2 سالونیكی 1:8 - ئنجیلا پیرۆز

⁸ و ئەو د ئاگرەكێ ب گوڕی دا تۆلێ ژ وان ڤەكەت یێن خودێ نانیاسن و گوهداریا مزگینیا خودانێ مە عیسای ناكەن.

2 سالونیكی 1:8 ပူးပေါင်းရင်းမြစ်များ

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەتتای 25:46

ئەڤجا ئەڤێن هەنێ دێ چنە سزایێ هەروهەر، لێ یێن راستدار دێ چنە ژیانا هەروهەر.»

مزگینیا یوحەننای 3:19

گونەهباركرن ژی ل سەر وی بنەمایە كو رۆناهی هاتە جیهانێ، لێ مرۆڤان ل شوینا رۆناهیێ حەز ژ تاریاتیێ كر، چنكو كارێن وان د خراب بوون.

مزگینیا یوحەننای 8:19

ئینا وان پرسیار ژێ كر: «كا بابێ تە؟» عیسای بەرسڤ دا: «هوین نە من دنیاسن، نە ژی بابێ من دنیاسن. ئەگەر هەوە ئەز نیاسیبام، دا بابێ من ژی نیاسن.»

كارێن هنارتیان 6:7

ئینا پەیڤا خودێ پتر بەڵاڤ دبوو و ژمارەیا شاگردان ل ئورشەلیمێ گەلەك زێدە دبوو، هەروەسا گەلەك ژ كاهنان ملكەچی باوەریێ بوون.

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

رۆما 1:5

ب وی مە كەرەم و هنارتیاتی وەرگرت، داكو ئەم سەخمەراتی ناڤێ وی گازی هەمی مللەتان بكەین كو باوەریێ پێ بینن و گوهداریا وی بكەن.

رۆما 10:16

لێ هەمیان گوهداریا مزگینیێ نەكر، چنكو ئیشایا دبێژیت: «خودان، كێ باوەر ژ پەیاما مە كر؟»

رۆما 15:18

چنكو ئەز نەوێرم ل سەر تشتەكی بئاخڤم، ژبلی ئەوێن مەسیحی ب رێیا من ئەنجام داین، ژ بۆ بدەستڤەئینانا گوهداریا نەجوهیان بۆ خودێ، ب گۆتن و كریار،

رۆما 16:26

لێ نوكە ل دویڤ فەرمانا خودایێ هەروهەر هەی، ب رێكا نڤیسارێن پێغەمبەران، ئاشكرا بوو، دا هەمی مللەت باوەریێ پێ بینن و گوهداریا وی بكەن،

رۆما 6:16

ما هوین نزانن كو ئەوێ هوین ژ بۆ بەنیاتیێ خۆ ب دەست وی ڤە بەرددەن و گوهداریا وی دكەن، دبنە بەنیێن وی یێ هوین گوهداریا وی دكەن؟ یان بەنیێن گونەهێ كو مرۆڤی بەرەڤ مرنێ دبەت، یان ژی بەنیێن گوهداریێ كو مرۆڤی بەرەڤ راستداریێ دبەت.

1 كورنتۆس 15:34

وەرنە سەر هشێ خۆ یێ دروست و ئێدی گونەهێ نەكەن، چنكو دەربارەی خودێ هندەك ژ هەوە د نەزانن. ئەز ڤێ دبێژم دا هوین شەرم ژ خۆ بكەن.

2 كورنتۆس 10:5

هەر بیردۆزەك و هەر بیرۆكەكا دفنبلند یا سەرێ خۆ ل بەر زانینا خودێ رادكەت، ئەم وێ دهەلوەشینین و هەمی هزران دكەینە دیلێن گوهداریا مەسیحی

گالاتیا 3:1

گەلی گالاتیایی یێن بێئاقل، كێ سەرێ هەوە تژی كریە؟ چنكو مرنا عیسایێ مەسیح بۆ هەوە هند ب زەڵالی هاتیە راگەهاندن، هەروەكو هەوە ب چاڤێن خۆ دیتبیت كو ئەو یێ ل خاچێ دای.

گالاتیا 4:8

بەری هنگی، دەمێ هەوە خودێ نەدنیاسی، هەوە بۆ یێن كو ب راستی نە خودێ بوون، بەنیاتی دكر،

1 سالونیكی 4:5

نە د حەز و ئارەزوویێن لەشی دا وەكو مللەتێن خودێنەنیاس.

عیبرانی 10:27

لێ ب تنێ چاڤەڕێكرنەكا ب ترس یا هەی ژ بەر دادكرنێ و ئاگرەكێ دژوار كو دێ دوژمنێن خودێ داعویریت.

عیبرانی 10:30

چنكو ئەم وی دنیاسین یێ گۆتی: «یا منە تۆلڤەكرن، ئەز دێ سزایێ دروست دەم.» هەروەسا گۆتیە: «خودان دێ گەلێ خۆ داد كەت.»

عیبرانی 11:8

ب باوەریێ ئیبراهیمی گوهداری كر، دەمێ هاتیە گازیكرن كو دەركەڤیتە وی جهی یێ ل بەر بوو ب میرات وەرگریت، ئەو دەركەفت و نەدزانی بۆ كیڤە دچیت.

عیبرانی 12:29

چنكو «خودایێ مە ئاگرەكێ خۆرەكە.»

عیبرانی 2:3

ئەگەر ئەم قورتالبوونەكا هندە مەزن پشت گو‍‌ھ ڤە بهاڤێژین، دێ مە چ رێكا رەڤێ هەبیت؟ ئەڤ قورتالبوونە ل دەستپێكێ ب رێكا خودانی هاتیە راگەهاندن، پاشی ژ لایێ وان ڤە یێن بهیستی بۆ مە هاتیە سەلماندن،

عیبرانی 5:9

دەمێ ب ڤێ رێكێ هاتیە كاملكرن، بۆ هەمی یێن گوهداریا وی دكەن بوو ژێدەرێ قورتالبوونا هەتا هەتایی

1 پەترۆس 1:2

ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.

1 پەترۆس 3:6

هەروەكو سارایێ گوهداریا ئیبراهیمی دكر و دگۆتێ: «ئەزبەنی». ئەڤجا ئەگەر هوین باشیێ بكەن و ژ چ تشتی نەترسن، هوین كچێن وێنە.

1 پەترۆس 4:17

دەم هاتیە كو دادكرن ژ مالا خودێ دەست پێ بكەت. ئەڤجا ئەگەر ژ مە دەست پێ بكەت، دویماهیا وان یێن گوهداریا مزگینیا خودێ ناكەن، دێ چ بیت؟

2 پەترۆس 3:7

لێ ئەرد و ئەسمانێن نوكە هەین، ب هەمان پەیڤێ بۆ ئاگری د هەلگرتینە، تا رۆژا دادكرن و ژناڤبرنا بەدكاران دهێنە هێلان.

یەهودا 1:7

ب هەمان شێوەی سەدۆم و عەمۆرا و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی كەفتن. ئەو ب كێشانا سزایێ ئاگرینی یێ هەروهەر بوونە نموونە.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»

ئاشكراكرن 6:10

ئەوان ب دەنگەكێ بلند گازی كر و گۆت: «هەی خودانێ باڵادەست یێ پیرۆز و راست! تا كەنگی تۆ ئاكنجیێن جیهانێ داد ناكەی و تۆلا خوینا مە ژ وان ڤەناكەی؟»