2 تیمۆتاوس 1:1 - ئنجیلا پیرۆز

¹ ژ من، پاولۆس، هنارتیێ مەسیح عیسای ب حەزا خودێ، ژ پێخەمەت وێ سۆزا ژیانێ ئەوا د ئێكبوونا ل گەل مەسیح عیسای دا هەی.

2 تیمۆتاوس 1:1 ပူးပေါင်းရင်းမြစ်များ

مزگینیا یوحەننای 10:28

ئەز ژیانا هەروهەر ددەمێ و ئەو قەت ژ ناڤ ناچن، كەس ژی وان ژ دەستێ من دەرنائێخیت.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 5:24

ب راستی ب راستی دبێژمە هەوە: هەر كەسێ گو‍‌ھ بدەتە پەیڤا من و باوەریێ ب وی بینیت یێ ئەز هنارتیم، وی ژیانا هەروهەر یا هەی. ئەو ناهێتە گونەهباركرن، لێ ئەو ژ مرنێ دەربازی ژیانێ بوویە.

مزگینیا یوحەننای 6:40

چنكو حەزا بابێ من ئەوە، كو هەر كەسێ كوڕی ببینیت و باوەریێ پێ بینیت، دێ ژیانا هەروهەر بۆ وی بیت و ل رۆژا دویماهیێ ئەز دێ وی ژ مرنێ راكەم.»

مزگینیا یوحەننای 6:54

ئەوێ لەشێ من بخۆت و خوینا من ڤەخۆت، وی ژیانا هەروهەر هەیە و ئەز دێ وی ل رۆژا دویماهیێ ژ مرنێ راكەم.

رۆما 1:1

ژ من، پاولۆس، بەنیێ مەسیح عیسای، ئەوێ هاتیە گازیكرن دا ببیتە هنارتی و بۆ مزگینیا خودێ هاتیە تەرخانكرن،

رۆما 5:21

داكو، كا چەوا گونەهێ ب مرنێ دەستهەلاتی كر، هۆسا كەرەم ژی ب رێیا راستداریێ دەستهەلاتێ بكەت و ب رێیا خودانێ مە عیسایێ مەسیح، مە ببەتە ژیانا هەروهەر.

رۆما 6:23

چنكو كرێیا گونەهێ مرنە، لێ دیاریا خودێ، ژ دەولەتسەرێ خودانێ مە مەسیح عیسای، ژیانا هەروهەرە.

1 كورنتۆس 1:1

ژ من، پاولۆس، یێ كو خودێ ب حەزا خۆ گازی كری، دا ببیتە هنارتیێ مەسیح عیسای، ژ برایێ مە سوستانیسی ژی،

2 كورنتۆس 1:1

ژ من، پاولۆس، هنارتیێ مەسیح عیسای ب حەزا خودێ، ژ برایێ مە تیمۆتاوسی ژی، بۆ جڤاكا گازیكریێن خودێ ل كورنتۆسێ و بۆ هەمی پیرۆزكریێن ل سەرانسەری ئەخایایێ:

2 كورنتۆس 1:20

چنكو ب وی هەمی سۆزێن خودێ «بەلێ»نە، لەوما ئەم ب رێكا وی دبێژین «ئامین» بۆ مەزناهیا خودێ.

گالاتیا 3:26

د ئێكبوونا ل گەل مەسیح عیسای دا، هوین هەمی ب رێكا باوەریێ كوڕێن خودێنە،

گالاتیا 3:28

ئێدی چ جوداهی د ناڤبەرا جوهیەكی و یونانیەكی، یان بەنیەكی و ئازادەكی، یان نێرەكی و مێیەكێ دا نینە، چنكو هوین هەمی د ئێكبوونا ل گەل مەسیح عیسای دا ئێكن،

ئەفەسۆس 3:6

نهێنی ژی ئەڤەیە، كو مللەتێن نەجوهی ب رێیا مزگینیێ، د ئێكبوونا ل گەل مەسیح عیسای دا، ل گەل جوهیان هەڤمیراتن و هەڤلەشن و هەڤپشكێن سۆزێنە.

1 تیمۆتاوس 6:19

هۆسا دێ بۆ خۆ گەنجینەیەكێ عومبار كەن كو بۆ پاشەڕۆژێ بنیاتەكێ باش بیت، دا ژیانا راستەقینە ب دەست خۆ ڤە بینن.

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

2 تیمۆتاوس 1:13

وان پەیڤێن ساخلەم یێن تە ژ من بهیستین بۆ خۆ بكە نموونە، وێ چەندێ ب رێكا باوەریێ و وێ حەزژێكرنێ یا مە د ئێكبوونا ل گەل مەسیح عیسای دا هەی، بكە.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

2 تیمۆتاوس 2:1

ئەڤجا كوڕێ من، ب وێ كەرەما د مەسیح عیسای دا، یێ بهێز بە

2 تیمۆتاوس 2:10

لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

2 تیمۆتاوس 2:3

وەكو سەربازەكێ باش یێ مەسیح عیسای، پشكداریێ د ئازاركێشانێ دا بكە.

2 تیمۆتاوس 3:15

هەروەسا تۆ ژ ساڤایەتیێ وەرە ژ نڤیسارێن پیرۆز دزانی، ئەوێن دشێن تە ئاقلدار بكەن، كو تۆ ب رێكا باوەریا ب مەسیح عیسای قورتال ببی.

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

تیتۆس 1:4

بۆ تیتۆسی، كوڕێ من یێ راستەقینە د باوەریا مە یا هەڤپشك دا: كەرەم و ئاشتی ژ خودایێ باب و ژ قورتالكەرێ مە مەسیح عیسای ل سەر تە بن.

عیبرانی 9:15

ژ بەر ڤێ چەندێ ئەو ناڤبەینكارێ پەیمانەكا نویە، داكو یێن گازیكری میراتێ هەتا هەتایی یێ سۆز پێ هاتیە دان وەرگرن، چنكو مرنەكێ روی دا، ئەو ژ گونەهێن د پەیمانا پێشین دا هاتینە كرن رزگار كرن.

1 یوحەننا 2:25

ئەڤەیە ئەو سۆزا وی ب خۆ دایە مە، ئەو ژی ژیانا هەتا هەتاییە.