2 تیمۆتاوس 2:10 - ئنجیلا پیرۆز

¹⁰ لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

2 تیمۆتاوس 2:10 ပူးပေါင်းရင်းမြစ်များ

مزگینیا مەتتای 24:22

ئەگەر ئەو رۆژ نەهاتبانە كورتكرن، كەس قورتال نەدبوو، لێ ژ بەر هەلبژارتیان ئەو رۆژ دێ هێنە كورتكرن.

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 24:31

ئەڤجا دێ فریشتەیێن خۆ ب لێدانا بۆڕیزانەكا دەنگ مەزن هنێریت، دێ هەلبژارتیێن وی ژ هەر چوار كوژیێن جیهانێ، ژ ڤی لایێ ئەسمانان هەتا لایێ دی، خڕڤە كەن.

مزگینیا لوقای 18:7

ئەرێ ما خودێ مافێ هەلبژارتیێن خۆ، ئەوێن ب شەڤ و رۆژ هەوارا خۆ دگەهیننێ، وەرناگریت؟ ئەرێ دێ بەرسڤا وان گیرۆ كەت؟

مزگینیا لوقای 22:57

لێ وی ماندەل كر و گۆت: «كچێ، ئەز وی نانیاسم!»

مزگینیا یوحەننای 11:52

نە ب تنێ سەخمەراتی مللەتی، لێ دا زاڕۆكێن خودێ یێن بژاڵە خڕڤە كەت و بكەتە ئێك.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

مزگینیا یوحەننای 17:9

ئەز ژ پێخەمەت وان نڤێژێ دكەم. ئەز پێخەمەت جیهانێ نڤێژێ ناكەم، لێ ژ پێخەمەت وان یێن تە داینە من، چنكو یێن تەنە.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

رۆما 9:23

ما چیە ئەگەر وی ئەڤ چەندە كر؟ دا دەولەمەندەیا مەزناهیا خۆ ل سەر وان ئامانان دیار بكەت، یێن كو دلۆڤانیێ وەردگرن، ئەوێن پێشوەخت بۆ مەزناهیێ ئامادە كرین،

1 كورنتۆس 1:21

بەلێ، چنكو مادەم خودێ ب ئاقلمەندیا خۆ نەهێلا كو جیهان ب ئاقلمەندیا خۆ وی بنیاسیت، جهێ دلخۆشیا خودێ بوو كو وان یێن باوەریێ دئینن قورتال بكەت، ب وێ مزگینیێ یا خەلكەكی ددیت كو بێئاقلیە.

1 كورنتۆس 9:22

ل گەل لاوازان من خۆ لاواز كر، دا ئەز یێن لاواز قازانج بكەم. ئەز بۆ هەمی كەسان یێ بوویمە هەمی تشت، دا ب هەر شێوەیەكێ هەبیت بشێم هندەكان قورتال بكەم.

2 كورنتۆس 1:6

ئەگەر ئەم تووشی تەنگاڤیان دبین، ئەو بۆ هاندان و قورتالبوونا هەوەیە. ئەگەر ئەم دهێینە هاندان، ئەو بۆ هاندانا هەوەیە، ئەوا شیانێ ددەتە هەوە كو خۆ ل بەر وان ئازاران بگرن یێن ئەم ژی دكێشین.

2 كورنتۆس 12:15

ئەز دێ ب هەمی دلخۆشی مالێ خۆ و گیانێ خۆ ژی بۆ هەوە مەزێخم. ئەگەر ئەز زێدەتر حەز ژ هەوە بكەم، ما هوین دێ كێمتر حەز ژ من كەن؟

2 كورنتۆس 4:15

ئەرێ، ئەڤ هەمی تشتە ژ پێخەمەت هەوەنە، داكو كەرەم د ناڤ گەلەكێن دی دا بەڵاڤ ببیت و ژ بۆ مەزناهیا خودێ سوپاسیكرنێ زێدەتر لێ بكەت.

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

ئەفەسۆس 3:13

لەوما ئەز هیڤی ژ هەوە دكەم كو هوین بێ ئومێد نەبن ژ بەر ئازارێن ئەز بۆ هەوە دكێشم، ئەو بۆ هەوە مەزناهینە.

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

1 سالونیكی 5:9

چنكو خودێ ئەم نە ژ بۆ تۆڕەبوونا خۆ یێن دەستنیشان كرین، لێ دا بگەهینە قورتالبوونێ، ب رێیا خودانێ مە عیسایێ مەسیح،

2 سالونیكی 2:14

وی بۆ وێ مەبەستێ هوین ب رێكا مزگینیا مە گازی كرن، دا هوین مەزناهیا خودانێ مە عیسایێ مەسیح ب دەست خۆ ڤە بینن.

2 تیمۆتاوس 1:1

ژ من، پاولۆس، هنارتیێ مەسیح عیسای ب حەزا خودێ، ژ پێخەمەت وێ سۆزا ژیانێ ئەوا د ئێكبوونا ل گەل مەسیح عیسای دا هەی.

2 تیمۆتاوس 2:1

ئەڤجا كوڕێ من، ب وێ كەرەما د مەسیح عیسای دا، یێ بهێز بە

2 تیمۆتاوس 2:3

وەكو سەربازەكێ باش یێ مەسیح عیسای، پشكداریێ د ئازاركێشانێ دا بكە.

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

1 پەترۆس 2:10

دەمەكی هوین نە گەل بوون، لێ نوكە هوین گەلێ خودێنە. دەمەكی دلۆڤانی ب هەوە نەدهاتە برن، لێ نوكە دلۆڤانی ب هەوە هاتیە برن.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.