2 تیمۆتاوس 2:12 - ئنجیلا پیرۆز

¹² ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

2 تیمۆتاوس 2:12 ပူးပေါင်းရင်းမြစ်များ

مزگینیا مەتتای 10:33

و هەر كەسێ ل بەرامبەری مرۆڤان من ماندەل بكەت، ئەز ژی دێ ل بەرامبەری بابێ خۆ یێ ل ئەسمانان وی ماندەل كەم.

مزگینیا مەتتای 26:35

پەترۆسی گۆتێ: «خۆ ئەگەر یا پێدڤی بیت ئەز ل گەل تە بمرم ژی، ئەز تە ماندەل ناكەم!» هەمی شاگردان ژی وە گۆت.

مزگینیا مەتتای 26:75

ئینا ئاخفتنا عیسای هاتە بیرا پەترۆسی دەمێ گۆتیێ: «بەری دیكل بانگ بدەت، تۆ دێ سێ جاران من ماندەل كەی.» پەترۆس دەركەفتە ژ دەرڤە و گریەكا تەحل كر.

مزگینیا مەرقۆسی 10:33

و گۆت: «ئەڤە ئەم یێ بەرەڤ ئورشەلیمێ ب سەر دكەڤین، دێ كوڕێ مرۆڤ رادەستی سەرۆكێن كاهنان و مامۆستایێن دەستووری هێتە كرن و ئەو دێ حوكمێ مرنێ ل سەر دانن و دێ وی رادەستی نەجوهیان كەن.

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا لوقای 12:9

لێ ئەو كەسێ ل بەرامبەری مرۆڤان من ماندەل بكەت، دێ ل بەرامبەری فریشتەیێن خودێ هێتە ماندەلكرن.

مزگینیا لوقای 22:29

ئەز ژی دێ پاشایەتیێ دەمە هەوە هەروەكو بابێ من ئەو دایە من،

مزگینیا لوقای 22:30

داكو هوین د پاشایەتیا من دا ل سەر سفرا من بخۆن و ڤەخۆن و ل سەر تەختان روینن و دادوەریێ ل سەر هەر دوازدە هۆزێن ئیسرائیل بكەن.

مزگینیا لوقای 9:26

چنكو هەر كەسێ شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا خۆ و یا بابێ خۆ و یا فریشتەیێن پیرۆز ڤە دهێت، دێ شەرم كەت دانپێدانێ پێ بكەت.

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

رۆما 5:17

چنكو ئەگەر مرنێ ژ بەر گونەها مرۆڤەكی و ب رێیا وی دەستهەلاتی كربیت، پا ئەوێن كەرەما خودێ یا زێدە و دیاریا راستداریێ وەردگرن، ب رێیا ئێكی، ئانكو ب عیسایێ مەسیح، دێ د ژیانێ دا چەند پتر دەستهەلاتێ كەن!

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

فیلیپی 1:28

و هوین ب چ شێوەی ژ وان یێن بەرهنگاریا هەوە دكەن، ناترسن. ئەڤە بۆ وان بەلگەیێ وێرانبوونا وانە، لێ یێ قورتالبوونا هەوەیە و ئەڤە ژی ژ لایێ خودێ ڤەیە.

1 تیمۆتاوس 5:8

لێ ئەگەر ئێك چاڤێ خۆ نادەتە مرۆڤێن خۆ، ب تایبەتی خەلكێ مالا خۆ، ئەڤە وی باوەری ماندەل كریە و ئەو ژ بێباوەران خرابترە.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.

ئاشكراكرن 1:6

و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی بن. ئامین.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 20:6

چەند یێ بەختەوەر و پیرۆزە ئەوێ بەهر د رابوونا مریان یا ئێكێ دا هەی. مرنا دوویێ دەستهەلات ل سەر وان نینە، لێ ئەو دێ بنە كاهنێن خودێ و مەسیحی و دێ ل گەل وی بۆ هزار ساڵان پاشایەتیێ كەن.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.

ئاشكراكرن 5:10

تە ئەو بۆ خودایێ مە كرنە پاشایەتی و كاهن، ئەو دێ پاشایەتیێ ل سەر ئەردی كەن.»