2 سالونیكی 1:5 - ئنجیلا پیرۆز

⁵ ئەڤ چەندە بەلگەیە ل سەر دادكرنا خودێ یا دادپەروەرانە، داكو هوین هەژی پاشایەتیا خودێ بن، ئەوا هوین ژ بەر وێ ئازارێ ژی دكێشن.

2 سالونیكی 1:5 ပူးပေါင်းရင်းမြစ်များ

مزگینیا لوقای 20:35

لێ ئەوێن دهێنە هژمارتن كو د هەژینە بگەهنە وێ جیهانێ و رابوونا مریان، نە ژنێ دئینن و نە شوی دكەن،

مزگینیا لوقای 21:36

ئەڤجا هشیار بمینن و ل هەمی دەمان نڤێژان بكەن، داكو هوین بشێن خۆ ژ ڤان هەمی تشتێن كو نێزیكە دێ روی دەن قورتال بكەن و رویسپی ل بەرامبەر كوڕێ مرۆڤ راوەستن.»

كارێن هنارتیان 13:46

هنگی پاولۆسی و بارناباسی ب وێرەكی گۆت: «پێدڤی بوو ل بەراهیێ پەیڤا خودێ بۆ هەوە هاتبا گۆتن، لێ چنكو هەوە رەتكر و دیار كر كو هوین نە هەژی ژیانا هەروهەرن، ئەڤە ئەم یێ قەستا مللەتێن نەجوهی دكەین.

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

رۆما 2:5

لێ تۆ سەخمەراتی سەرڕەقیا خۆ و دلێ خۆ یێ نەتۆبەدار، بۆ رۆژا تۆڕەییێ و ئاشكرابوونا دادكرنا خودێ یا دادپەروەرانە، تۆڕەییێ بۆ خۆ كۆم دكەی.

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

فیلیپی 1:28

و هوین ب چ شێوەی ژ وان یێن بەرهنگاریا هەوە دكەن، ناترسن. ئەڤە بۆ وان بەلگەیێ وێرانبوونا وانە، لێ یێ قورتالبوونا هەوەیە و ئەڤە ژی ژ لایێ خودێ ڤەیە.

1 سالونیكی 2:14

چنكو هوین ژی گەلی خویشك و برایان، كەفتنە هەمان دەردێ جڤاكێن گازیكریێن خودێ یێن ل یەهودیایێ، ئەوێن ل گەل مەسیح عیسای بووینە ئێك، هەوە ژی ل سەر دەستێ هەڤوەڵاتیێن خۆ هەمان ئازار كێشان، وەكو وان ل سەر دەستێ جوهیان ئازار كێشاین،

2 سالونیكی 1:11

بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

ئاشكراكرن 15:4

كی ژ تە ناترسیت و ناڤێ تە مەزن ناكەت، هەی خودان؟ چنكو تۆ ب تنێ یێ پیرۆزی. هەمی مللەت دێ هێن و ل بەرامبەری تە سوجدێ بەن، چنكو كارێن تە یێن دادپەروەرانە ئاشكرا بوون.»

ئاشكراكرن 16:7

ئینا من دەنگێ قوربانگەهێ بهیست دگۆت: «بەلێ، هەی خودان خودێ، هێزدارێ هەر تشتی، حوكمێن تە د راست و دادپەروەرن.»

ئاشكراكرن 19:2

چنكو حوكمێن وی د راست و دادپەروەرن. ژ بەر كو وی لەشفرۆشا مەزن سزا دا، ئەوا ب دەهمەنپیسیا خۆ ئەرد گەنی كری، هەروەسا وی تۆلا خوینا بەنیێن خۆ ژێ ڤەكر.»

ئاشكراكرن 3:4

لێ تە چەند كەسەك ل ساردیسێ یێن هەین، جلكێن خۆ پیس نەكرینە، ئەو دێ ب جلكێن سپی ل گەل من گەڕیێن، چنكو د هەژینە.