2 تیمۆتاوس 3:12 - ئنجیلا پیرۆز

¹² بەلێ، هەمی ئەوێن دڤێن د ئێكبوونا ل گەل مەسیح عیسای دا ب خودێترسی بژین، دێ هێنە تەپەسەركرن.

2 تیمۆتاوس 3:12 ပူးပေါင်းရင်းမြစ်များ

مزگینیا مەتتای 16:24

هنگی عیسای گۆتە شاگردێن خۆ: «ئەگەر ئێكی بڤێت ل دویڤ من بهێت، بلا خۆ ماندەل بكەت و خاچا خۆ هەلگریت و ب دویڤ من بكەڤیت.

مزگینیا مەتتای 23:34

ئەڤجا ئەڤە ئەز دێ پێغەمبەر، ئاقلمەند و مامۆستایێن دەستووری بۆ هەوە هنێرم. هوین دێ هندەك ژ وان كوژن و خاچ دەن و هندەكان ژی د كنیشتەیێن خۆ دا قامچی دەن و دێ ژ باژێڕەكی بۆ یێ دی راتەقینن.

مزگینیا مەرقۆسی 10:30

دێ سەد جاركی بەرامبەری ڤان مال، خویشك، برا، دایك، زاڕۆك و زەڤیان، ل گەل تەپەسەریان، ل ڤێ جیهانێ هەر ب دەست ڤە ئینیت و دێ د سەردەمێ داهاتی ژی دا، ژیانا هەروهەر وەرگریت.

مزگینیا یوحەننای 16:2

دێ هەوە ژ كنیشتەیان دەرئێخن. دەمەك ژی دێ هێت، تێدا هەر كەسێ هەوە بكوژیت، دێ هزر كەت ئەو یێ خزمەتەكێ پێشكێشی خودێ دكەت.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

مزگینیا یوحەننای 17:14

من پەیڤا تە گەهاندە وان و جیهانێ كەرب ژ وان ڤەبوون، چنكو ئەو نە ژ جیهانێنە هەروەكو ئەز نە ژ جیهانێ.

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

1 كورنتۆس 15:19

ئەگەر هیڤیا مە ب مەسیحی ب تنێ بۆ ڤێ ژیانێ بیت، هنگی ئەم ژ هەمی مرۆڤان پەریشانترین.

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 4:9

تەپەسەر دبین، لێ پشت بەردای نابین. ئەم دگەڤزین، لێ ژ ناڤ ناچین.

1 تیمۆتاوس 2:2

بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

1 تیمۆتاوس 6:3

ئەگەر ئێك فێركرنەكا دی فێری خەلكی دكەت و ل گەل پەیڤێن ساخلەم یێن خودانێ مە عیسایێ مەسیح و فێركرنا ل دویڤ خودێترسیێ رێك ناكەڤیت،

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 2:12

ئەو كەرەم مە پەروەردە دكەت كو خودێنەنیاسیێ و حەزێن ڤێ جیهانێ رەت بكەین و ب ئاقلداری و راستداری و خودێترسیێ د ڤی سەردەمی دا بژین

1 پەترۆس 3:14

لێ ئەگەر هوین ژ پێخەمەت راستداریێ هاتنە ئازاردان ژی، ئەو خوزیكێن هەوە. ژ وان كەسان نەترسن و تێكنەچن،

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.

ئاشكراكرن 12:4

كوریا وی سێئێكا ستێرێن ئەسمانی رامالین و هاڤێتنە سەر ئەردی. پاشی ئەژدەها ل پێشیا ژنكا ل بەر زاڕۆكبوونێ بوو راوەستیا، داكو زاڕۆكێ وێ داعویریت، دەمێ دبیت.

ئاشكراكرن 7:14

من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.