2 سالونیكی 1:7 - ئنجیلا پیرۆز

⁷ بەرفرەهیێ ژی بدەتە هەوە، ئەوێن هوین د تەنگاڤیێ دا، هەروەسا بدەتە مە ژی، دەمێ خودان عیسا ل گەل فریشتەیێن خۆ یێن بهێز ژ ئەسمانی دیار دبیت

2 سالونیكی 1:7 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەتتای 16:28

ب راستی دبێژمە هەوە: هندەك ژ ئەوێن ل ڤێرێ راوەستیاین، تاكو هاتنا كوڕێ مرۆڤ د پاشایەتیا وی دا نەبینن، تام ناكەنە مرنێ.»

مزگینیا مەتتای 25:31

دەمێ كوڕێ مرۆڤ ب مەزناهیا خۆ ڤە دهێت و هەمی فریشتە یێن د گەل دا، دێ ل سەر تەختێ مەزناهیا خۆ روینیت.

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەتتای 26:64

عیسای بەرسڤا وی دا: «تە گۆت! و ئەز دبێژمە هەوە: ژ نوكە پێڤە هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل سەر عەورێن ئەسمانی یێ دهێت.»

مزگینیا مەرقۆسی 14:62

عیسای گۆت: «ئەز ئەوم و هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل گەل عەورێن ئەسمانی یێ دهێت.»

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا لوقای 16:25

لێ ئیبراهیمی گۆت: ‹كوڕێ من، بینە بیرا خۆ كو تە خۆشیێن خۆ د ژیانا خۆ دا وەرگرتن و لەعازەری ژی نەخۆشی كێشان، لێ ڤێ گاڤێ ئەو ل ڤێرێ یێ دهێتە دلخۆش كرن و تۆ یێ ئازاران دكێشی.

مزگینیا لوقای 17:30

ل رۆژا كوڕێ مرۆڤ ژی دیار دبیت، دێ یا وەسا بیت.

مزگینیا یوحەننای 1:3

ب وی هەمی تشت چێبوون، تشتەك ژ ئەوێن چێبووین بێی وی چێنەبوویە.

مزگینیا یوحەننای 1:51

پاشی گۆتێ: «ب راستی ب راستی دبێژمە هەوە: هوین دێ ئەسمانی بینن یێ ڤەكریە و فریشتەیێن خودێ ل سەر كوڕێ مرۆڤ بلند دبن و دهێنە خوار!»

كارێن هنارتیان 1:11

و گۆتنێ: «گەلی جەلیلیان، بۆچی هوین د راوەستیاینە و بەرێ هەوە ل ئەسمانانە؟ ئەڤە ئەو عیسایە، ئەوێ بۆ ئەسمانان هاتیە بلندكرن، دێ هۆسا ڤەگەڕیتەڤە، هەروەكو هەوە دیتی دچوو.»

كارێن هنارتیان 3:19

ئەڤجا ل خۆ بزڤڕن و بۆ خودێ ڤەگەڕنەڤە دا ل گونەهێن هەوە بهێتە بورین،

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

1 كورنتۆس 3:13

كارێ هەر كەسەكی دێ بەرچاڤ بیت. ئەو رۆژ دێ وی ئاشكرا كەت، چنكو ئەو دێ ل گەل ئاگری دیار بیت، ئاگر ژی دێ كارێ هەر كەسەكی تاقی كەت، كا یێ چەوایە.

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

ئەفەسۆس 1:2

كەرەم و ئاشتی ژ بابێ مە خودێ و خودان عیسایێ مەسیح ل سەر هەوە بن.

كۆلۆسی 1:16

چنكو ب وی هەمی تشت هاتنە ئافراندن: یێن ل ئەردی و یێن ل ئەسمانان، یێن دهێنە دیتن و یێن ناهێنە دیتن، چ تەخت بن یان خودانەتی، چ سەروەر بن یان دەستهەلاتدار، هەمی ب وی و بۆ وی هاتنە ئافراندن.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 10:27

لێ ب تنێ چاڤەڕێكرنەكا ب ترس یا هەی ژ بەر دادكرنێ و ئاگرەكێ دژوار كو دێ دوژمنێن خودێ داعویریت.

