2 تیمۆتاوس 1:3 - ئنجیلا پیرۆز

³ ئەز سوپاسیا خودێ دكەم، ئەوێ ئەز ب وژدانەكا پاقژ د پەرێسم، هەروەكو بابكالێن من پەرستی، دەمێ ب شەڤ و رۆژ د نڤێژێن خۆ دا بێی راوەستیان تە دئینمە بیرا خۆ.

2 تیمۆتاوس 1:3 ပူးပေါင်းရင်းမြစ်များ

مزگینیا لوقای 2:37

و هەشتێ و چوار ساڵان بیژن مابوو. ئەوێ پەرستگە‍‌ھ ب ج‍‌ھ نەدهێلا، ب شەڤ و رۆژان پەرستن دكر ب رۆژی گرتنێ و نڤێژان.

كارێن هنارتیان 22:3

«ئەز جوهیمە، ل تەرسۆسا كیلیكیایێ ژ دایك بوویمە، لێ ئەز ل ڤی باژێڕی یێ مەزن بوویم و ل بەر دەستێ گەمالائیلی، ل دویڤ دەستوورێ بابكالێن مە، قاییم یێ پەروەردە بوویم و وەكو هەوە هەمیان ل ئەڤرۆ، بۆ خودێ یێ دلگەرم بووم.

كارێن هنارتیان 23:1

پاولۆسی بەرێ خۆ دا جڤاتێ و گۆت «گەلی برایان، ئەز بۆ خودێ ب وژدانەكا باش تا ڤێ رۆژێ دژیام.»

كارێن هنارتیان 24:14

لێ ئەز بەرامبەری تە دانپێدانێ ب هندێ دكەم، كو ل دویڤ وێ رێبازا ئەو دبێژنێ رێبازا خڕیای، ئەز خودایێ باب و باپیرێن خۆ دپەرێسم و باوەریێ ب وان هەمی تشتان دئینم یێن د دەستووری و نڤیسارێن پێغەمبەران دا هاتین.

كارێن هنارتیان 24:16

ژ بەر ڤێ چەندێ ژی ئەز بزاڤێ دكەم، دا هەردەم من وژدانەكا پاقژ بەرامبەری خودێ و مرۆڤان هەبیت.

كارێن هنارتیان 26:4

هەمی جوهی شێوازێ ژیانا من هەر ژ گەنجاتیێ وەرە دزانن، كا چەوا ئەز ژ دەستپێكێ وەرە، د ناڤ مللەتێ خۆ دا و ل ئورشەلیمێ دژیام،

كارێن هنارتیان 27:23

چنكو شڤێدی فریشتەیەكێ وی خودایێ ئەز یێ ویمە و خزمەتا وی دكەم، ل نك من راوەستیا

رۆما 9:1

مەسیح شاهدە كو ئەز راستیێ دبێژم و درەوان ناكەم و وژدانا من ژی ب رێیا گیانێ پیرۆز شاهدەییێ بۆ ڤێ چەندێ ددەت كو

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

گالاتیا 1:14

د ئایینێ جوهیاتیێ دا ئەز ژ گەلەك مرۆڤێن هەڤتەمەنێن خۆ، د ناڤ مللەتێ خۆ دا، پتر پێشڤە چووبووم و بۆ داب و نەریتێن بابكالێن خۆ، ئەز گەلەك ژ وان خوینگەرمتر بووم.

ئەفەسۆس 1:16

ژ هنگی وەرە ئەز بێ راوەستیان بۆ هەوە سوپاسیا خودێ دكەم. ب بەردەوامی د نڤێژێن خۆ دا هەوە دئینمە بیرا خۆ

1 سالونیكی 3:10

ئەم شەڤ و رۆژ ب گەرمی نڤێژان دكەین، كو ئەم رویێ هەوە ببینین و كێماسیێن باوەریا هەوە تەمام بكەین.

1 تیمۆتاوس 1:19

ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

1 تیمۆتاوس 5:5

بیژنا ب دروستی ئەوە یا بێ سەمیان، ئەوا هیڤیا خۆ ب خودێ ڤە گرێ دای و ب شەڤ و رۆژ ب نڤێژ و هیڤیكرنێ ڤە دمینیت.

2 تیمۆتاوس 1:5

باوەریا تە یا بێ دووڕویاتی دئینمە بیرا خۆ، ئەوا ل بەراهیێ د دلێ داپیرا تە لۆئیسێ دا و د دلێ دایكا تە ئەونیكێ دا ئاكنجی و ئەز یێ پشتڕاستم كو ئەو د دلێ تە ژی دا یا ئاكنجیە.

2 تیمۆتاوس 3:15

هەروەسا تۆ ژ ساڤایەتیێ وەرە ژ نڤیسارێن پیرۆز دزانی، ئەوێن دشێن تە ئاقلدار بكەن، كو تۆ ب رێكا باوەریا ب مەسیح عیسای قورتال ببی.

عیبرانی 13:8

عیسایێ مەسیح، دوهی و ئەڤرۆ و هەتا هەتایێ، وەكو خۆیە.