2 سالونیكی 1:3 - ئنجیلا پیرۆز

³ پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

2 سالونیكی 1:3 ပူးပေါင်းရင်းမြစ်များ

مزگینیا لوقای 15:32

لێ یا فەر بوو ئەم دلشاد و كەیفخۆش ببین، چنكو ئەڤ برایێ تە، یێ مری بوو، ساخ بووڤە، یێ بەرزە بوو، هاتە دیتن.›»

مزگینیا لوقای 17:5

ئینا هنارتیان گۆتە خودانی: «باوەریا مە پتر لێ بكە.»

مزگینیا یوحەننای 15:2

هەر چەقەكێ من یێ بەرهەمی نەدەت، رادكەت. لێ هەر چەقەكێ بەرهەمی بدەت، دكەزێخیت و پاقژ دكەت، دا پتر بەرهەمی بدەت.

رۆما 1:8

بەری هەر تشتی، ئەز ب رێیا عیسایێ مەسیح ژ بۆ هەوە هەمیان سوپاسیا خودایێ خۆ دكەم، چنكو باوەریا هەوە ل سەرانسەری جیهانێ یا دەنگ ڤەدای.

1 كورنتۆس 1:4

ئەز دەربارەی هەوە هەردەم سوپاسیا خودایێ خۆ دكەم، ژ بەر كەرەما خودێ یا ب مەسیح عیسای بۆ هەوە هاتیە دان،

2 كورنتۆس 10:15

ئەم زێدەگاڤیێ ل سەر وی سنووری ناكەین و شانازیێ ب رەنجا كەسێن دی ببەین، لێ هیڤیدارین، ل گەل وەرارا باوەریا هەوە، سنوورێ كارێ مە د ناڤ هەوە دا زێدەتر بەرفرە‍‌ھ ببیت،

ئەفەسۆس 5:20

هەردەم بۆ هەمی تشتان، ب ناڤێ خودانێ مە عیسایێ مەسیح، سوپاسیا خودایێ باب بكەن.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 1:9

داخوازا من ژی ژ خودێ ئەوە كو حەزژێكرنا هەوە پتر و هێشتا پتر ل گەل زانین و هەمی تێگەهشتنێ زێدە ببیت،

1 سالونیكی 3:12

بلا خودان وە بكەت كو حەزژێكرنا هەوە بۆ ئێكودوو و بۆ هەمیان وەرارێ بكەت و زێدە ببیت، هەروەكو حەزژێكرنا مە بۆ هەوە زێدە دبیت،

1 سالونیكی 3:6

لێ نوكە تیمۆتاوس ژ نك هەوە زڤڕی نك مە و مزگینیا باوەری و حەزژێكرنا هەوە دایە مە. وی گۆتە مە كو هوین هەردەم مە ب باشی دئیننە بیرا خۆ و شەیدایێن دیتنا مە نە، هەروەكو ئەم ژی شەیدایێن دیتنا هەوە.

1 سالونیكی 3:9

ئەڤجا ئەم دێ شێین ژ پێخەمەت هەوە ب چ شێواز سوپاسیا خودێ كەین، ژ بەر وێ هەمی دلخۆشیا مە ب رێكا هەوە ل پێشیا خودایێ خۆ هەی؟

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

2 سالونیكی 2:1

ئەڤجا دەربارەی هاتنا خودانێ مە عیسایێ مەسیح و خڕڤەبوونا مە ل نك وی، ئەم هیڤی ژ هەوە دكەین، گەلی خویشك و برایان،

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

2 پەترۆس 1:13

هندی ئەز د ڤێ خیڤەتێ دا بم، ئەز ڤێ چەندێ راست دبینم كو ئەز هەوە ب ڤێ بیرئینانێ بشارینم.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.