2 تیمۆتاوس 2:19 - ئنجیلا پیرۆز

¹⁹ لێ بنیاتێ قاییم یێ خودێ دانای یێ خۆجهە، ئەڤ موهرە ل سەرە: «خودان، یێن خۆ دنیاسیت» و «هەر ئێكێ دانپێدانێ ب ناڤێ خودانی بكەت، فەرە خۆ ژ خرابیێ دویر بئێخیت.»

2 تیمۆتاوس 2:19 ပူးပေါင်းရင်းမြစ်များ

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا مەتتای 7:23

هنگی ئەز دێ ب ئاشكرایی بێژمە وان: ‹من چ جاران هوین نەنیاسینە. ژ من دویر بكەڤن، هەی خودانێن كارێن خراب!›

مزگینیا مەتتای 7:25

پشتی هنگی باران بارین و لافاو رابوون و باڕۆڤە هاتن و ب وی خانی كەفتن، لێ نەكەفت، چنكو بنیاتێ وی ل سەر كەڤری هاتبوو دانان.

مزگینیا مەرقۆسی 12:16

وان دینارەك ئینا، ئەڤجا وی گۆتە وان: «ئەڤ وێنە و ناڤە یێن كێنە؟» وان گۆتە وی: «یێن قەیسەرینە.»

مزگینیا مەرقۆسی 13:22

چنكو دێ مەسیحێن درەوین و پێغەمبەرێن درەوین دیار بن و دێ نیشانان دیار كەن و مەندەهۆشیان كەن، داكو، ئەگەر د شیان دا با، هەلبژارتیێن خودێ ژی د سەر دا ببەن.

مزگینیا لوقای 13:27

دێ بێژیتە هەوە: ‹ئەز نزانم هوین ژ كینە. هوین هەمی ئەوێن خرابیێ دكەن، ژ من دویر كەڤن.›

مزگینیا لوقای 6:48

ئەو وەكو وی مرۆڤیە ئەوێ خانیەك ئاڤا كری، كو كویر كۆلای و بنیات دانایە سەر كەڤری. گاڤا ئاڤ رابووی و لافاوان ل وی خانی دای، نەشیا بلڤینیت، چنكو باش هاتبوو ئاڤا كرن.

مزگینیا یوحەننای 10:14

ئەزم شڤانێ باش. ئەز پەزێ خۆ دنیاسم و پەزێ من ژی من دنیاسیت،

مزگینیا یوحەننای 13:18

ئەز بەحسێ هەوە هەمیان ناكەم، ئەز وان دنیاسم یێن من هەلبژارتین، لێ دڤێت ئەڤ نڤیسارە ب ج‍‌ھ بهێت: ‹ئەوێ ژ نانێ من خواری، پەحنیا خۆ ل دژی من راكر.›

مزگینیا یوحەننای 3:33

ئەوێ شاهدەییا وی قەبیل دكەت، ئەو پەسەند دكەت كو خودێ یێ راستە.

كارێن هنارتیان 11:26

دەمێ دیتی، وی ئەو ئینا ئەنتاكیایێ. ساڵەكا تەمام ئەو پێكڤە ل گەل جڤاكا باوەرداران كۆم دبوون و گەلەك كەس فێر دكرن. ل ئەنتاكیایێ بوو كو شاگرد بۆ جارا ئێكێ ب ‹مەسیحی› هاتنە بناڤكرن.

كارێن هنارتیان 15:17

داكو مرۆڤێن مایی و هەمی نەجوهیێن ناڤێ من ل سەر وان، قەستا خودانی بكەن. ئەڤە ئاخفتنا خودانیە، ئەوێ ڤان تشتان دكەت

كارێن هنارتیان 9:14

و ل ڤێرێ وی ژ سەرۆكێن كاهنان دەستهەلاتا هەی، كو هەمیێن هەوارا خۆ دگەهیننە ناڤێ تە، ئەو بگریت.»

رۆما 11:2

خودێ گەلێ خۆ یێ پێشوەخت هەلبژارتی، رەت نەكر. ما هوین نزانن نڤیسارا پیرۆز دەربارەی ئلیاسی چ دبێژیت، دەمێ ل بەرامبەر خودێ گازندە ژ ئیسرائیل كرین؟

رۆما 12:9

بلا حەزژێكرن یا بێ دووڕویاتی بیت، كەربێ ژ خرابیێ راكەن، خۆ ب باشیێڤە بگرن.

رۆما 15:20

ئارمانجا من ئەوە كو ئەز مزگینیێ ل وان جهان بدەم یێن ناڤێ مەسیحی لێ نەهاتیە بهیستن، دا ل سەر بنیاتێ كەسەكێ دی دانای ئاڤا نەكەم.

