2 تیمۆتاوس 3:10 - ئنجیلا پیرۆز

¹⁰ لێ هندی تۆی، تە ژ نێزیك ئاگە‍‌ھ ژ فێركرنا من، رەفتارا من، مەبەستا من، باوەریا من، بێهنفرەهیا من، حەزژێكرنا من، خۆڕاگریا من،

2 تیمۆتاوس 3:10 ပူးပေါင်းရင်းမြစ်များ

مزگینیا لوقای 1:3

پشتی من هەمی تشت ژ دەستپێكێ ب هویری شڕۆڤە كرین، من ژی ب باشی دیت، ب رێكوپێكی بۆ تە بنڤیسم،

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

كارێن هنارتیان 2:42

ئەوان خۆ بۆ گوهداریا فێركرنێن هنارتیان، ژیانا هەڤپشكیێ، كەركرنا نانی و نڤێژان تەرخان دكر.

كارێن هنارتیان 20:18

دەمێ هاتینە نك وی، گۆتە وان: «هوین دزانن كو هەر ژ رۆژا ئێكێ یا پێ من كەفتیە د هەرێما ئاسیایێ دا، ئەز ب درێژاهیا دەمی، ل گەل هەوە یێ چەوا بووم.

كارێن هنارتیان 26:4

هەمی جوهی شێوازێ ژیانا من هەر ژ گەنجاتیێ وەرە دزانن، كا چەوا ئەز ژ دەستپێكێ وەرە، د ناڤ مللەتێ خۆ دا و ل ئورشەلیمێ دژیام،

رۆما 16:17

ئەڤجا، گەلی خویشك و برایان، ئەز هیڤی ژ هەوە دكەم كو هوین هشیاری وان مرۆڤان بن، یێن بەروڤاژی وێ فێركرنا هەوە وەرگرتی، ناكۆكی و هەلنگفتنێ دروست دكەن. خۆ ژ وان دویر بئێخن.

2 كورنتۆس 1:17

دەمێ من ئەڤ بڕیارە دای، ما من ب سڤكی وەرگرت؟ یان ژی ئەز بڕیارێن خۆ ل دویڤ هزرا مرۆڤكانی ددەم، كو ئاخفتنا من یا شەڤ و رۆژان وەكو ئێك نەبیت، جار بێژم «بەلێ، بەلێ» و جار ژی بێژم «نە، نە»؟

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

فیلیپی 2:20

چنكو من كەسەكێ دی یێ وەكو وی نینە، كو ژ دل و دەروون خەمێ ژ كاروبارێن هەوە بخۆت،

فیلیپی 2:22

لێ هوین دزانن كو تیمۆتاوسی خۆ یێ سەلماندی، چنكو كا چەوا كوڕ ل گەل بابێ خۆ خزمەتێ دكەت، وی وەسا ل گەل من د كارێ مزگینیێ دا خزمەت كریە.

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

1 تیمۆتاوس 1:3

هەروەكو من ژ دل داخواز ژ تە كری، دەمێ ئەز دچوومە مەقدۆنیایێ، تۆ ل ئەفەسۆسێ بمینە، دا هندەك كەسان راسپێری كو فێركرنەكا دی نەكەن،

1 تیمۆتاوس 4:6

ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

1 تیمۆتاوس 6:11

لێ تۆ، هەی مرۆڤێ خودێ، ژ ڤان تشتان بڕەڤە و بكەڤە دویڤ راستداریێ، خودێترسیێ، دلسۆزیێ، حەزژێكرنێ، خۆڕاگریێ و دلنەرمیێ.

2 تیمۆتاوس 2:22

ژ حەزێن گەنجاتیێ بڕەڤە، هەروەسا بزاڤێ بۆ راستداری و باوەری و حەزژێكرن و ئاشتیێ بكە ل گەل وان كەسان یێن ب دلەكێ پاقژ هەوارا خۆ دگەهیننە خودانی.

2 تیمۆتاوس 4:2

پەیڤێ رابگەهینە، ل دەمێ گونجای و نە گونجای یێ ئامادە بە. خەلكی پاشڤە ببە، ل وان بحەیتینە و هاندانا وان بكە، ب هەمی بێهنفرەهی وان فێر بكە.

2 تیمۆتاوس 4:3

چنكو دەمەك دێ هێت، خۆ ل بەر فێركرنا ساخلەم ناگرن، لێ ل دویڤ ئارەزوویێن خۆ دێ مامۆستایان ل دۆرێن خۆ كۆم كەن كو تشتێ خۆش بۆ گوهێ وان بێژن

2 تیمۆتاوس 4:7

ئەز د خەباتا باش دا خەبتیم، من بەریكانا خۆ تەمام كر، باوەری پاراست.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.