2 سالونیكی 2:10 - ئنجیلا پیرۆز

¹⁰ هەروەسا ل گەل هەر جۆرەكێ خرابیێ بۆ خاپاندنا یێن ژ ناڤ دچن، چنكو وان حەزژێكرنا راستیێ رەتكر، ئەوا دا وان قورتال كەت.

2 سالونیكی 2:10 ပူးပေါင်းရင်းမြစ်များ

مزگینیا مەتتای 13:11

وی بەرسڤا وان دا و گۆت: «تێگەهشتنا نهێنیێن پاشایەتیا ئەسمانان بۆ هەوە یا هاتیە دان، لێ بۆ وان نەهاتیە دان،

مزگینیا یوحەننای 3:17

خودێ كوڕێ خۆ نەهنارتیە جیهانێ، دا جیهانێ گونەهبار بكەت، لێ دا جیهانێ ب وی قورتال بكەت.

مزگینیا یوحەننای 5:34

من هەوجەیی ب شاهدەییا مرۆڤان نینە، لێ ئەز ڤان تشتان دبێژم دا هوین قورتال ببن.

رۆما 10:1

گەلی خویشك و برایان، حەزا دلێ من و هیڤیا من ژ خودێ ژ پێخەمەت ئیسرائیلیان، قورتالبوونا وانە.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

رۆما 6:17

لێ سوپاس بۆ خودێ كو هەر چەندە هوین بەنیێن گونەهێ بوون، لێ هەوە ژ هەمی دلێ خۆ گوهداریا وێ فێركرنێ كر، ئەوا هەوە وەرگرتی.

1 كورنتۆس 1:18

راستە، پەیام دەربارەی خاچێ بۆ وان یێن ژ ناڤ دچن بێئاقلیە، لێ بۆ مە یێن دهێینە قورتالكرن، ئەو هێزا خودێیە.

1 كورنتۆس 16:22

ئەگەر ئێك حەز ژ خودانی نەكەت، نفرین ل وی بن. ماراناتا!

2 كورنتۆس 11:13

چنكو كەسێن وەسا هنارتیێن سەختەنە، پالەیێن خاپینۆكن، وێنەیێ خۆ دگوهۆڕن كو وەكو هنارتیێن مەسیحی لێ بهێن.

2 كورنتۆس 11:15

ئەڤجا نە تشتەكێ مەزنە كو خزمەتكارێن وی ژی وێنەیێ خۆ بگوهۆڕن كو وەكو خزمەتكارێن راستداریێ لێ بهێن. دویماهیا وان دێ ل دویڤ كریارێن وان بیت.

2 كورنتۆس 2:15

چنكو ئەم بێهنا مەسیحی یا خۆشین بۆ خودێ، د ناڤ وان دا یێن قورتال دبن و د ناڤ وان دا یێن ژ ناڤ دچن.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

1 سالونیكی 2:16

ئەو رێ نادەن كو ل گەل مللەتێن دی بئاخڤین دا قورتال ببن. ب ڤێ چەندێ ژی ئەو وەكو هەر جار چانتكێ خۆ یێ گونەهان تژی دكەن و ل دویماهیێ تۆڕەبوونا خودێ هاتە سەر وان.

2 سالونیكی 2:12

داكو ئەو هەمیێن باوەری ب راستیێ نەئینای، لێ كەیفا وان ب خرابیێ هاتی، بهێنە دادكرن.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

1 تیمۆتاوس 2:4

ئەوی دڤێت هەمی مرۆڤ قورتال ببن و بگەهنە زانینا راستیێ.

عیبرانی 3:13

لێ هەر رۆژ ئێكودوو هان بدەن، هندی ناڤێ ‹ئەڤرۆ› ل سەر بیت، دا ژ بەر فێلبازیا گونەهێ كەس ژ هەوە سەرهشك نەبیت.

2 پەترۆس 2:12

لێ ئەو كەس وەكو گیانەوەرێن بێ مەژینە، یێن ب خۆرسكێ دهێنە بڕێڤەبرن، ژ بۆ نێچیركرنێ و كوشتنێ چێبووینە، دەربارەی تشتێن وان پێزانین ل سەر نەی كوفریان دكەن، ئەڤجا ئەو دێ وەكو وان گیانەوەران ژ ناڤ چن

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.