2 تیمۆتاوس 1:14 - ئنجیلا پیرۆز

¹⁴ وی تشتێ چاك یێ بۆ تە هاتیە سپاردن، ب هاریكاریا گیانێ پیرۆز یێ د مە دا ئاكنجی بپارێزە.

2 تیمۆتاوس 1:14 ပူးပေါင်းရင်းမြစ်များ

مزگینیا لوقای 16:11

ئەڤجا ئەگەر هوین ل سەر مالێ دونیایێ د دەستپاك نەبن، ئەو كیە دێ هەوە ل سەر دەولەمەندیا راستەقینە دانیت؟

مزگینیا یوحەننای 14:17

ئەو ژی گیانێ راستیێیە، یێ كو جیهان نەشێت وی قەبیل بكەت، چنكو جیهان نە وی دبینیت، نە ژی دنیاسیت. لێ هوین وی دنیاسن، چنكو ل گەل هەوە یێ بنەجهە و دێ د ناڤ هەوە دا بیت.

رۆما 3:2

ژ هەمی لایان ڤە گەلەكە، یا ئێكێ خودێ ئەو كرنە ئەمیندارێن پەیڤێن خۆ.

رۆما 8:11

ئەگەر گیانێ وی یێ عیسا ژ ناڤ مریان راكری، د هەوە دا یێ ئاكنجیە، ئەوێ كو مەسیح ژ ناڤ مریان راكری، دێ ب گیانێ خۆ یێ د هەوە دا ئاكنجی، لەشێن هەوە یێن مربار ژی ڤەژینیت.

رۆما 8:13

چنكو ئەگەر هوین ل دویڤ لەشی بژین، دێ مرن، لێ ئەگەر هوین ب گیانێ پیرۆز كریارێن لەشی بمرینن، هوین دێ ژین.

رۆما 8:9

لێ هوین ل دویڤ لەشی ناژین، هوین ل دویڤ گیانێ پیرۆز دژین، ئەگەر ب راستی گیانێ خودێ د هەوە دا یێ ئاكنجی بیت. هەر كەسێ گیانێ مەسیحی تێدا نەبیت، ئەو نە یێ ویە،

1 كورنتۆس 3:16

ما هوین نزانن، كو هوین پەرستگەها خودێنە و گیانێ خودێ د هەوە دا یێ ئاكنجیە؟

1 كورنتۆس 6:19

یان ژی ما هوین نزانن كو لەشێ هەوە پەرستگەها گیانێ پیرۆزە، ئەوێ كو د ناڤ هەوە دایە، ئەوێ هەوە ژ خودێ وەرگرتی؟ هوین نە یێن خۆنە،

1 كورنتۆس 9:17

و ئەگەر من ئەڤ چەندە ب حەزا خۆ كربا، دا من خەلات هەبیت، لێ ئەگەر نە ب حەزا خۆ دكەم، ئەڤە بریكاری ب من هاتیە دان.

2 كورنتۆس 5:16

ژ نوكە و پێڤە ئەم ب دیتنەكا مرۆڤكانی ل كەسێ نانێڕین. هەر چەندە مە ب دیتنەكا مرۆڤكانی ل مەسیحی نێڕیە، لێ ئێدی ئەم وەسا ل وی نانێڕین.

گالاتیا 2:7

لێ بەروڤاژی ڤێ چەندێ، ئەو وەسا تێگەهشتن كو بەرپرسیاری بۆ من یا هاتیە دان، دا ئەز مزگینیێ بدەمە ئەوێن سونەتنەكری، هەروەكو بۆ پەترۆسی هاتیە دان كو مزگینیێ بدەتە ئەوێن سونەتكری.

ئەفەسۆس 2:22

ب وی هوین ژی پێكڤە دهێنە ئاڤاكرن، دا ببنە خانیەك كو خودێ ب رێكا گیانێ خۆ تێدا ئاكنجی ببیت.

ئەفەسۆس 5:18

ب شەرابێ سەرخۆش نەبن، چنكو سەربەردان یا تێدا، لێ ب گیانێ پیرۆز پڕ ببن.

كۆلۆسی 4:11

عیسا ژی ئەوێ دبێژنێ یوستۆس سڵاڤان ل هەوە دكەت. د ناڤ ئەوێن ل گەل من بۆ پاشایەتیا خودێ كار دكەن، ب تنێ ئەو ژ سونەتكریانە و ئەو یێن بووینە هاندەرێن من.

1 سالونیكی 5:19

گیانێ پیرۆز نەڤەمرینن.

1 تیمۆتاوس 1:11

فێركرنا ساخلەم ئەوە یا گونجای ل گەل وێ مزگینیێ یا بۆ من هاتیە سپاردن، مزگینیا ب روومەت یا خودایێ پیرۆز.

1 تیمۆتاوس 6:20

هەی تیمۆتاوس! ئەو تشتێ ب تە هاتیە راسپاردن بپارێزە، خۆ ژ پڕبێژیێن نەپیرۆز و هەڤدژیێن ناڤێ ‹زانین› ب درەو ل سەر هاتینە دانان، دویر بئێخە،

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

2 تیمۆتاوس 2:2

و ئەو تشتێن ب ئامادەبوونا گەلەك شاهدان تە ژ من بهیستین، ب كەسێن دلسۆز راسپێرە، كو بشێن هندەكێن دی ژی فێر بكەن.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.