێ وان ل سەر چاڤبرساتیێ یێ مەشقدایە. نفرین ل سەر وانە!

1 یوحەننا 2:18

گەلی زاڕۆكان، ئەڤە دەمژمێرا دویماهیێیە. هەروەكو هەوە بهیستی كو دژەمەسیح دێ هێت، نوكە گەلەك دژەمەسیح یێن دەركەفتین. ژ ڤێ چەندێ ئەم دزانین دەمژمێرا دویماهیێیە.

1 یوحەننا 4:1

گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.

ئاشكراكرن 2:20

لێ من ئەڤ تشتە یێ ل سەر تە هەی: تۆ بێهنا خۆ ل وێ ژنكێ، ئیزابێلێ، فرە‍‌ھ دكەی، ئەوا دبێژیت ئەز پێغەمبەرم و بەنیێن من د سەر دا دبەت و فێر دكەت كو دەهمەنپیسیێ بكەن و قوربانێن بۆ پووتان هاتینە پێشكێشكرن بخۆن.

ئاشكراكرن 2:6

لێ تە ئەڤ تشتێ باش هەیە: كەربێن تە ژ كریارێن نیقولایتیان ڤەدبن، ئەو كریارێن كەربێن من ژی ژێ ڤەدبن.