2 تیمۆتاوس 1:9 - ئنجیلا پیرۆز

⁹ خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

2 تیمۆتاوس 1:9 ပူးပေါင်းရင်းမြစ်များ

مزگینیا مەتتای 1:21

دێ وێ كوڕەك بیت و تۆ دێ ناڤێ وی كەیە عیسا، چنكو ئەو دێ گەلێ خۆ ژ گونەهێن وان قورتال كەت.»

مزگینیا لوقای 10:21

د وێ گاڤێ دا عیسا گەلەك ب گیانێ پیرۆز دلخۆش بوو و گۆت: «باب، خودانێ ئەرد و ئەسمانی، ئەز سوپاسیا تە دكەم، چنكو تە ئەڤ تشتێن هەنێ ژ تێگەهشتی و ئاقلمەندان ڤەشارتن و تە بۆ زاڕۆكان ئاشكرا كرن. بەلێ باب، چنكو هۆسا د دیتنا تە دا باش بوو.»

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

مزگینیا یوحەننای 17:9

ئەز ژ پێخەمەت وان نڤێژێ دكەم. ئەز پێخەمەت جیهانێ نڤێژێ ناكەم، لێ ژ پێخەمەت وان یێن تە داینە من، چنكو یێن تەنە.

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

كارێن هنارتیان 15:18

یێن كو هەر ژ كەڤن دا هاتینە زانین. ›

كارێن هنارتیان 2:47

پەسنا خودێ دكرن و جهێ رەزامەندیا هەمیان بوون و خودانی رۆژانە ئەوێن قورتال دبوون زێدە دكرن.

رۆما 11:14

بەلكو ب ڤێ چەندێ ئەز چاڤپێڕانەبوونا مللەتێ خۆ بئازرینم و هندەكان ژ وان قورتال بكەم.

رۆما 11:29

چنكو خودێ ژ بەرەكەتداركرن و هەلبژارتنا كەسەكی پەشیمان نابیت.

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

رۆما 3:20

چنكو ب ئەنجامدانا دەستووری چ كەس ل بەر خودێ راستدار دەرناكەڤن، ژ بەر كو ب دەستووری گونە‍‌ھ دهێتە نیاسین.

رۆما 9:11

دەمێ كو هێشتا جێمك ژ دایك نەببوو و چ تشتێن باش و خراب نەكربوون، خودێ گۆتە رەبەكایێ: «یێ مەزن دێ بۆ یێ بچویك بەنیاتیێ كەت.» ئەڤ چەندە چێبوو، داكو مەبەستا خودێ ل دویڤ هەلبژارتنێ خۆج‍‌ھ ببیت، نە ل دویڤ كریارێن مرۆڤان، لێ ل دویڤ گازیكرنا خودێ.

رۆما 9:24

خۆ ئەم ژی ئەوین، یێن وی گازی كرین، نە ب تنێ ژ ناڤ جوهیان، لێ ژ ناڤ مللەتێن دی ژی.

1 كورنتۆس 1:18

راستە، پەیام دەربارەی خاچێ بۆ وان یێن ژ ناڤ دچن بێئاقلیە، لێ بۆ مە یێن دهێینە قورتالكرن، ئەو هێزا خودێیە.

ئەفەسۆس 1:11

ل دویڤ مەبەستا وی، ئەوێ هەر تشتی ل دویڤ بڕیار و حەزا خۆ ساز دكەت، ئەم پێشوەخت هاتینە دەستنیشانكرن و ب مەسیحی هاتینە هەلبژارتن،

ئەفەسۆس 1:9

وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

ئەفەسۆس 2:5

دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.

ئەفەسۆس 3:11

ئەڤ چەندە ل دویڤ مەرەما خودێ یا هەردەمی بوو، ئەوا وی ب دەستێ خودانێ مە مەسیح عیسای ب ج‍‌ھ ئینای.

فیلیپی 3:14

ئەز بزاڤێ بۆ ئارمانجێ دكەم، دا خەلاتی قازانج بكەم، ئەوێ ب رێكا مەسیح عیسای، خودێ ئەز بۆ وی گازی كریمە سڵال.

1 سالونیكی 4:7

چنكو خودێ ئەم بۆ پویچاتیێ گازی نەكرینە، لێ بۆ پیرۆزیێ.

1 تیمۆتاوس 1:1

ژ من، پاولۆس، هنارتیێ مەسیح عیسای، ل دویڤ فەرمانا قورتالكەرێ مە خودێ و هیڤیا مە مەسیح عیسای.

2 تیمۆتاوس 1:1

ژ من، پاولۆس، هنارتیێ مەسیح عیسای ب حەزا خودێ، ژ پێخەمەت وێ سۆزا ژیانێ ئەوا د ئێكبوونا ل گەل مەسیح عیسای دا هەی.

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

عیبرانی 3:1

ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.