2 تیمۆتاوس 1:8 - ئنجیلا پیرۆز

⁸ ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

2 تیمۆتاوس 1:8 ပူးပေါင်းရင်းမြစ်များ

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا لوقای 9:26

چنكو هەر كەسێ شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا خۆ و یا بابێ خۆ و یا فریشتەیێن پیرۆز ڤە دهێت، دێ شەرم كەت دانپێدانێ پێ بكەت.

مزگینیا یوحەننای 15:27

هوین ژی دێ بۆ من شاهدەییێ دەن، چنكو هەر ژ دەستپێكێ هوین ل گەل من بوون.»

مزگینیا یوحەننای 19:35

یێ كو ئەڤە دیتی، وی شاهدەیی دایە، (شاهدەییا وی ژی یا دروستە و ئەو دزانیت كو ئەو یێ راستیێ دبێژیت،) دا هوین ژی باوەریێ بینن.

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

رۆما 1:16

ئەز مزگینیێ ب شەرم نابینم، ژ بەر كو ئەو هێزا خودێیە بۆ قورتالبوونێ ژ بۆ هەر كەسێ باوەریێ پێ دئینیت، ل بەراهیێ ژ بۆ یێ جوهی و پاشی ژ بۆ یێ نەجوهی.

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

رۆما 8:36

هەروەكو هاتیە نڤیسین: «رۆژێ هەمیێ ژ پێخەمەتی تە ئەم یێ ل بەر كوشتنێ، وەكو پەزێن سەرژێكرنێ دهێینە هژمارتن.»

رۆما 9:33

هەروەكو هاتیە نڤیسین: «ئەڤە ئەز یێ ل سییۆنێ بەرەكێ هەلنگفتنێ و كەڤرەكێ كەفتنێ ددانم. لێ یێ باوەریێ ب وی بینیت، شەرمزار نابیت.»

1 كورنتۆس 1:6

شاهدەیی دەربارەی مەسیحی وەسا د ناڤ هەوە دا خۆ ج‍‌ھ بوو،

2 كورنتۆس 6:7

د گۆتنا راستیێ دا، د هێزا خودێ دا، ب چەكێن راستداریێ یێن دەستێ راستێ و یێن دەستێ چەپێ،

ئەفەسۆس 3:1

ژ بەر ڤێ چەندێ ئەز، پاولۆس، یێ ژ پێخەمەت هەوە یێن نەجوهی ژ بەر مەسیح عیسای زیندانیمە…

ئەفەسۆس 3:13

لەوما ئەز هیڤی ژ هەوە دكەم كو هوین بێ ئومێد نەبن ژ بەر ئازارێن ئەز بۆ هەوە دكێشم، ئەو بۆ هەوە مەزناهینە.

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 4:17

لەوما ئەز ڤێ دبێژم و ب ناڤێ خودانی دووپات دكەم كو ئێدی هوین وەسا نەژین هەروەكو مللەتێن نەجوهی دژین، هزرێن وان دخرشن.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

فیلیپی 4:13

ئەز دشێم هەمی تشتان بكەم، ب رێكا وی یێ من بهێز دئێخیت.

كۆلۆسی 1:11

ب هەمی هێزا د شیانا مەزناهیا وی دا هەی، بهێز بكەڤن، دا هوین د هەمی تشتان دا د بێهنفرە‍‌ھ و خۆڕاگر بن و ب دلخۆشی سوپاسیا بابی بكەن، ئەوێ هوین هەژی كرین كو هەوە پشك هەبیت د وی میراتی دا یێ كەسێن پیرۆزكری د پاشایەتیا رۆناهیێ دا هەی.

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

1 سالونیكی 3:4

چنكو دەمێ ئەم ل نك هەوە بووین، مە پێشتر دگۆتە هەوە كو ئەم دێ تووشی تەنگاڤیان بین و هەروەكو هوین دزانن وەسا چێبوو.

1 تیمۆتاوس 2:6

ئەوی خۆ وەكو نرخێ ئازادیا هەمی مرۆڤان بەخش كر. ئەڤەیە شاهدەییا د دەمێ وێ یێ گونجای دا هاتیە دان.

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

2 تیمۆتاوس 1:16

بلا خودان دلۆڤانیێ ب مالا ئۆنیسیفورۆسی ببەت، چنكو وی گەلەك جاران بێهنا من فرە‍‌ھ كر و شەرم ب قەیدێن من نەكر،

2 تیمۆتاوس 2:3

وەكو سەربازەكێ باش یێ مەسیح عیسای، پشكداریێ د ئازاركێشانێ دا بكە.

2 تیمۆتاوس 2:8

عیسایێ مەسیح بینە بیرا خۆ، ئەوێ ژ ناڤ مریان هاتیە راكرن و ئەو ژ دویندەها داوودیە، ل گۆر وێ مزگینیا ئەز رادگەهینم،

2 تیمۆتاوس 2:9

ئەوا ژ بەر وێ ئەز ئازارێ دكێشم، تاكو وی رادەی هاتیمە قەیدكرن وەكو تاوانبارەكی. لێ پەیڤا خودێ نەهاتیە قەیدكرن.

2 تیمۆتاوس 4:17

لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.

2 تیمۆتاوس 4:5

لێ تۆ د هەمی تشتان دا یێ هشیار بە، خۆ ل بەر ئازاران بگرە، ب كارێ مزگینیدەری راببە، خزمەتا خۆ تەمام بكە.

1 پەترۆس 1:5

هوین ئەون یێن ب رێكا باوەریێ ژ لایێ هێزا خودێ ڤە دهێنە پاراستن، بۆ وێ قورتالبوونێ كو یا ئامادەیە د دەمێ دویماهیێ دا بهێتە ئاشكراكرن.

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،

ئاشكراكرن 1:2

یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»