2 سالونیكی 2:16 - ئنجیلا پیرۆز

¹⁶ بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

2 سالونیكی 2:16 ပူးပေါင်းရင်းမြစ်များ

مزگینیا لوقای 16:25

لێ ئیبراهیمی گۆت: ‹كوڕێ من، بینە بیرا خۆ كو تە خۆشیێن خۆ د ژیانا خۆ دا وەرگرتن و لەعازەری ژی نەخۆشی كێشان، لێ ڤێ گاڤێ ئەو ل ڤێرێ یێ دهێتە دلخۆش كرن و تۆ یێ ئازاران دكێشی.

مزگینیا یوحەننای 13:1

بەری جەژنا دەربازبوونێ، عیسای دزانی كو دەمێ وی هات دا ژ ڤێ جیهانێ بار كەت و بچیتە نك بابی. ئەوی كو حەز ژ كەسێن خۆ یێن ل ڤێ جیهانێ كربوو، ب تەمامی حەز ژ وان كر.

مزگینیا یوحەننای 15:13

كەسێ حەزژێكرنەكا ژ ڤێ مەزنتر نینە، كو ئێك ژیانا خۆ گۆری خۆشتڤیێن خۆ بكەت.

مزگینیا یوحەننای 15:9

كا چەوا بابی حەز ژ من كر، من ژی وەسا حەز ژ هەوە كر. ئەڤجا د ناڤ حەزژێكرنا من دا بنەج‍‌ھ ببن.

مزگینیا یوحەننای 16:22

هوین ژی وەسا، نوكە د خەمگینن، لێ ئەز دێ هەوە بینمەڤە و دلێ هەوە دێ شاد بیت و كەس وێ شادیێ ژ هەوە ناستینیت.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 4:14

لێ ئەوێ ژ وێ ئاڤا ئەز ددەمێ ڤەخۆت، ئەو چ جاران تێهنی نابیت. ئەو ئاڤا ئەز ددەمێ، د وی دا دێ بیتە كانیەكا ئاڤێ، كو بزێت و ژیانا هەروهەر بدەت.»

كارێن هنارتیان 15:11

لێ مە باوەری هەیە، كو ئەم و ئەو ژی، دێ ب كەرەما خودان عیسای قورتال بین.»

كارێن هنارتیان 18:27

دەمێ وی بڕیار دای بچیتە هەرێما ئەخایایێ، برایان ئەو هاندا و نامەیەك بۆ وی نڤیسی، دا شاگرد وی وەرگرن. دەمێ گەهشتیە وێرێ، هاریكاریەكا مەزن بۆ وان كر، یێن ب رێكا كەرەمێ باوەری ئیناین،

رۆما 1:7

بۆ هەمی خۆشتڤیێن خودێ یێن ل رۆمایێ، ئەوێن هاتینە گازیكرن دا ببنە پیرۆزكریێن خودێ: كەرەم و ئاشتی ژ بابێ مە خودێ و خودان عیسایێ مەسیح ل سەر هەوە بن.

رۆما 4:16

ژ بەر ڤێ چەندێ سۆز گرێدای باوەریێیە، دا ل دویڤ كەرەمێ بیت و ژ بۆ هەمی دویندەها ئیبراهیمی یا مسۆگەر بیت. نە ب تنێ ژ بۆ وان یێن ل دویڤ دەستووری دچن، لێ ژ بۆ وان ژی یێن باوەریا وان وەكو باوەریا ئیبراهیمی، ئەوێ كو بابێ مە هەمیانە.

رۆما 4:4

ئەوێ كار دكەت، كرێیا وی نە وەكو دیاری، لێ وەكو ماف دهێتە هژمارتن.

رۆما 5:8

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

ئەفەسۆس 5:25

گەلی مێران، هەر ئێك ژ هەوە حەز ژ ژنا خۆ بكەت، كا چەوا مەسیحی حەز ژ جڤاكێ كر و خۆ گۆری وێ كر،

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

1 سالونیكی 3:11

بلا بابێ مە خودێ ب خۆ و خودانێ مە عیسا بەرێ رێكا مە بدەتە هەوە.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 7:19

چنكو دەستووری تشتەك كامل نەكر. ل لایێ دی، ئومێدەكا هێشتا باشتر پەیدا بوو، كو ب رێكا وێ نێزیكی خودێ دبین.

1 یوحەننا 3:16

ئەم ب ڤێ چەندێ حەزژێكرنێ دزانین: عیسای ژیانا خۆ ژ پێخەمەت مە دانا. ئەڤجا پێدڤیە ئەم ژی ژیانا خۆ ژ پێخەمەت خویشك و برایان بدانین.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 22:5

ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.

ئاشكراكرن 3:9

ئەڤە ئەز دێ وە ل وان كەم یێن ژ كنیشتەیا ئبلیسی، ئەوێن دبێژن ئەم جوهینە، لێ نە وەسایە، ئەو درەوان دكەن، ئەڤە ئەز دێ وە لێ كەم كو بهێن و ل بەر پێیێن تە سوجدێ ببەن و بزانن كو من یێ حەز ژ تە كری.