2 تیمۆتاوس 2:16 - ئنجیلا پیرۆز

¹⁶ خۆ ژ پڕبێژیێن نەپیرۆز دویر بئێخە، چنكو ئەو دێ پتر و پتر بەرێ مرۆڤی دەنە خودێنەنیاسیێ.

2 تیمۆتاوس 2:16 ပူးပေါင်းရင်းမြစ်များ

1 كورنتۆس 15:33

نەهێنە خاپاندن: «هەڤالینیا خراب رەوشتێ جوان پویچ دكەت.»

1 كورنتۆس 5:6

شانازی بخۆبرنا هەوە تشتەكێ نەباشە! ما هوین نزانن كو پیچەكا هەڤیرترشی، هەمی هەڤیری ترش دكەت؟

1 تیمۆتاوس 1:9

هەروەسا ئەم دزانین دەستوور بۆ یێن راستدار نەهاتیە دانان، لێ بۆ سەرپێچكار و یاخیبوویان، بۆ بەدكار و گونەهكاران، بۆ یێن نەپیرۆز و هەڕمیان، بۆ بابكوژ و دایكوژان، بۆ مێركوژان،

1 تیمۆتاوس 4:7

خۆ ژ چیڤانۆكێن نەپیرۆز و چیڕۆكێن پیرەژنان بدە پاش، لێ راهێنانێ ل سەر خودێترسیێ بكە.

1 تیمۆتاوس 6:20

هەی تیمۆتاوس! ئەو تشتێ ب تە هاتیە راسپاردن بپارێزە، خۆ ژ پڕبێژیێن نەپیرۆز و هەڤدژیێن ناڤێ ‹زانین› ب درەو ل سەر هاتینە دانان، دویر بئێخە،

2 تیمۆتاوس 2:14

ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

2 تیمۆتاوس 2:21

ئەڤجا ئەگەر ئێك خۆ ژ ڤان تشتان پاقژ بكەت، دێ بیتە ئامانەكێ بڕێز، یێ پیرۆزكری، یێ بكێرهاتی بۆ خودانێ خۆ و یێ ئامادە بۆ هەمی كارێن باش.

2 تیمۆتاوس 3:13

مرۆڤێن خراب و فێلباز ژی دێ د خرابیێ دا پێشكەڤن، دێ خاپاندنێ كەن و هێنە خاپاندن.

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

تیتۆس 1:14

و گو‍‌ھ نەدەنە ئەفسانەیێن جوهیان و فەرمانێن وان مرۆڤان یێن راستیێ رەت دكەن.

تیتۆس 3:9

لێ خۆ ژ گەنگەشەیێن بێئاقلانە، دانوستاندن ل دۆر نەژادنامەیان، هەڤڕكی و شەڕەدەڤێن ل سەر دەستووری بدە پاش، چنكو ئەو د بێمفا و ژ قەستانە.

عیبرانی 12:15

هەوە های ژێ هەبیت نەكو كەسەك ب كەرەما خودێ را نەگەهیت و رەهەكا تەحل د ناخێ هەوە دا وەرارێ نەكەت، كو ببیتە ئەگەرێ ئارێشەیێ و ب رێكا وێ رەهێ گەلەك كەس بهەڕمن،

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

2 پەترۆس 2:2

دێ گەلەك مرۆڤ ب دویڤ بێنامویسیا وان كەڤن و ژ بەر وان دێ ب خرابی بەحسێ رێبازا راستیێ هێتە كرن.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 13:3

ئێك ژ سەرێن دڕندەی یێ وەسا بوو هەروەكو بۆ مرنێ هاتبیتە برینداركرن، لێ برینا وی یا كوژەك هاتبوو ساخكرن. هەمی جیهان حێبەتی مان و ب دویڤ دڕندەی كەفتن