عیبرانی 12:29

چنكو «خودایێ مە ئاگرەكێ خۆرەكە.»

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

عیبرانی 4:11

لەوما بلا ئەم بزاڤێ بكەین كو ب ژۆر بكەڤینە د وێ بێهنڤەدانێ دا، دا كەس ژ ئەنجامدانا هەمان نموونەیا نەگوهداریێ ژ ناڤ نەچیت.

عیبرانی 4:9

لەوما بێهنڤەدانەك بۆ گەلێ خودێ یا مای وەكو بێهنڤەدانا خودێیە ل رۆژا حەفتێ.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

1 پەترۆس 3:22

ئەوێ چوویە ئەسمانی و ل دەستێ راستێ یێ خودێیە، فریشتە و دەستهەلاتدار و هێز ملكەچێن وینە.

2 پەترۆس 3:7

لێ ئەرد و ئەسمانێن نوكە هەین، ب هەمان پەیڤێ بۆ ئاگری د هەلگرتینە، تا رۆژا دادكرن و ژناڤبرنا بەدكاران دهێنە هێلان.

یەهودا 1:7

ب هەمان شێوەی سەدۆم و عەمۆرا و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی كەفتن. ئەو ب كێشانا سزایێ ئاگرینی یێ هەروهەر بوونە نموونە.

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 14:10

ئەو ژی دێ ژ شەرابا تۆڕەبوونا خودێ یا دژوار ڤەخۆت، ئەوا چ تشت ل گەل نەهاتینە تێكهەلكرن و پەرداغا تۆڕەبوونا خودێ ژێ هاتیە داگرتن، هەروەسا دێ ب ئاگری و كپریتێ ل پێشیا فریشتەیێن پیرۆز و ل پێشیا بەرخی هێتە ئەشكەنجەدان

ئاشكراكرن 14:13

پشتی هنگی من دەنگەك ژ ئەسمانی بهیست دگۆت: «بنڤیسە: خوزیكێن وان مریان، ئەوێن ژ نوكە و پێڤە ل سەر باوەریێ ب خودانی دمرن.» گیانێ پیرۆز دبێژیت: «بەلێ! دا ژ وەستیانا خۆ بێهنا خۆ ڤەدەن، چنكو كریارێن وان دێ ل گەل وان چن.»

ئاشكراكرن 20:11

پشتی هنگی من تەختەكێ مەزن یێ سپی دیت و ئەوێ ل سەر روینشتی ژی، یێ كو ئەرد و ئەسمان ژ بەر رویێ وی رەڤین و جهەك بۆ وان نەبوو.

ئاشكراكرن 21:4

ئەو دێ هەمی رۆندكان ژ چاڤێن وان پاقژ كەت و ئێدی مرن نابیت، نە شینی و نە گری و نە ئێشان ژی، چنكو تشتێن بەرێ دەرباز بوون.»

ئاشكراكرن 22:16

«ئەز عیسامە، ئەوێ فریشتەیێ خۆ هنارتی، دا ئەز بۆ هەوە شاهدەییێ دەربارەی ڤان تشتان بۆ جڤاكێن باوەرداران بدەم. ئەز رە‍‌ھ و دویندەها داوودیمە، ستێرا سپێدێ یا گەشم.»

ئاشكراكرن 22:6

پاشی فریشتەی گۆتە من: «ئەڤ پەیڤە جهێ باوەریێنە و راستن. خودانی، خودایێ سرۆشێ ددەتە پێغەمبەران، فریشتەیێ خۆ هنارت داكو وان تشتان نیشا بەنیێن خۆ بدەت، یێن كو پێدڤیە زوی روی بدەن.»

ئاشكراكرن 22:9

لێ وی گۆتە من: «وە نەكە! ئەز بەنیمە ل گەل تە و برایێن تە یێن پێغەمبەر و ئەوێن پەیڤێن ڤێ پەرتووكێ ب ج‍‌ھ دئینن. سوجدێ بۆ خودێ ببە.»

ئاشكراكرن 6:11

هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن وان و خویشك و برایێن وان، ئەوێن دێ وەكو وان هێنە كوشتن، تەمام ببیت.