2 تیمۆتاوس 3:2 - ئنجیلا پیرۆز

² خەلك دێ حەزژێكەرێن خۆ بن، حەزژێكەرێن پارەی، پەسنكارێن خۆ، د دفنبلند، د ئەزمانڕەش، نەگوهدارێن دایك و بابێن خۆ، نە د سوپاسدار، نەپیرۆز،

2 تیمۆتاوس 3:2 ပူးပေါင်းရင်းမြစ်များ

مزگینیا مەتتای 15:6

ئێدی ل سەر وی نەما ئەو رێزێ ل دایك و بابێن خۆ بگریت. هوین هۆسا پەیڤا خودێ بۆ پاراستنا تیتالێن خۆ ژ كار دئێخن.

مزگینیا لوقای 12:15

پاشی گۆتە جڤاتێ: «هشیار بن خۆ ژ چاڤبرساتیێ بپارێزن، چنكو ژیانا مرۆڤی ب زێدەییا سامانی نینە.»

مزگینیا لوقای 16:14

فەریسیان ژی ئەوێن حەز ژ پارەی دكر، گو‍‌ھ ل ڤێ چەندێ هەمیێ بوو و تڕانەیێن خۆ پێ كرن.

مزگینیا لوقای 6:35

لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت.

كارێن هنارتیان 5:36

بەری دەمەكێ كێم توداس رابوو و گۆتی ئەز مرۆڤەكێ مەزنم، ئینا چوار سەد زەڵام ب دویڤ كەفتن، لێ هاتە كوشتن و دیڤەلانكێن وی بەڵاڤ بوون و بزاڤا وان نەما.

رۆما 11:18

ل بەرامبەری وان چەقێن هاتینە بڕین، شانازیێ ب خۆ نەبە. ئەگەر تە شانازی ب خۆ بر، ژ بیر نەكە كو تۆ رەهێ هەلناگری، لێ رە‍‌ھ تە هەلدگریت.

2 كورنتۆس 5:15

ئەو ژ پێخەمەت هەمیان مر، دا ئێدی یێن دژین، نە ژ بۆ خۆ، لێ ژ بۆ وی بژین یێ ژ پێخەمەت وان مری و رابوویە.

فیلیپی 2:21

هەمیێن دی ل بەرژەوەندیێن خۆ، نە ل یێن عیسایێ مەسیح دگەڕن.

كۆلۆسی 3:5

ژ بەر هندێ حەزێن خۆ یێن ڤێ جیهانێ بمرینن: دەهمەنپیسی، پویچاتی، گڕ، حەزێن خراب و چاڤبرساتی كو پووتپەرێسیە،

2 سالونیكی 2:4

ئەو دێ دژایەتیا هەر تشتەكی كەت كو دبێژنێ خوداوەند یان ژی دهێتە پەرستن و دێ خۆ ژ وان بلندتر دانیت، تاكو ئەو دێ د پەرستگەها خودێ ژی ڤە روینیت و دێ خۆ وەكو خودێ دەتە نیاسین.

1 تیمۆتاوس 1:20

ژ وان هیمەنایۆس و ئەسكەندەر، ئەوێن من رادەستی ئبلیسی كرین، دا فێر ببن كو كوفریان نەكەن.

1 تیمۆتاوس 1:9

هەروەسا ئەم دزانین دەستوور بۆ یێن راستدار نەهاتیە دانان، لێ بۆ سەرپێچكار و یاخیبوویان، بۆ بەدكار و گونەهكاران، بۆ یێن نەپیرۆز و هەڕمیان، بۆ بابكوژ و دایكوژان، بۆ مێركوژان،

1 تیمۆتاوس 3:3

مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

1 تیمۆتاوس 6:10

چنكو حەزژێكرنا پارەی رەها هەمی خرابیانە. ژ ڤێ حەزژێكرنێ هندەكان خۆ تێ وەركر و ژ باوەریێ ڤاڕێبوون و گەلەك برین ل خۆ كرن.