رۆما 15:9

و مللەتێن دی ژ بەر دلۆڤانیا خودێ پەسنا وی بكەن. هەروەكو هاتیە نڤیسین: «ژ بەر ڤێ چەندێ ئەز دێ د ناڤ مللەتێن نەجوهی دا پەسنا تە كەم، سترانێن پەسنكرنێ بۆ ناڤێ تە بێژم.»

رۆما 8:28

ئەم دزانین كو خودێ وە دكەت هەمی تشت پێكڤە كار بكەن ژ بۆ باشیا وان یێن حەز ژ خودێ دكەن و ل دویڤ مەبەستا وی هاتینە گازیكرن.

رۆما 9:11

دەمێ كو هێشتا جێمك ژ دایك نەببوو و چ تشتێن باش و خراب نەكربوون، خودێ گۆتە رەبەكایێ: «یێ مەزن دێ بۆ یێ بچویك بەنیاتیێ كەت.» ئەڤ چەندە چێبوو، داكو مەبەستا خودێ ل دویڤ هەلبژارتنێ خۆج‍‌ھ ببیت، نە ل دویڤ كریارێن مرۆڤان، لێ ل دویڤ گازیكرنا خودێ.

1 كورنتۆس 1:2

بۆ جڤاكا گازیكریێن خودێ ل كورنتۆسێ، ئەو كەسێن خودێ ب مەسیح عیسای پیرۆز كرین و گازی كرین، دا ببنە پیرۆزكریێن خودێ، ل گەل وان هەمیان یێن ل هەر جهەكی هەوارا خۆ دگەهیننە ناڤێ خودانێ مە عیسایێ مەسیح، ئەو خودانێ وان و یێ مەیە:

1 كورنتۆس 8:3

لێ ئەگەر ئێك حەز ژ خودێ دكەت، ئەو ل نك خودێ یێ نیاسە.

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

گالاتیا 4:9

لێ نوكە پشتی كو هەوە خودێ نیاسی، ئانكو هێشتا دروستتر: هوین ژ لایێ خودێ ڤە هاتنە نیاسین، ئەڤجا چەوا دێ بۆ هێزێن سرۆشتی یێن لاواز و بەلەنگاز زڤڕنەڤە؟ چەوا هەوە دڤێت هوین دیسان بەنیاتیێ بۆ وان بكەن؟!

ئەفەسۆس 2:20

هوین ل سەر بنیاتێ هنارتی و پێغەمبەران د ئاڤاكرینە و مەسیح عیسا ب خۆ بەرێ بنیاتیە.

ئەفەسۆس 3:15

ئەوێ هەر بابكەكی ل سەر ئەردی و ل ئەسمانان ناڤ ژێ وەرگرتی،

ئەفەسۆس 4:30

گیانێ خودێ یێ پیرۆز خەمبار نەكەن، ئەوێ هوین ب وی بۆ رۆژا رزگاربوونێ هاتینە موهركرن.

1 تیمۆتاوس 3:15

دا ئەگەر ئەز گیرۆ ببم، تۆ بزانی كا پێدڤیە ئێك چەوا د مالا خودێ دا رەفتارێ بكەت. ئەو مال جڤاكا گازیكریێن خودایێ زیندیە، ستوین و شەنگستەیێ راستیێیە.

1 تیمۆتاوس 6:19

هۆسا دێ بۆ خۆ گەنجینەیەكێ عومبار كەن كو بۆ پاشەڕۆژێ بنیاتەكێ باش بیت، دا ژیانا راستەقینە ب دەست خۆ ڤە بینن.

عیبرانی 11:10

چنكو ئەو چاڤەڕێی وی باژێڕی بوو یێ بنیاتەكێ قاییم هەی، كو ئەندازیار و ئاڤاكەرێ وی خودێیە.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

1 یوحەننا 2:19

ئەو ژ ناڤ مە دەركەفتن، لێ ئەو ژ مە نەبوون، چنكو ئەگەر ئەو ژ مە بان، دا ل گەل مە مینن. لێ ئەو دەركەفتن، دا دیار ببیت كو ئەو هەمی نە ژ مەنە.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 21:14

شویرها باژێڕی دوازدە بنیات هەبوون و دوازدە ناڤێن دوازدە هنارتیێن بەرخی ل سەر بوون.

ئاشكراكرن 22:4

و دێ دێمێ وی بینن و ناڤێ وی دێ ل سەر ئەنیا وان بیت.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.