2 سالونیكی 1:4 - ئنجیلا پیرۆز

⁴ لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

2 سالونیكی 1:4 ပူးပေါင်းရင်းမြစ်များ

رۆما 12:12

د هیڤیێ دا د دلخۆش بن، د تەنگاڤیێ دا د خۆڕاگر بن، ل سەر نڤێژكرنێ د بەردەوام بن.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

رۆما 8:25

لێ ئەگەر مە هیڤیا تشتەكی هەبیت كو ئەم نابینین، ئەم ب هەدارێ ل چاڤەڕێ دمینین.

1 كورنتۆس 7:17

سەرەڕای ڤێ چەندێ، هەر ئێك ل دویڤ وێ بەهرێ یا خودانی بۆ وی دانای، هەروەكو خودێ گازی هەر ئێكی كری، بلا وەسا بژیت. ئەز ڤێ فەرمانێ ل هەمی جڤاكێن باوەرداران دكەم.

2 كورنتۆس 12:10

لەوما ئەز ب لاوازیان، كرێتكرنان، نەخۆشیان، تەپەسەركرنان و تەنگاڤیان ژ پێخەمەت مەسیحی كەیفخۆش دبم، چنكو دەمێ ئەز یێ لاواز، هنگی ئەز یێ ب هێزم.

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

2 كورنتۆس 7:4

ئەز گەلەك ژ هەوە یێ پشتڕاستم و گەلەك شانازیێ ب هەوە دبەم. سەرەڕای هەمی تەنگاڤیێن مە، ئەز ژ هاندانێ یێ پڕ بوویم و ژ دلخۆشیێ د سەر دا دچم.

2 كورنتۆس 9:2

چنكو ئەز حەزا دلێ هەوە بۆ هاریكاریكرنێ دزانم، ل نك مەقدۆنیان ئەز شانازیێ پێ دبەم و دبێژمە وان كو هەرێما ئەخایایێ ژ پار وەرە یا ئامادەیە. دلگەرمیا هەوە گەلەك ژ وان بۆ هاریكاریكرنێ هاندان.

2 كورنتۆس 9:4

چنكو ئەگەر هندەك مەقدۆنی ل گەل من بهێن و ببینن هوین نە د ئامادەنە، ئەم دێ شەرمزار بین، ژ بەر كو ئەم ژ هەوە د پشتڕاست بووین. هوین ژی دێ شەرمزار بن، لێ نەهەوجەیە ئەز ڤێ بێژم.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

1 سالونیكی 2:14

چنكو هوین ژی گەلی خویشك و برایان، كەفتنە هەمان دەردێ جڤاكێن گازیكریێن خودێ یێن ل یەهودیایێ، ئەوێن ل گەل مەسیح عیسای بووینە ئێك، هەوە ژی ل سەر دەستێ هەڤوەڵاتیێن خۆ هەمان ئازار كێشان، وەكو وان ل سەر دەستێ جوهیان ئازار كێشاین،

1 سالونیكی 2:19

چنكو ما هیڤی، یان دلخۆشی، یان تانجا مە یا شانازیێ ل پێشیا خودانێ مە عیسای د رۆژا هاتنا وی دا چیە؟ ما نە هوینن؟

2 سالونیكی 3:5

ئەڤجا بلا خودان بەرێ دلێ هەوە بدەتە حەزژێكرنا خودێ و خۆڕاگریا مەسیحی.

عیبرانی 10:36

هوین د پێدڤی خۆڕاگریێنە، داكو پشتی هوین حەزا خودێ ب ج‍‌ھ دئینن، ئەوا سۆز پێ هاتیە دان وەرگرن.

عیبرانی 6:12

دا هوین تەمبەل نەبن، لێ چاڤ ل وان بكەن یێن ب باوەری و بێهنفرەهیێ بووینە میراتگرێن سۆزێن خودێ.

عیبرانی 6:15

ب ڤی ئاوایی، پشتی ئیبراهیمی بێهنا خۆ فرە‍‌ھ كری، سۆز ب دەست ڤە ئینا.

یەعقوب 5:11

ئەڤە ئەم خوزیێ ب وان رادهێلین یێن خۆڕاگرتی. هەوە خۆڕاگرتنا ئەیوبی بهیستیە و هەوە دیت كا ل دویماهیێ خودانی بۆ وی چ كر. چنكو خودان گەلەك یێ دلنازك و دلۆڤانە.

2 پەترۆس 1:6

و ل سەر زانینێ لخۆزاڵبوونێ و ل سەر لخۆزاڵبوونێ خۆڕاگرتنێ و ل سەر خۆڕاگرتنێ خودێترسیێ

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.