2 سالونیكی 3:14 - ئنجیلا پیرۆز

¹⁴ ئەگەر ئێك گوهداریا گۆتنێن مە یێن د ڤێ نامەیێ دا نەكەت، وی دەستنیشان بكەن و تێكهەلیێ ل گەل نەكەن، دا شەرمێ ژ خۆ بكەت.

2 سالونیكی 3:14 ပူးပေါင်းရင်းမြစ်များ

مزگینیا مەتتای 18:17

ئەگەر گوهێ خۆ نەدا وان، تۆ بێژە جڤاكا باوەرداران و ئەگەر گوهێ خۆ نەدا جڤاتێ ژی، بلا ئەو ل نك تە وەكو ئێكێ پووتپەرێس یان باجگر بیت.

رۆما 16:17

ئەڤجا، گەلی خویشك و برایان، ئەز هیڤی ژ هەوە دكەم كو هوین هشیاری وان مرۆڤان بن، یێن بەروڤاژی وێ فێركرنا هەوە وەرگرتی، ناكۆكی و هەلنگفتنێ دروست دكەن. خۆ ژ وان دویر بئێخن.

1 كورنتۆس 4:14

ئەز ڤان تشتان نانڤیسم دا هەوە شەرمزار بكەم، لێ دا وەكو زاڕۆكێن خۆ یێن خۆشتڤی، هەوە ئاگەهدار بكەم.

1 كورنتۆس 5:11

لێ من بۆ هەوە نڤیسی كو ئەگەر كەسەك وەكو برا دهێتە نیاسین، لێ دەهمەنپیسە، یان چاڤبرسیە، یان پووتپەرێسە، یان ئەزمانڕەشە، یان سەرخۆشە یان تالانكەرە، تێكهەلیا وی نەكەن، خۆ خوارنێ ژی ل گەل ئێكێ هۆسا نەخۆن.

1 كورنتۆس 5:9

من د نامەیا خۆ دا بۆ هەوە نڤیسی بوو، كو هوین تێكهەلیا دەهمەنپیسان نەكەن،

2 كورنتۆس 10:6

و پشتی هوین گوهداریا خۆ تەمام بكەن، ئەم د ئامادەینە هەر كریارەكا نەگوهداریێ سزا بدەین.

2 كورنتۆس 2:9

ئارمانجا من ژ نڤیسینێ ئەو بوو كو ئەز هەوە تاقی بكەم و بزانم كا هوین د هەمی تشتان دا گوهداریا من دكەن یان نە.

2 كورنتۆس 7:15

حەزژێكرنا وی بۆ هەوە هێشتا زێدەتر لێ دهێت، هەر دەمێ بیرئینانا گوهداریا هەوە دكەت، كا چەوا هەوە ئەو ب ترس و لەرز قەبیل كر.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

كۆلۆسی 4:16

پشتی ئەڤ نامەیە د ناڤ هەوە دا دهێتە خواندن، وە بكەن كو ل جڤاكا باوەردارێن لاودیكیایێ ژی بهێتە خواندن، هەروەسا نامەیا ژ لاودیكیایێ ژی، هوین بخوینن.

1 سالونیكی 4:8

ئەڤجا یێ ڤێ چەندێ رەت بكەت، ئەو مرۆڤەكی رەت ناكەت، لێ خودایێ كو گیانێ خۆ یێ پیرۆز ددەتە هەوە، رەت دكەت.

2 سالونیكی 3:6

ئەڤجا گەلی خویشك و برایان، ئەم ب ناڤێ خودانێ خۆ عیسایێ مەسیح فەرمانێ ل هەوە دكەین، كو هوین خۆ دویر بئێخن ژ هەمی برایێن ب تەمبەلی دژین و ل دویڤ وێ فێركرنێ ناژین یا وان ژ مە وەرگرتی.

تیتۆس 2:8

ئاخفتنێن ساخلەم و گازندە ل سەر نەبن ب كار بینە، دا هەر ئێكێ بەرهنگاریێ بكەت شەرمزار ببیت، چنكو ئەوی تشتەكێ خراب نینە ل دژی مە بێژیت.

تیتۆس 3:10

ئەوێ دووبەرەكیێ دكەت، جارەكێ و دوو جاران ئاگەهدار بكە، پشتی هنگی خۆ ژێ دویر بئێخە.

فلیمون 1:21

ئەز ژ گوهداریا تە یێ پشتڕاستم، لەوما من بۆ تە نڤیسی، دزانم كو تۆ دێ پتر ژ وێ كەی یا ئەز دبێژم.

عیبرانی 13:17

گوهداریا رێبەرێن خۆ بكەن و ملكەچی وان بن، چنكو ئەو وەكو ئێكێ دێ حساب ل گەل هێتە كرن چاڤدێریێ ل گیانێ هەوە دكەن. هوین وێ چەندێ بكەن، دا ئەو ب كەیفخۆشی ب كارێ خۆ راببن، نە ب بێزاری، چنكو ئەگەر هوین وان بێزار بكەن، بۆ هەوە یا بێ مفایە.

2 یوحەننا 1:10

ئەگەر ئێك بهێتە نك هەوە و وێ فێركرنێ نەئینیت، د مالێن خۆ دا نەحەوینن و سڵاڤ نەكەنێ،