2 تیمۆتاوس 3:5 - ئنجیلا پیرۆز

⁵ وان دیمەنێ سەرڤە یێ خودێترسیێ یێ هەی، لێ ئەو هێزا وێ رەت دكەن. ئەڤجا خۆ ژ یێن وەسا دویر بئێخە.

2 تیمۆتاوس 3:5 ပူးပေါင်းရင်းမြစ်များ

مزگینیا مەتتای 7:15

هشیاری پێغەمبەرێن درەوین بن، ئەوێن د كەڤلێن میهان دا دهێنە نك هەوە، لێ ئەو ژ ناڤ دا گورگێن هارن!

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

2 سالونیكی 3:14

ئەگەر ئێك گوهداریا گۆتنێن مە یێن د ڤێ نامەیێ دا نەكەت، وی دەستنیشان بكەن و تێكهەلیێ ل گەل نەكەن، دا شەرمێ ژ خۆ بكەت.

2 سالونیكی 3:6

ئەڤجا گەلی خویشك و برایان، ئەم ب ناڤێ خودانێ خۆ عیسایێ مەسیح فەرمانێ ل هەوە دكەین، كو هوین خۆ دویر بئێخن ژ هەمی برایێن ب تەمبەلی دژین و ل دویڤ وێ فێركرنێ ناژین یا وان ژ مە وەرگرتی.

1 تیمۆتاوس 4:7

خۆ ژ چیڤانۆكێن نەپیرۆز و چیڕۆكێن پیرەژنان بدە پاش، لێ راهێنانێ ل سەر خودێترسیێ بكە.

1 تیمۆتاوس 4:8

چنكو وەرزشا لەشی مفایێ هەی بۆ هندەك تشتان، لێ ژ خودێترسیێ مفایێ هەی بۆ هەمی تشتان، ژ بەر كو خودێترسیێ سۆز بۆ ژیانا ڤێ جیهانێ و جیهانا دی هەیە.

1 تیمۆتاوس 5:8

لێ ئەگەر ئێك چاڤێ خۆ نادەتە مرۆڤێن خۆ، ب تایبەتی خەلكێ مالا خۆ، ئەڤە وی باوەری ماندەل كریە و ئەو ژ بێباوەران خرابترە.

1 تیمۆتاوس 6:5

و گەنگەشەیێن بێ دویماهی، ئەڤ هەمی تشتە ژ مرۆڤێن زێهنێ وان پویچ بووی و راستی ل نك نەمای پەیدا دبن. ئەو هزر دكەن خودێترسی رێكە بۆ قازانجكرنێ.

2 تیمۆتاوس 2:16

خۆ ژ پڕبێژیێن نەپیرۆز دویر بئێخە، چنكو ئەو دێ پتر و پتر بەرێ مرۆڤی دەنە خودێنەنیاسیێ.

2 تیمۆتاوس 2:23

خۆ ژ گەنگەشەیێن دەبەنگ و نەزانانە بدە پاش، چنكو تۆ دزانی كو شەڕ ژێ پەیدا دبیت.

تیتۆس 1:16

ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.

تیتۆس 3:10

ئەوێ دووبەرەكیێ دكەت، جارەكێ و دوو جاران ئاگەهدار بكە، پشتی هنگی خۆ ژێ دویر بئێخە.