2 تیمۆتاوس 2:15 - ئنجیلا پیرۆز

¹⁵ هەمی بزاڤان بكە كو تۆ وەكو پالەیەكێ جهێ رازیبوونێ، خۆ بۆ خودێ پێشكێش بكەی، پالەیەكێ جهێ شەرمێ د كارێ وی دا نینە، ئەو پەیڤا راستیێ دروست شڕۆڤە دكەت.

2 تیمۆتاوس 2:15 ပူးပေါင်းရင်းမြစ်များ

مزگینیا مەتتای 13:52

پاشی گۆتە وان: «ئەڤجا هەر مامۆستایەكێ دەستووری یێ ل سەر پاشایەتیا ئەسمانان هاتیە پەروەردەكرن، وەكو خودان ملكەكیە، ئەوێ ژ گەنجینەیا خۆ، تشتێن نوی و یێن كەڤن دەردئێخیت.»

مزگینیا مەرقۆسی 4:33

ب گەلەك نموونەیێن ژ ڤی شێوەی، عیسای ل دویڤ ئاستێ ئەو دشیان تێبگەهن پەیاما خودێ بۆ وان رادگەهاند

مزگینیا لوقای 12:42

خودانی گۆت: «ئەڤجا ئەو بریكارێ دلسۆز و ئاقلمەند كیە، ئەوێ خودان وی بكەتە بەرپرسێ خزمەتكارێن خۆ، دا بەهرا وان ژ خوارنێ د دەمێ وێ دا بدەتێ؟

كارێن هنارتیان 2:22

گەلی ئیسرائیلیان، گوهێ خۆ بدەنە ڤێ ئاخفتنێ: عیسایێ ناسیرەیی مرۆڤەكە ژ لایێ خودێ ڤە بۆ هەوە هاتیە پەسەندكرن. هەروەكو هوین دزانن، خودێ ل سەر دەستێ وی گەلەك حنێر و مەندەهۆشی و نیشان د ناڤ هەوە دا یێن كرین.

كارێن هنارتیان 20:27

چنكو من خۆ نەدایە پاش كو بۆ هەوە هەمی حەزا خودێ دیار بكەم.

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

رۆما 16:10

سڵاڤان ل ئەپەلیسی بكەن، ئەوێ باوەریا خۆ ب مەسیحی سەلماندی. سڵاڤان ل خەلكێ مالا ئەریستوپولۆسی بكەن.

رۆما 6:13

ئەندامێن لەشێ خۆ ژی وەك چەكێن خرابیێ پێشكێشی گونەهێ نەكەن. لێ خۆ وەك یێن ژ ناڤ مریان رابووین پێشكێشی خودێ بكەن، ئەندامێن لەشێ خۆ ژی وەك چەكێن راستداریێ پێشكێشی خودێ بكەن.

1 كورنتۆس 2:6

لێ د ناڤ یێن پێگەهشتی دا، ئەم ئاقلمەندیێ دبێژین، هەر چەندە ئەڤ ئاقلمەندیە نە یا ڤێ جیهانێیە، نە ژی یا سەرۆكێن ڤێ جیهانێیە، ئەو سەرۆكێن ژ ناڤ دچن.

2 كورنتۆس 10:18

چنكو یێ خودان وی پەسەند دكەت، ئەو دهێتە قەبیلكرن، نە یێ ئەو خۆ پەسەند دكەت.

2 كورنتۆس 3:6

ئەوێ شیان دایە مە، دا تێرا هندێ بكەین كو ببینە خزمەتكارێن پەیمانا نوی، نە پەیمانا پیتێ، لێ پەیمانا گیانێ پیرۆز. چنكو پیت دكوژیت، لێ گیان ژیانێ ددەت.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 5:9

لەوما ئەم ل نك خودانی د ئاكنجی بین یان ژی ل دویر بین، ئارمانجا مە ئەوە كو جهێ رازیبوونا وی بین.

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

ئەفەسۆس 1:13

دەمێ هەوە پەیڤا راستیێ، ئانكو مزگینیا قورتالبوونا خۆ، بهیستی و باوەری ب مەسیحی ئینای، هوین ژی ب گیانێ پیرۆزێ سۆزپێدای، ژ بەر ئێكبوونا هەوە ل گەل مەسیحی هاتنە موهركرن.

1 سالونیكی 2:4

لێ كا چەوا خودێ ئەم پەسەند كرین كو مزگینیێ ب مە بسپێریت، ئەم وەسا دئاخڤین، نە دا خەلكی رازی كەین، لێ دا خودێ رازی كەین، ئەوێ دلێ مە تاقی دكەت.

1 سالونیكی 5:14

ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن.

1 تیمۆتاوس 4:6

ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

عیبرانی 4:11

لەوما بلا ئەم بزاڤێ بكەین كو ب ژۆر بكەڤینە د وێ بێهنڤەدانێ دا، دا كەس ژ ئەنجامدانا هەمان نموونەیا نەگوهداریێ ژ ناڤ نەچیت.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

یەعقوب 1:18

ل دویڤ حەزا خۆ ب رێكا پەیڤا راستیێ وی ئەم بووین، داكو ببینە خێڤەیێ ئافراندیێن وی.

2 پەترۆس 1:10

ژ بەر ڤێ چەندێ گەلی خویشك و برایان، زێدەتر بزاڤێ بكەن دا دووپات بكەن كو خودێ هوین یێن گازی كرین و هەلبژارتین، چنكو ئەگەر هوین ڤان تشتان بكەن، هوین چ جاران ناهەلنگڤن.

2 پەترۆس 1:15

ئەڤجا ئەز دێ بزاڤێ كەم دا پشتی باركرنا من هوین هەردەم ڤان تشتان بیننە بیرا خۆ.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.