2 تیمۆتاوس 1:10 - ئنجیلا پیرۆز

¹⁰ و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

2 تیمۆتاوس 1:10 ပူးပေါင်းရင်းမြစ်များ

مزگینیا لوقای 11:36

ئەگەر لەشێ تە هەمی رۆناهی بیت و چ رەخێن تاری لێ نەبن، دێ هەمی لەش رۆناهی بیت، هەروەكو دەمێ چرایەك ب شەوقا خۆ تە روهن دكەت.»

مزگینیا لوقای 13:7

گۆتە رەزڤانی: ‹ئەڤە سێ ساڵە ئەز دهێمە ڤێرێ دا بەرهەمێ ڤێ هژیرێ ببینم، لێ ئەز چ بەرهەمێ وێ نابینم. ئەڤجا ببڕە! ما دێ بۆچی ئەردێ مە گریت؟›

مزگینیا لوقای 2:11

ئەڤرۆ ل باژێڕێ داوودی قورتالكەرەك بۆ هەوە یێ ژ دایك بووی، ئەو ژی مەسیحێ خودانە.

مزگینیا یوحەننای 1:9

رۆناهیا راستەقینە، ئەوا هەمی مرۆڤان روهن دكەت، دهاتە جیهانێ.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 20:31

لێ ئەڤە هاتنە نڤیسین دا هوین باوەریێ بینن كو عیسایە مەسیحێ كوڕێ خودێ و هەوە ب رێكا وێ باوەریێ ژیان ب ناڤێ وی هەبیت.

مزگینیا یوحەننای 4:42

و گۆتنە ژنكێ: «ئێدی نە ژ بەر ئاخفتنا تە، ئەم باوەریێ دئینین، لێ چنكو مە ب خۆ بهیست و ئەم دزانین كو ب راستی ئەڤە قورتالكەرێ جیهانێیە.»

مزگینیا یوحەننای 5:40

لێ هەوە نەڤێت بهێنە نك من، كو هەوە ژیان هەبیت.

كارێن هنارتیان 13:23

ژ دویندەها وی، خودێ ل گۆر سۆزا خۆ، قورتالكەرەك بۆ ئیسرائیلیان ئینا، ئەو ژی عیسایە.

كارێن هنارتیان 5:31

لێ خودێ ل دەستێ خۆ یێ راستێ دانا و كرە سەرۆك و قورتالكەر، دا ئیسرائیلیان ژ گونەهێن وان ڤەگەڕینیت و لێ ببوریت

رۆما 16:26

لێ نوكە ل دویڤ فەرمانا خودایێ هەروهەر هەی، ب رێكا نڤیسارێن پێغەمبەران، ئاشكرا بوو، دا هەمی مللەت باوەریێ پێ بینن و گوهداریا وی بكەن،

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

رۆما 3:31

ئەگەر هۆسا بیت، ما ئەم ب باوەریێ دەستووری ژ كار دئێخین؟ حاشا! لێ ئەم دەستووری دسەلمینین.

رۆما 6:6

ئەم دزانین ئەو مرۆڤێ كەڤن، كو ئەم بووین ل دەمێ بەرێ، ل گەل وی هاتە خاچدان، دا لەشێ مە یێ گونەهكار ژ كار بكەڤیت و ئێدی بەنیاتیێ بۆ گونەهێ نەكەین.

1 كورنتۆس 15:26

دوژمنێ دویماهیێ یێ كو دهێتە ژناڤبرن، مرنە.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

2 كورنتۆس 5:4

هندی ئەم د بن ڤێ خیڤەتێ ڤە بین، دێ ژ بارگرانی نالینین. نەكو مە دڤێت ئەم ژ بەر خۆ بكەین، لێ مە دڤێت د سەر دا ل بەر مە بیت، دا تشتێ مربار ژ لایێ ژیانێ ڤە بهێتە داعویران.

