2 تیمۆتاوس 2:14 - ئنجیلا پیرۆز

¹⁴ ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

2 تیمۆتاوس 2:14 ပူးပေါင်းရင်းမြစ်များ

مزگینیا مەتتای 16:26

مرۆڤ دێ چ مفای كەت، ئەگەر جیهان هەمی ب دەست خۆ ڤە ئینا، لێ ژیانا خۆ ژ دەست دا؟ مرۆڤ دێ ب پێش ژیانا خۆ ڤە چ دەت؟

كارێن هنارتیان 13:10

«هەی ئەوێ تژی ژ هەمی سەختەیێ و هەمی فێلبازیێ، هەی كوڕێ ئبلیسی، هەی دوژمنێ هەمی باشیێ! ما تۆ دەست ژ خواركرنا رێكێن خودانی یێن راست بەرنادەی؟

كارێن هنارتیان 15:24

مە یێ بهیستی كو هندەك كەس ژ مە، بێی كو ئەم وان بهنێرین، یێن هاتینە نك هەوە و ب گۆتنێن خۆ هوین دلتەنگ كرینە و هزرێن هەوە ئالۆز كرینە.

رۆما 14:1

ئەوێ د باوەریێ دا لاواز، قەبیل بكەن، لێ نە ب مەبەستا دادكرنا بۆچوونێن ئێكودوو.

گالاتیا 1:7

ب راستی چ مزگینیێن دی نینن، لێ هندەك كەسێن هەین، هزرێن هەوە ئالۆز دكەن و وان دڤێت پەیاما مزگینیا مەسیحی بگوهۆڕن.

ئەفەسۆس 4:17

لەوما ئەز ڤێ دبێژم و ب ناڤێ خودانی دووپات دكەم كو ئێدی هوین وەسا نەژین هەروەكو مللەتێن نەجوهی دژین، هزرێن وان دخرشن.

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

2 سالونیكی 3:6

ئەڤجا گەلی خویشك و برایان، ئەم ب ناڤێ خودانێ خۆ عیسایێ مەسیح فەرمانێ ل هەوە دكەین، كو هوین خۆ دویر بئێخن ژ هەمی برایێن ب تەمبەلی دژین و ل دویڤ وێ فێركرنێ ناژین یا وان ژ مە وەرگرتی.

1 تیمۆتاوس 1:4

هەروەسا ئەو خۆ ب چیڤانۆك و نەژادنامەیێن بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.

1 تیمۆتاوس 1:6

هندەك مرۆڤ ژ ڤان تشتان ڤاڕێبوون و ب دویڤ گۆتنێن ڤاڵا كەفتن.

1 تیمۆتاوس 4:8

چنكو وەرزشا لەشی مفایێ هەی بۆ هندەك تشتان، لێ ژ خودێترسیێ مفایێ هەی بۆ هەمی تشتان، ژ بەر كو خودێترسیێ سۆز بۆ ژیانا ڤێ جیهانێ و جیهانا دی هەیە.

1 تیمۆتاوس 5:21

ئەز ل بەرامبەر خودێ و مەسیح عیسای و فریشتەیێن هەلبژارتی فەرمانێ ل تە دكەم، كو تۆ وان تشتان بێی حوكمێ پێشوەخت ب ج‍‌ھ بینی و تشتەكی ب لایەنگری نەكەی.

1 تیمۆتاوس 6:13

ل بەرامبەر خودێ، ئەوێ ژیانێ ددەتە هەمیان و ل بەرامبەر مەسیح عیسای، ئەوێ ل بەرامبەر پیلاتۆسێ پونتی شاهدەییا باش دای، تە رادسپێرم

2 تیمۆتاوس 1:6

ژ بەر ڤێ چەندێ ئەز بیرا تە دئینم كو تۆ دیاریا خودێ بشارینی، ئەوا وی دایە تە ب رێكا دەستدانانا من ل سەر تە.

2 تیمۆتاوس 2:16

خۆ ژ پڕبێژیێن نەپیرۆز دویر بئێخە، چنكو ئەو دێ پتر و پتر بەرێ مرۆڤی دەنە خودێنەنیاسیێ.

2 تیمۆتاوس 2:23

خۆ ژ گەنگەشەیێن دەبەنگ و نەزانانە بدە پاش، چنكو تۆ دزانی كو شەڕ ژێ پەیدا دبیت.

2 تیمۆتاوس 4:1

ئەڤجا ئەز ل بەرامبەر خودێ و مەسیح عیسای، ئەوێ دێ دادكرنا مری و زیندیان كەت و ژ بەر دیاربوونا وی و پاشایەتیا وی، فەرمانێ ل تە دكەم:

تیتۆس 3:1

بیرا وان بینە كو ملكەچی سەروەر و دەستهەلاتداران بن، گوهداریا وان بكەن و بۆ هەر كارەكێ باش د ئامادە بن.

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

2 پەترۆس 1:13

هندی ئەز د ڤێ خیڤەتێ دا بم، ئەز ڤێ چەندێ راست دبینم كو ئەز هەوە ب ڤێ بیرئینانێ بشارینم.