1 تیمۆتاوس 6:4

ئەڤە ئەو كەسەكێ دفنبلندە و تشتەكی تێناگەهیت. ئەو نەساخێ گەنگەشەیێ و شەڕەدەڤێیە، كو دبنە ئەگەرێ زكڕەشی، هەڤڕكی، بوهتان، گۆمانێن خراب

2 تیمۆتاوس 3:4

د بێبەخت، د سەرگەرم، ژ خۆ د رازی، دێ حەزژێكەرێن خۆشیێ بن نەكو حەزژێكەرێن خودێ.

یەعقوب 2:8

ئەگەر هوین دەستوورێ پاشایانە ب ج‍‌ھ بینن، ئەوێ د نڤیسارێ دا هاتی كو دبێژیت: «حەز ژ نێزیكێ خۆ بكە، وەك چەوا تۆ حەز ژ خۆ دكەی،» هوین باش دكەن.

یەعقوب 4:16

لێ نوكە هوین ب دفنبلندی شانازیێ ب خۆ دبەن. هەر شانازیەكا هۆسا یا خرابە.

یەعقوب 4:6

لێ ئەو كەرەمەكا مەزنتر ددەت، لەوما دبێژیت: «خودێ بەرهنگاریا دفنبلندان دكەت، لێ كەرەمێ ددەتە دەروونبچویكان.»

1 پەترۆس 5:5

ب هەمان شێوە گەلی گەنجان، ملكەچی ریهسپیان بن و هوین هەمی بۆ ئێكودوو كراسێ دەروونبچویكیێ ل خۆ بپێچن، چنكو: «خودێ بەرهنگاریا دفنبلندان دكەت، لێ كەرەمێ ددەتە دەروونبچویكان.»

2 پەترۆس 2:10

نەخاسمە ئەوێن ب دویڤ حەزێن هەڕمی یێن لەشی دكەڤن و سڤكاتیێ ب سەروەریێ دكەن. ئەو د رویقاییمن و خۆ دسەپینن، ناترسن كو ب خرابی بەحسێ خودانێن مەزناهیێ بكەن.

2 پەترۆس 2:12

لێ ئەو كەس وەكو گیانەوەرێن بێ مەژینە، یێن ب خۆرسكێ دهێنە بڕێڤەبرن، ژ بۆ نێچیركرنێ و كوشتنێ چێبووینە، دەربارەی تشتێن وان پێزانین ل سەر نەی كوفریان دكەن، ئەڤجا ئەو دێ وەكو وان گیانەوەران ژ ناڤ چن

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

یەهودا 1:16

ئەو كەس د پتپتی و دەڤ ب گازندەنە، ل گۆر ئارەزوویێن خۆ دژین و مەزن دئاخڤن، ژ پێخەمەت بەرژەوەندیێن خۆ سالویسیێ بۆ كەسان دكەن.

ئاشكراكرن 13:1

ئینا من دڕندەیەك دیت ژ دەریایێ دەردكەفت، حەفت سەر و دە‍‌ھ شاخ هەبوون، ل سەر شاخێن وی دە‍‌ھ تانج هەبوون و ل سەر سەرێن وی ناڤێ كوفریان هەبوو.

ئاشكراكرن 16:11

و ژ بەر ئێشان و كولكێن خۆ، جڤین دانە خودایێ ئەسمانی. لێ ژ كارێن خۆ ل خۆ نەزڤڕین.

ئاشكراكرن 16:21

و تەرگەكا مەزن، گرانیا هەر دندكەكێ تالانتەك بوو، ژ ئەسمانی ب سەر مرۆڤان دا باری. ئینا مرۆڤان ژ بەر دربێ تەرگێ جڤین دانە خودێ، چنكو دربێ وێ گەلەك یێ مەزن بوو.

ئاشكراكرن 16:9

ئینا مرۆڤ ب گەرمەكا مەزن سۆتن و جڤین دانە ناڤێ خودێ ئەوێ دەستهەلات ل سەر ڤان دربان هەی. لێ ئەو ل خۆ نەزڤڕین كو پەسنا خودێ بكەن.