گالاتیا 5:4

هەی ئەوێن هەوە دڤێت ب رێكا دەستووری راستدار دەركەڤن، هوین ژ مەسیحی ڤەقەتیان و ژ كەرەمێ كەفتن.

ئەفەسۆس 1:18

بلا چاڤێن زێهنێ هەوە ڤەكەت، دا بزانن كا ئەو هیڤیا هوین بۆ وێ هاتینە گازیكرن چ تشتە و كا میراتێ وی چەند یێ مەزن و دەولەمەندە بۆ پیرۆزكریان

ئەفەسۆس 1:9

وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

2 سالونیكی 2:8

هنگی دێ یێ یاسانەنیاس دیار بیت، ئەوێ دێ خودان عیسا ب پفا دەڤێ خۆ وی كوژیت و دێ ب شەوقا هاتنا خۆ وی ب دویماهی ئینیت.

2 تیمۆتاوس 1:1

ژ من، پاولۆس، هنارتیێ مەسیح عیسای ب حەزا خودێ، ژ پێخەمەت وێ سۆزا ژیانێ ئەوا د ئێكبوونا ل گەل مەسیح عیسای دا هەی.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

2 تیمۆتاوس 4:1

ئەڤجا ئەز ل بەرامبەر خودێ و مەسیح عیسای، ئەوێ دێ دادكرنا مری و زیندیان كەت و ژ بەر دیاربوونا وی و پاشایەتیا وی، فەرمانێ ل تە دكەم:

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

تیتۆس 2:11

چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

تیتۆس 3:4

لێ دەمێ دلنازكی و چاكیا قورتالكەرێ مە خودێ دیار بووین،

عیبرانی 10:32

رۆژێن بەرێ بیننە بیرا خۆ، پشتی هوین هاتینە رۆناهیكرن، دەمێ هەوە خۆ ل بەر هەڤڕكیەكا دژوار یا پڕی ئازار گرتی.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 1:11

ب ڤی شێوەی دەرگە‍‌ھ دێ ب فرەهی ل بەر هەوە ڤەبیت دا هوین ژۆر بكەڤنە پاشایەتیا هەروهەر یا خودان و قورتالكەرێ مە عیسایێ مەسیح.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 2:20

ئەگەر ئەو ب نیاسینا خودان و قورتالكەرێ مە عیسایێ مەسیح ژ هەڕماتیێن جیهانێ رزگار ببن و پشتی هنگی كەفتبنە د تەڤنێ وان دا و بندەست ببنەڤە، ئەڤە دویماهیا وان ژ دەستپێكا وان كمباخترە.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

2 پەترۆس 3:2

دا بیرا هەوە بهێتە پەیڤێن پێغەمبەرێن پیرۆز و فەرمانێن خودان و قورتالكەری یێن هنارتیێن هەوە هوین پێ ئاگەهدار كرین.

1 یوحەننا 1:2

ژیان دیار بوو، مە ئەو دیتیە و شاهدەییێ بۆ ددەین و وێ ژیانا هەتا هەتایی بۆ هەوە رادگەهینین، ئەوا ل گەل بابی بوو و بۆ مە دیار بووی.

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.

ئاشكراكرن 18:1

پشتی ڤان تشتان، من فریشتەیەكێ دی دیت، ژ ئەسمانی هاتە خوارێ. وی دەستهەلاتەكا مەزن هەبوو و ئەرد ژ بەر مەزناهیا وی روهن بوو.

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 20:14

پشتی هنگی مرن و وارێ مریان بۆ دەریاكا ئاگری هاتنە هاڤێتن. ئەڤ دەریاكا ئاگری مرنا دوویێیە.

ئاشكراكرن 22:14

خوزیكێن وان یێن جلكێن خۆ دشوون، دا وان ماف هەبیت ژ دارا ژیانێ بخۆن و د دەرگەهان را بچنە د باژێڕی ڤە.

ئاشكراكرن 22:17

گیانێ پیرۆز و بویك دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.