2 تیمۆتاوس 2:22 - ئنجیلا پیرۆز

²² ژ حەزێن گەنجاتیێ بڕەڤە، هەروەسا بزاڤێ بۆ راستداری و باوەری و حەزژێكرن و ئاشتیێ بكە ل گەل وان كەسان یێن ب دلەكێ پاقژ هەوارا خۆ دگەهیننە خودانی.

2 تیمۆتاوس 2:22 ပူးပေါင်းရင်းမြစ်များ

كارێن هنارتیان 7:59

ل دەمێ ئەوان ستیڤانۆس بەرباران دكر، ئەوی گازی دكر «خودان عیسا، گیانێ من وەرگرە.»

كارێن هنارتیان 9:14

و ل ڤێرێ وی ژ سەرۆكێن كاهنان دەستهەلاتا هەی، كو هەمیێن هەوارا خۆ دگەهیننە ناڤێ تە، ئەو بگریت.»

رۆما 14:17

چنكو بابەتێ پاشایەتیا خودێ نە خوارن و ڤەخوارنن، لێ راستداری، ئاشتی و دلخۆشینە ب گیانێ پیرۆز.

رۆما 14:19

ئەڤجا دا بزاڤێ بۆ وان تشتان بكەین یێن ئاشتی و ئاڤاكرنا هەڤپشك ژێ چێدبن.

1 كورنتۆس 1:10

ئەڤجا ئەز ب ناڤێ خودانێ مە عیسایێ مەسیح هیڤی ژ هەوە دكەم، گەلی خویشك و برایان، كو هوین هەمی د رێككەفتی بن و دووبەرەكی د ناڤ هەوە دا نەبن، لێ ل سەر هەمان هزر و هەمان مەبەست د ئێكگرتی بن،

1 كورنتۆس 1:2

بۆ جڤاكا گازیكریێن خودێ ل كورنتۆسێ، ئەو كەسێن خودێ ب مەسیح عیسای پیرۆز كرین و گازی كرین، دا ببنە پیرۆزكریێن خودێ، ل گەل وان هەمیان یێن ل هەر جهەكی هەوارا خۆ دگەهیننە ناڤێ خودانێ مە عیسایێ مەسیح، ئەو خودانێ وان و یێ مەیە:

1 كورنتۆس 10:14

ژ بەر ڤێ چەندێ، خۆشتڤیێن من، ژ پووتپەرێسیێ بڕەڤن.

1 كورنتۆس 14:1

ب دویڤ حەزژێكرنێ بكەڤن و مەرەقدارێن بەهرەیێن روحانی بن، ب تایبەتی ژی هوین پەیاما خودێ رابگەهینن.

1 كورنتۆس 6:18

ژ دەهمەنپیسیێ بڕەڤن! هەر گونەهەكا مرۆڤ بكەت، ژ دەرڤەی لەشیە، لێ یێ دەهمەنپیسیێ دكەت، گونەهێ د دەرهەقا لەشێ خۆ دا دكەت.

1 تیمۆتاوس 1:14

كەرەما خودانێ مە ژی بۆ من گەلەك ب سەر دا چوو، ل گەل باوەری و حەزژێكرنا د ئێكبوونا ل گەل مەسیح عیسای دا.

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

1 تیمۆتاوس 2:8

ئەڤجا من دڤێت ل هەر جهەكێ هوین كۆم دبن، زەڵام نڤێژان بكەن. بلا دەستێن خۆ، بێی تۆڕەبوون و گەنگەشە، ب پیرۆزی بلند بكەن.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 6:11

لێ تۆ، هەی مرۆڤێ خودێ، ژ ڤان تشتان بڕەڤە و بكەڤە دویڤ راستداریێ، خودێترسیێ، دلسۆزیێ، حەزژێكرنێ، خۆڕاگریێ و دلنەرمیێ.

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

1 پەترۆس 2:11

گەلی خۆشتڤیان، ئەز هیڤی ژ هەوە دكەم، هوین وەكو بیانی و رێڤنگ ل ڤێ جیهانێ، خۆ ژ ئارەزوویێن لەشی یێن دژی دەروونی شەڕی دكەن، دویر بئێخن.

1 پەترۆس 3:11

بلا خۆ ژ خرابیێ دویر بئێخیت و باشیێ بكەت، بلا ل ئاشتیێ بگەڕیێت و بزاڤێ بۆ بكەت.

3 یوحەننا 1:11

هەی خۆشتڤی، چاڤ ل خرابیێ نەكە، لێ ل باشیێ بكە. هەر ئێكێ باشیێ دكەت، ئەو ژ خودێیە و یێ خرابیێ دكەت، ئەوی خودێ نەدیتیە.