2 تیمۆتاوس 3:6 - ئنجیلا پیرۆز

⁶ چنكو هندەك ژ وان ئەون یێن ل مالان دگەڕیێن و ژنكێن لاواز یێن باركری ژ گونەهان، یێن ژ لایێ ئارەزوویێن هەمەجۆر ڤە دهێنە هاژوتن، دئێخنە بن كارتێكرنا خۆ.

2 تیمۆتاوس 3:6 ပူးပေါင်းရင်းမြစ်များ

مزگینیا مەتتای 11:28

وەرنە نك من، هەی هەمی ماندیبووی و بارگرانان، ئەز دێ بێهنا هەوە ڤەدەم.

مزگینیا مەتتای 23:13

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین دەرگەهێ پاشایەتیا ئەسمانان ل بەر مرۆڤان دگرن، نە هوین ب ژۆر دكەڤن و نەدهێلن ژی ئەوێن حەز بكەن، ب ژۆر بكەڤن.

مزگینیا مەتتای 23:14

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین مالێ بیژنان دخۆن و بۆ رویمەتی نڤێژان درێژ دكەن. ژ بەر هندێ هوین دێ سزادانەكا گرانتر وەرگرن.

مزگینیا مەتتای 4:24

ئەڤجا ناڤودەنگێن وی ل هەمی سوریێ بەڵاڤ بوو، ئەوان ژی هەمی نەخۆش ئینانە نك، یێن دەرد و ژانێن جۆراوجۆر لێ، یێن ئەجنەیان هنگافتی، یێن تەبۆیی و یێن فاڵنجیبووی. وی هەمی ساخ كرن

مزگینیا مەرقۆسی 4:19

لێ خەمێن ڤێ جیهانێ و خاپاندنا دەولەمەندیێ و حەزژێكرنا تشتێن دی دكەڤیتە د ناڤ وان دا و پەیڤێ دفەتسینن و پەیڤ بێ بەرهەم دبیت.

1 كورنتۆس 12:2

هوین دزانن كو دەمێ هوین پووتپەرێس بوون، دلێ هەوە بەرەڤ پووتێن لال ڤە دهاتە برن و هوین دهاتنە د سەر دا برن.

1 تیمۆتاوس 5:6

لێ ئەوا خۆ رادەستی خۆشیێن دلی دكەت، ئەو ب زیندی یا مریە.

1 تیمۆتاوس 6:9

لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

2 پەترۆس 3:17

لەوما گەلی خۆشتڤیان، مادەم هوین پێشوەخت هاتینە ئاگەهداركرن، د هشیار بن نەكو ب شاشیا بەدكاران بهێنە خڕاندن و خۆڕاگریا خۆ ژ دەست بدەن.

یەهودا 1:16

ئەو كەس د پتپتی و دەڤ ب گازندەنە، ل گۆر ئارەزوویێن خۆ دژین و مەزن دئاخڤن، ژ پێخەمەت بەرژەوەندیێن خۆ سالویسیێ بۆ كەسان دكەن.

یەهودا 1:18

ئەوان دگۆتە هەوە: «د دەمێ دویماهیێ دا، دێ هندەك تڕانەكەر پەیدا بن، ل دویڤ ئارەزوویێن خۆ یێن بەدكاریێ بڕێڤە دچن.»

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.