2 سالونیكی 1:11 - ئنجیلا پیرۆز

¹¹ بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

2 سالونیكی 1:11 ပူးပေါင်းရင်းမြစ်များ

مزگینیا مەرقۆسی 4:28

ئەرد ب خۆ بەرهەمی ددەت، ل پێشیێ بستیكێ ددەت، پاشی دكەتە گولی، پاشی دكەتە گولیەكا تژی گەنم.

مزگینیا لوقای 12:32

نەترسە، كەرێ پەزی یێ بچویك، چنكو بابێ هەوە پێخۆش بوو كو پاشایەتیێ بدەتە هەوە.

رۆما 1:9

ئەو خودایێ ئەز د مزگینیا كوڕێ وی دا، ب هەمی گیانێ خۆ خزمەتا وی دكەم، شاهدێ منە، كو ئەز د نڤێژێن خۆ دا بێ راوەستیان هەوە دئینمە بیرا خۆ و هەرگاڤ هیڤیان دكەم، ب ئانەهیا خودێ، ئێدی دەلیڤەیەك بۆ من رێك بكەڤیت، ئەز بهێمە نك هەوە.

رۆما 11:29

چنكو خودێ ژ بەرەكەتداركرن و هەلبژارتنا كەسەكی پەشیمان نابیت.

رۆما 15:14

ئەز ب خۆ ژ هەوە یێ پشتڕاستم خویشك و برایێن من، كو هوین ب خۆ ژ باشیێ دپڕن، ژ هەمی زانینێ د پڕكرینە و دشێن شیرەتان ل ئێكودوو بكەن.

رۆما 8:30

ئەوێن خودێ پێشوەخت دەستنیشان كرین، وی ئەو گازی كرن ژی، ئەوێن وی گازی كرین، وی ئەو بێگونەهكرن ژی، ئەوێن وی بێگونە‍‌ھ كرین، وی ئەو مەزنكرن ژی.

1 كورنتۆس 1:8

ئەو ژی دێ هەوە هەتا دویماهیێ موكم كەت، دا د رۆژا خودانێ مە عیسایێ مەسیح دا چ گازندە ل سەر هەوە نەبن.

ئەفەسۆس 1:16

ژ هنگی وەرە ئەز بێ راوەستیان بۆ هەوە سوپاسیا خودێ دكەم. ب بەردەوامی د نڤێژێن خۆ دا هەوە دئینمە بیرا خۆ

ئەفەسۆس 1:5

وی ل دویڤ كەیف و حەزا خۆ، ئەم پێشوەخت دەستنیشان كرین، دا مە ب رێیا عیسایێ مەسیح بكەتە كوڕێن خۆ،

ئەفەسۆس 1:9

وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

فیلیپی 1:6

ئەز یێ پشتڕاستم، كو ئەوێ كارەكێ باش د دلێ هەوە دا دەست پێ كری، دێ یێ بەردەوام بیت تا ل رۆژا مەسیح عیسای تەمام دبیت.

فیلیپی 2:13

چنكو خودێیە ئەوێ د دلێ هەوە دا كار دكەت، حەز و هێزێ ددەتە هەوە كو وێ بكەن یا ئەو پێ رازی دبیت.

فیلیپی 3:14

ئەز بزاڤێ بۆ ئارمانجێ دكەم، دا خەلاتی قازانج بكەم، ئەوێ ب رێكا مەسیح عیسای، خودێ ئەز بۆ وی گازی كریمە سڵال.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

2 سالونیكی 1:5

ئەڤ چەندە بەلگەیە ل سەر دادكرنا خودێ یا دادپەروەرانە، داكو هوین هەژی پاشایەتیا خودێ بن، ئەوا هوین ژ بەر وێ ئازارێ ژی دكێشن.

2 سالونیكی 2:14

وی بۆ وێ مەبەستێ هوین ب رێكا مزگینیا مە گازی كرن، دا هوین مەزناهیا خودانێ مە عیسایێ مەسیح ب دەست خۆ ڤە بینن.

عیبرانی 12:2

بەرێ مە ل عیسای بیت، داهێنەر و تەمامكەرێ باوەریا مە، ئەوێ ژ پێخەمەت دلشادیا ل بەر وی هاتیە دانان، خۆ ل بەر خاچێ گرتی و شەرمزاریا وێ ب پشت گو‍‌ھ ڤە هاڤێتی، ئەڤجا ل رەخێ راستێ یێ تەختێ خودێ روینشتی.

عیبرانی 3:1

ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

ئاشكراكرن 3:4

لێ تە چەند كەسەك ل ساردیسێ یێن هەین، جلكێن خۆ پیس نەكرینە، ئەو دێ ب جلكێن سپی ل گەل من گەڕیێن، چنكو د هەژینە.

ئاشكراكرن 5:10

تە ئەو بۆ خودایێ مە كرنە پاشایەتی و كاهن، ئەو دێ پاشایەتیێ ل سەر ئەردی كەن.»