2 تیمۆتاوس 2:18 - ئنجیلا پیرۆز

¹⁸ ئەوێن ژ راستیێ ڤاڕێ بووین و دبێژن كو رۆژا رابوونێ یا روی دای. هۆسا باوەریا هندەكان سەروبن دكەن.

2 تیمۆتاوس 2:18 ပူးပေါင်းရင်းမြစ်များ

مزگینیا مەتتای 15:13

وی بەرسڤ دا: «هەر شینكاتیەكا بابێ من یێ ئەسمانی نەچاندبیت، دێ هێتە هەلكێشان.

مزگینیا مەتتای 22:29

عیسای بەرسڤا وان دا و گۆت: «هوین د شاشن، چنكو هوین نە د نڤیسارێن پیرۆز و نە د هێزا خودێ دگەهن.

مزگینیا لوقای 8:13

ئەو تۆڤێ كەفتیە سەر كەڤری، ئەو كەسن یێن دەمێ گو‍‌ھ ل پەیڤێ دبن ب دلخۆشی وەردگرن و ئەو كەس د بێ رەهن، دەمەكێ كورت باوەریێ دئینن و د دەمێ تاقیكرنێ دا دەست ژ پەیڤێ بەرددەن.

كارێن هنارتیان 5:39

لێ ئەگەر ژ لایێ خودێ ڤە بیت، هوین نەشێن ل بەرامبەر راوەستن، نەكو هوین خۆ ببینن، یێ دژی خودێ شەڕی دكەن.» ئینا ئەندامێن جڤاتێ ب ئاخفتنا وی قاییل بوون

1 كورنتۆس 11:19

بێگۆمان دڤێت د ناڤ هەوە دا دووبەرەكی هەبن، دا دیار ببیت كا د ناڤ هەوە دا كینە ژ لایێ خودێ ڤە د پەسەندن.

1 كورنتۆس 15:12

مادەم ئەم هەمی رادگەهینین كو مەسیح ژ ناڤ مریان رابوویە، چەوا هندەك ژ هەوە دبێژن: «رابوونا مریان نینە»!

كۆلۆسی 3:1

ئەڤجا ئەگەر هوین ل گەل مەسیحی ژ مرنێ هاتینە راكرن، بزاڤێ بۆ تشتێن ل سڵال بكەن، ل وی جهی یێ مەسیح لێ، كو ل دەستێ راستێ یێ خودێ یێ روینشتیە.

1 تیمۆتاوس 1:19

ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

1 تیمۆتاوس 6:10

چنكو حەزژێكرنا پارەی رەها هەمی خرابیانە. ژ ڤێ حەزژێكرنێ هندەكان خۆ تێ وەركر و ژ باوەریێ ڤاڕێبوون و گەلەك برین ل خۆ كرن.

1 تیمۆتاوس 6:21

ئەوا هندەك ب دویڤ كەفتین و ژ باوەریێ ڤاڕێ بووین. كەرەم ل سەر هەوە بیت.

2 تیمۆتاوس 2:14

ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

عیبرانی 3:10

لەوما ئەز ژ وی بەرەبابی تۆڕە بووم و من گۆت: ‹ئەو د دلێ خۆ دا هەردەم ڤاڕێ دبن و رێكا من نەنیاسیە›.

یەعقوب 5:19

گەلی خویشك و برایێن من، ئەگەر ئێك ژ هەوە ژ راستیێ ڤاڕێ بوو و ئێكی ئەو ڤەگەڕاند،

1 یوحەننا 2:19

ئەو ژ ناڤ مە دەركەفتن، لێ ئەو ژ مە نەبوون، چنكو ئەگەر ئەو ژ مە بان، دا ل گەل مە مینن. لێ ئەو دەركەفتن، دا دیار ببیت كو ئەو هەمی نە ژ مەنە.